Nahúm 1:3 - Qullan Arunaka DC

³ Dios Tatitux wali llamp'u chuymaniwa, ukampis wali ch'amanirakiwa, juchanirus juchapxa uñt'asiyapuniniwa. Tatitux jach'a axsarkañ thayanak patan sarnaqi, qinayanakasti kayunakapan laq'a sartayatapawa.

Aymar Bibliia 1986

³ Dios Tatitojj wali llamp'u chuymaniwa, ucampis wali ch'amaniraquiwa, juchanirusti juchapjja uñt'asiyapuniniwa. Tatitojj jach'a ajjsarcañ thayanac patan sarnake, kenayanacasti cayunacapan polvonacapawa.

Qullan Arunaca

³ Dios Tatitojj wali llamp'u chuymaniwa, ucampis wali ch'amaniraquiwa, juchanirusti juchapjja uñt'asiyapuniniwa. Tatitojj jach'a ajjsarcañ thayanac patan sarnake, kenayanacasti cayunacapan polvonacapawa.

Nahúm 1:3 Jak'a apnaqawi uñst'ayäwi

2 Samuel 22:10

Alaxpach jist'arasin saraqanïna. ¡Kayunakap takt'añapan, ch'iyär qinayanakaw utjäna!

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Job 10:14

jucha lurtti, janicha uk uñch'ukisinkistästaxa, juchaxat nayar juchañchañataki.

Job 38:1

Tatitusti Job chacharux mä jach'a thaya taypitpach parlanïna:

Job 9:4

Diosan yatiñ kankañapax jach'awa, ch'aman kankañapas jach'arakiwa; ¿khitirak Tatit nayraqatan sayt'asispa, jupar atipjarakispasti?

Salmos 103:8

Tatitux munasiriwa, khuyapayasiriwa; janiw mäk q'apisirïkiti, khuyapayasiñan phuqhantatawa.

Salmos 104:3

¡Jumaw utjäwimarux umanakxar utt'aytaxa! Qinayanakax juman sarnaqañ carronakawa; ¡thayan chhiqhanakapxan sarnaqtaxa!

Salmos 145:8

Tatitux suma jaqiwa, khuyapayirirakiwa, q'apisiñapax k'achakiwa, munasiñapasti jilarkiriwa.

Salmos 147:5

Diosasax jach'a ch'amanipuniwa, yatiñ kankañapax jan tukuskiriwa.

Salmos 50:3

Diosasax jutaskiwa, janiw amuk jutkiti: nakhantir ninaw nayraqatapanjam jutaski; jach'a tutukampi muyuntataw jutaski.

Salmos 62:11

11-12 (12-13) Diosan arsutap ist'ta, jupan arup yatta: “ch'amasa, munasiñas jupankatapa, jupax sapa mayniruw lurataparjam waxt'i” sasa.

Salmos 66:3

Diosarux sapxam: “Luratanakamax muspharkañapuniwa. Timanakamax jach'a ch'amam laykuw nayraqataman axsarañat tinkurapxi;

Isaías 19:1

Egipto markataki profecía arunaka: Tatitur uñtapxam, Egiptoruw jutaski mä jaliri qinayar lat'xatata. Jupa nayraqatansti Egipton diosanakapax khathatipxiwa, Egiptonkir jaqinakasti wal axsarapxi.

Isaías 66:15

Tatitux nina taypinjam purinini, carronakapasti mä tutuka thayar uñtatawa; wali ch'amampiw phiñasiñap uñacht'ayani, mutuyäwipasti aqkir ninjamäniwa.

Jeremías 4:13

Uñtapxam, uñisirinakax mä qinayjamaw jutanti, nuwasiñ carronakapasti mä jach'a thayjamaw jutantapxi, caballonakapasti pakat sipansa juk'ampi jalapxi. ¡Kunakïkan jiwasatakixa, janiw kawkhar imantasiñasas utjkistuti!

Daniel (hebreo) 7:13

“Nayax uka unañchäwinak arumax uñjaskakïyätwa: “Qinayanak taypin maynir jutaskir uñjta, jaqin yuqapar uñtata, jupasti chuymani Jilïr jaqiruw jak'achasi, ukat nayraqatapar irpkatapxaraki.

Oseas 8:7

Jupanakax thaysa yapuchapkaspa ukhamawa, jach'a tutukanaksa apthapipkaspa ukhamawa; janiw kuna yapunakapas yawthapiñatakix utjkaniti, janirakiw trigo puyanakat jak'ux apsutäkaniti; apsupkan ukasa, yaqha markankir jaqinakakiw manq'apxani.

Joel 2:13

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Zacarías 9:14

Tatituw markapxarux uñacht'ayasini; mich'inakap lliju llijunakjam antutt'ani. Dios Tatituw trompet phust'ani, aynach jach'a thayamp chikaw sarantarakini.

Números 14:18

“Janiw jank'ak phiñasirïkti, khuyapayasiñaxax jan tukuskiriwa, ñanqha luratsa, nayatak sayt'asiñanaksa pampachtwa, juchanirux mutuyapuntwa, awkimpina taykampin jucha luratanakapatxa, wawanakaparu, allchhinakaparu, allchhinakan allchhinakaparuw mutuyarakta” sasa.

Mateo 26:64

Jesusasti sarakïnwa: —Jumaw uk sasktaxa. Nayasti sapxaraksmawa, Jaqin Yuqaparux ch'aman Diosan kupïxapan qunt'atäskir uñjapxäta, alaxpachat qinayxan jutaskir uñjapxarakïta —sasa.

Santiago 1:19

Munat jilatanaka, akanak amtapxam: taqi jumanakasti ist'añatakix jank'akïpxam; ukatsipana, parlañatakisa, thithiñatakis k'achakïpxam.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.