Lucas 4:35 - Qullan Arunaca

³⁵ Jesusasti ñankha ajayurojj aqham sasaw tokenokäna: —¡Amuct'am, aca jaketsti mistum! —sasa. Ucapachaw ñankha ajayojj uca jake jupanac nayrakataru jaktasin mistuwayjje, jan cun usuchasa.

Aymar Bibliia 1986

³⁵ Jesusasti ñankha ajayurojj aqham sasaw tokenokäna: —¡Amuct'am, aca jaketsti mistum! —sasa. Ucapachaw ñankha ajayojj uca jake jupanac nayrakataru jaktasin mistuwayjje, jan cun usuchasa.

Qullan Arunaka DC

³⁵ Jesusasti ñanqha ajayurux akham sasaw tuqinuqäna: —¡Amukt'am, aka jaqitsti mistum! —sasa. Ukapachaw ñanqha ajayux taqinin uñjkañ jaqirux uraqir jaqunuküna, ukat jan usuchjasaw jaqit mistuwayxäna.

Lucas 4:35 Jak'a apnaqawi uñst'ayäwi

Salmos 50:16

Jucharar jakerusti Diosajj siwa: “¿Cuna munañanïtas camächinacajj aynakasiñataqui, arusjäwejj aytasiñamataqui,

Zacarías 3:2

Ucatsti Tatitun angelapajj supayarojj siwa: “¡Tatitu jumarojj juchañchpa! Jerusalenaru muniri Tatitu jumarojj juchañchpa. Aca jakesti mä akquir q'illima nina sanc'at apsutäcaspas uqhamawa” sasa.

Mateo 17:18

Ucapachaw Jesusajj uca ñankha ajayurojj tokenokäna, ucatsti uca waynatjja alissuraquïna. Waynasti ucspachaw c'umaräjjäna.

Mateo 8:26

Jupasti saraquiwa: —¿Cunatsa sinti ajjsarapjjta? ¡Jumanacan iyawsañanacamajj sinti pisiwa! —sasa. Sartasisinsti thayampiru kotampiruw tokenokäna, arsutaparusti thayajj t'acurawayjjänwa.

Marcos 1:26

Ñankha ajayusti uca jaketjja t'ucu usjam jupar thalayasinwa jach'at wararisina mistuwayjjäna.

Marcos 4:39

Jesusasti sartasinjja thayarojj tokenokänwa. Kotarusti saraquïnwa: —¡Amuct'am! ¡T'acuraraquim! —sasa. Thayasti t'acurjjänwa, mathapinacasti chhaktawayjjaraquïnwa.

Marcos 9:26

Ucatsti ajayojj warart'asisaw ch'amamp thalayasinarac mistuwayjjäna. Uca waynarusti jiwatjamwa jakonucuwayi. Waljaniraquiw: “Jiwatawa” sapjjäna.

Lucas 11:22

Ucampis maynitejj jupat juc'amp ch'amani jutejja ucat atipjaraquejja, ucapachasti take cuna armanacaparutejj alcatascäna ucjja apakewa. Ucatsti apakcän uca yänacjja munañaparuw ucharaqui.

Lucas 4:23

Jesusasti jupanacarojj sänwa: —Jichhajj jumanacajj sapjjetätaw aca säwi: ‘Kolliri, jumapach kollasim’ sasa. Ucatsti sapjjaraquitätawa: ‘Cunanactejj Capernaum marcanjj lurctas ucanacjja aca marcamanjja luraraquim’ —sasa.

Lucas 4:39

Jesusasti jupa toker alt'asinwa uca usuparojj tokenoke, ucatsti ucspachaw calenturapajj sarakjjäna. Ucapacharaquiw jupajj sayt'asi, ucat jupanacarojj sirviñ kalltäna.

Lucas 4:41

Walja usutanacataracwa ñankha ajayunacajj mistjjapjjäna aqham arnakt'asisa: —¡Jumajj Diosan Yokapätawa! —sasa. Ucampis Jesusajj tokenokänwa uca ñankha ajayunacarojja. Uqhamasti janiw jupanacarojj arsuycänti, jupanacajj jupan Cristötapa yatipjjatap laycu.

Lucas 8:24

Ucat Jesusarojj sartayapjjäna: —¡Yatichiri! ¡Yatichiri! ¡botew jalantirjama! —sasa. Jesusasti sartasinjja mathapinacampiru, thayampirojja tokenokänwa, ucatsti t'acurawayjjaraquïnwa.

Lucas 9:39

Juparusti mä ñankha ajayuw catunti ucaw acatjamat warariyi, uqhamaraquiw wal thalayi, lacapatsti jopokow juti. T'akhesiyiwa ucatjja janiraquiw antutañ munquiti.

Lucas 9:42

Uca waynarusti niya Jesusar jac'achasinquipanwa, ñankha ajayojj pampar liwinucu. Ucat Jesusajj uca ñankha ajayurojja tokenoke. Uca waynarusti waliptayjjewa ucat awquipar catuyjjaraqui.

Apocalipsis 12:12

Alajjpachanacasti ucan utjirinacasa cusisipjjam. Ucampis, ¡wali llaquisiñaraquiw oraken uqhamarac kotan utjirinacataquejja! Supayasti jumanacan ucaruw wali colerat juti, tiempopan juc'aquïtapa yatisina” sasa.