Miqueas 7:4 - Qullan Arunaca

⁴ Jupanacat walïqui ucasti mä ch'aphir uñtatawa; wali cheka lurirïqui ucasti yakha ch'aphir uñtataraquiwa. Ucampis jutasquiwa jacthapitanac mayiñ urojja, cuntejj uñjirejj yatiycäyätam uca urojja. Ucapachawa jupanac taypinjja mayjt'asiñajj utjani.

Aymar Bibliia 1986

⁴ Jupanacat walïqui ucasti mä ch'aphir uñtatawa; wali cheka lurirïqui ucasti yakha ch'aphir uñtataraquiwa. Ucampis jutasquiwa jacthapitanac mayiñ urojja, cuntejj uñjirejj yatiycäyätam uca urojja. Ucapachawa jupanac taypinjja mayjt'asiñajj utjani.

Qullan Arunaka DC

⁴ Jupanakat walïki ukasti mä ch'aphi alir uñtatawa; chiq lurirïki ukasti yaqha ch'aphi alir uñtatarakiwa. Ukampis luräwinakapat wayt'añ urux jutaskiwa, kuntix marka uñch'ukirix yatiykäyätam uka uruxa. Ukapachaw jupanak taypin mayjt'asiñax utjani.

Miqueas 7:4 Jak'a apnaqawi uñst'ayäwi

Isaías 10:3

¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Isaías 22:5

Take ch'amani Tatituw uqham luri, mä ajjsarcañ urun puriniñapwa jupajj uscu, t'unjatäñana, jan amuyanïñan unañchanac uñjañ vallenjja, jach'a perkanacwa tincurayasipqui; arnakasitanacapasti kollunaccamaraquiw ist'asi.

Isaías 55:13

Ch'aphi alinac lantisti pinonacaw alipjjaraquini, athapillunac lantisti suma pankaranacaw jilapjjaraquini; ucaw Tatitun sutipjja jach'ar aptani, ucasti wiñayataqui khanañchäwiraquïniwa, janiw t'unjatäcaraquiniti.”

Jeremías 10:15

jan cuna inamaya yänacaquiwa, mä p'enkaraqui, Tatitusti taripäwipanjja ucanacarojj t'unjaraquiniwa.

Jeremías 11:23

Janiraquiw jumanacampejj maynis kheparcjjaniti, jumanacampi jacthapcä uca urusti puriniraquiniwa, Anatot chekan utjir jakenaca, jumanacjjarusti jach'a t'akhesiñwa apayaniraquëjja.”

Jeremías 46:21

Pagata soldadonacapasti, pokoyat vaca kallunacjamäpjjaraquiwa, ucampisa jupanacajj jalacamaquiw mistuwayjjapjjani, janiraquiw sayt'asiñataquejj ch'amanïpcaniti, t'unjatäñapa urusti puriniwa, mutuyatäña horasapasa puriniraquiwa.

Jeremías 8:12

¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Ezequiel 2:6

Jumasti, chacha, jan ajjsaramti jupanacaru, janiraqui ajjsaramsa cuntejj sapcätam uca arunacarusa, ch'aphinacan muyuntatjamas uñjaschïta ucasa, uqhamaraqui alacranes sat animalanac taypinjam jicjjatascchïta ucasa. Janipun ajjsaramti cuntejj sapcätam uca arunacatjja, janiraqui mayjt'asimsa jupanacan mayja uñnakapjjatapatsa, kawkha naya toke sayt'asiri jakenacäsipcpasa.

Ezequiel 28:24

“Israel marcasti janiw mayampsa t'akhescjjaniti, cunjämatejj yakha marcanacan jisc'achatanacapampejj ch'aphinacampjama t'akhesïnjja uqhama. Ucapachaw yatisini nayan Tatitütajja” sasa.

Amós 8:2

Jupasti jisct'araquituwa: —¿Amós, cuns uñjtajja? —sasa. —Mä canastan pokorat achunaca —saractwa. Tatitusti saraquituwa: —Israel marcajj pokoratäjjewa; janipuniw mayampsa perdoncjjeristti.

Nahúm 1:10

Q'ithuntat ch'aphinacjama, uqhamarac waña jichhur uñtata k'ala naqhantatäpjjätawa.

Lucas 21:25

“Ucapachasti unañchanacaw utjani intina, phajjsina, warawaranacana; orakensti marcanacajj mayjt'atäpjjaniwa, uqhamaraquiw sustjasipjjani kota mathapinacan ajjsarcañ khothutitanacapatjja.

Hebreos 6:8

Ucampis ch'aphinacaqui, uqhamarac jan wali koranacampiqui achuscchi ucajja, janiw cunataquis walïquiti; ucasti Diosan maldicitäniwa, tucuyarusti ninar phichhantatäniwa.