Miqueas 7:2 - Qullan Arunaca

² Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Aymar Bibliia 1986

² Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Qullan Arunaka DC

² Aka uraqinxa janiw maynis Diosatakjam chiqap sarnaqirix utjkxiti; taqinis nuwasiñampi jiwarayasiñampik suyt'asipki; maynit maynikamarakiw aynacht'ayasisipki.

Miqueas 7:2 Jak'a apnaqawi uñst'ayäwi

Salmos 10:9

putunquir leonar uñtataw jan cunan jakerojj suyanti, jaljjatqui ucapachasti, sipitapar jalt'ayasaw katati.

Salmos 12:1

Tatay, khespiyapjjetaya, asqui jakenacajj tucusisquiwa, chekap sarnaker jakenacajj chhaktasquiwa.

Salmos 12:2

Maynit maynicamaw c'arintasipjje, sallka chuymampiw parlapjje, ch'ojjña chuymampiw arsupjjaraqui.

Salmos 57:6

Nayamp timasirinacajj sipit uchantarapipjjetu, uca sipitan jiwañajjataqui; mä jach'a p'iy jalantañajjatac lurarapipjjetu, ucampis jupanacaquiw ucawjarojj jalantjjapjje.

Proverbios 1:11

Inas sapjjaracchïtam ‘Jutam, nanacampi chica sararaquim, ucatsti munañasaru mä sipita waquichañäni, mä qhiti jan juchani pasasquiri jakeru jiwayañataqui.

Proverbios 12:6

Ñankha jaken arunacapajj jiwayir sipitjamawa; asqui jaken parlatanacapasti khespiyatäñataquiwa.

Isaías 3:5

Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Isaías 57:1

Asqui jakenacajj jiwarawayjjapjjewa, janiraquiw qhitis llact'asquiti; suma jakenacasti chhaktawayjjapjjaraquiwa, janiraquiw qhitis ucjja amuyquiti, jupanacan ñankhata khespitäjjapjjatapjja,

Isaías 59:7

cayunacapasti ñankha tokeruquiw jalañ munasipqui, jan juchani jaker jiwayiris janc'aquiw jalañ munapjje. Amtañanacapansti jak jiwayañanacac amtasipqui, cawqui chektejj sarapqui uca chekanacansti t'unjatäñaquiw utjasqui.

Isaías 9:19

Take ch'amani Tatitun colerasiñapampiw aca marcajj k'ala naqhantata, ninasti marcarojj k'al tucjaraqui; pachpa wawanacapan aychanacapwa mank'apjji, jilanacapatsa janiw qhuyapt'ayasipcaraquiti. Acanjja mayniw okontirejj utji, ucampis mank'atjja awtjayasiscaquiwa, qhayansti mayniraquiw mank'erejj utji, ucampis janiw sist'ascaraquiti.

Jeremías 16:16

Tatitusti saraquiwa: “Walja caturinacwa nayajj qhitanï, israelitanacaru caturapjjañapataqui. Walja jiwarayirinacwa qhitaniraquï israelitanacaru caturapjjañapataqui, take kollunac toketsa, uqhamaraqui karka p'iyanacatsa wayuraniñapataqui take israelitanacaru.

Jeremías 5:16

Take jupanacasti guerran nuwasiri jan ajjsariri jakenacäpjjewa, armanacapasti pachpa jiwañäcaspas uqhamäpjjaraquiwa.

Jeremías 5:26

Marcajjansti ñankha jakenacaw utji, jupanacasti jamach'inac jiwayirinacjamaw suyjjatasipqui, mayninacaru catuntañataquisti sipitanac uscusipcaraqui.

Jeremías 8:6

Take chuymaw ist'ascaraquïyäta, ucampis janiw maynirus ñankha luratapatjja arrepientisir ist'cti, ni take chuymasa arsuscaraquiti: ‘¿Cunsa lurtjja?’ sasa. Takenis jalacamaquiw thaquipanjam jalasqui, jan frenoni guerra caballonacjama.

Lamentaciones 4:18

Take sartäwinacaswa uñch'uquipjje, janiraquiw ankarus mistuñjamäquiti, tucusïwisasti jac'ancjjewa, horasajj purinjjestuwa; ¡tucjatäñasajj purinjjewa!

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Ezequiel 24:6

‘Tatitusti siwa: ¡Cunaquïcani aca jake jiwayiri marcataquejja! jupajj mä sarrontata phucjamawa, cawquïri phuqhuttejj uca sarojj jan kakstqui uqhamaraquiwa. Jumajj uca aychanacjja apsjjam, uca phuqhu ch'usa antutañcama.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Oseas 6:9

Sacerdotenacajj lunthatcamaquïpjjewa, jaket lunthatañac uñch'uquisipqui; jake jiwayapjje, cunayman jan walinacraqui lurapjje Siquem thaquinjja.

Miqueas 2:8

Jumanacajj marcajjataquiw sayt'apjjtajja, jakenacatsti isinacapsa aparapjjaractawa jumanacan uñisirinacamäcaspas uqhama.

Miqueas 3:10

Jumanacajj Diosan Jerusalén marcapjja jake jiwayañanacjjaru, uqhamarac cunatejj jan chekäqui ucanacjjaruw sayt'ayapjjtajja.

Miqueas 3:2

Ucampis cunatejj asquïqui ucjja uñisipjjtawa, ñankhäqui ucwa munapjjaractajja. Marcajjarusti lluch'supjjaractawa, k'ara ch'aqha jaytapjjaractajja.

Zacarías 11:6

Nayajj uqhamaraquiwa jan mayamps qhuyapayascäti aca marcan jacapquis uca jakenacatjja, jan ucasti catjjaruyäwa jake masipan amparanacaparu, reyipan amparaparuraqui. Jupanacaw marcarojj tucjapjjani, janiw qhitirus khespiycäti amparanacapatjja. Naya Tatituw arstjja.”

Hechos 24:9

Ucanquir judionacasti sapjjaraquïnwa: Take ucanacajj chekapunïsquiw, sasa.

1 Samuel 24:11

“Wali sum uñtanim, jach'a rey, cuna apt'atäctejj uca. Acasti capaman puntapawa, qhitirutejj nayajj chekpachansa jiwayquiriscäyäta ucana. Ucampisa jichhajj jumajj, jach'a rey, amuyasimaya, nayajj chekpachapuni jan cuna ñankha lurañsa, ni jamasat lurañsa, uqhamarac reyir jan ist'añsa nayan janipuni amtatajja. Ucampisa jach'a reyejj nayarojj jiwayañataquiw arcanakascaquitu.

1 Samuel 26:20

Janiw nayajj munquiristti wilajjajj Tatitun nayrakatapat jayan wartatäñapa, ucampisa jach'a munañani reyejj mä jisc'a c'utirjamaw thakheri mistunitojja, kollu tokenacansti mä p'isakar uñtataraquiw arcnaketojja —sasa.