Miqueas 7:3 - Qullan Arunaca

³ Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Aymar Bibliia 1986

³ Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Qullan Arunaka DC

³ Ñanqhanak lurañatakisti kust'atapunïpxiwa; marka apnaqirinakan yanapirinakapasti qullqik munasipki, taripirinakasti qullqxa chilltayasipxakiwa, munañaninakasti kuntix munapki ukarak lurapxi, markarux jan walirupuniw irpapxaraki.

Miqueas 7:3 Jak'a apnaqawi uñst'ayäwi

Proverbios 16:30

Nayranacapsa ch'irmt'araquiwa jan walinaca lurañatac amtan jakejja; lacapsa achurasiraquiwa jan walinac lurasajja.

Proverbios 17:23

Ñankha lurir jakejj jan qhitins uñjcataw kollk chilltayasi, uqhamata cheka lurañäqui uca maysar k'ewiñataqui.

Isaías 1:23

Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.

Isaías 26:21

Tatitusti palaciopatwa mistunini, aca oraken jaquir jakenacar juchanacapat mutuyañataqui, orakesti janiraquiw juc'ampi jaken jiwayatanacarojj imantcjjaniti, jan ucasti take jan wali luratanacjja khanaruw apsuni.

Isaías 3:5

Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Isaías 32:7

Jan wali sallka jakejja jan walinacacpun lurasqui, jan walinacaracwa amtasqui, pobrenacarusti c'arisiñanacapampiw aynacht'ayi, uqhamaraqui chekaparu uñjäwi mayir jakerusa.

Isaías 5:23

Jumanacasti juchan jakerojj kollke laycojj jan juchan mistuyapjjtajja, jan juchanïqui ucanacarusti juchañchapjjaractawa.

Jeremías 3:5

¿jichhasti colerataquipunïscätati? ¿Colerasiñamasti wiñayataquipunïniti?’ sasa. Uqham sasasti kawkhtejj munctajja ucqharacwa ñankhanacjja lurtajja.”

Jeremías 4:22

“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

Jeremías 8:10

Ucatpï jichhajj warminacapjja yakhanacaru catuyäjja. Orakenacapsa yakhanacaruw catuyaraquëjja. Cunjämatejj jisc'as jach'asa, lunthatasiñampi ganañacwa amtasipqui; profetanacasa, sacerdotenacasa takeniw lunthatasiñaru catuyasipjje.

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Ezequiel 22:27

Aca marcan jilïrinacapasti, cunjämatejj kamakenacajj catutanacapjja jisc'a jisc'a wicanokapjjejja uqhamäpjjaraquiwa, wila wartañataquisa, jakenaca jiwarayañataquisa janc'aquïpjjaraquiwa, kamiriptañacwa munasipcaraqui.

Ezequiel 22:6

Israel marcan apnakerinacapasti ucancaraquiwa, jupanacasti juma taypinarac jacapjjaraqui, jakenacsti kawkhtejj munapqui ucqhwa jiwarayapjjaraqui.

Ezequiel 34:21

Jumanacajj t'uqhanacarojj nuqhunucupjjtawa, mokenokapjjaractawa, uqhamat jaltayapjjtajja.

Ezequiel 9:9

Tatitusti ucjjarojj saraquituwa: “Israel marcan juchapajja uqhamaraqui Judá marcan juchapasa sinti jach'apuniwa. Aca orakensti jake jiwayañaw phokhantataraqui; jan wali lurañanacampi phokhantataraquiwa. Jupanacajj amuyapjjaraquiwa nayajj aca marcjja apanucjjeristsa janirac ñankha luratanacapsa uñjquiristti uqhamwa amuyapjjaraqui.

Oseas 7:3

“Marcajjajj ñankha luräwinacapampi, c'arisiñanacapampejj reyirus, jilïrinacaparus cusisiyiwa.

Amós 5:12

Nayajj yattwa walja ñankha lurapjjatanacama, uqhamarac jach'a juchanacamsa; asqui jakerojj t'akhesiyapjjtawa, kollke catokasina, quejanacansti pobrerojj janiw arjjatapctati.

Miqueas 2:8

Jumanacajj marcajjataquiw sayt'apjjtajja, jakenacatsti isinacapsa aparapjjaractawa jumanacan uñisirinacamäcaspas uqhama.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Miqueas 3:2

Ucampis cunatejj asquïqui ucjja uñisipjjtawa, ñankhäqui ucwa munapjjaractajja. Marcajjarusti lluch'supjjaractawa, k'ara ch'aqha jaytapjjaractajja.

Mateo 26:15

Jupasti saraquïnwa: “Jesusar catuyapjjerisma ucajja, ¿kawkhsa churapjjetasma?” sasa. Jupanacasti quimsa tunc kollke churapjjäna.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.