Lucas 4:35 - Qullan Arunaka DC

³⁵ Jesusasti ñanqha ajayurux akham sasaw tuqinuqäna: —¡Amukt'am, aka jaqitsti mistum! —sasa. Ukapachaw ñanqha ajayux taqinin uñjkañ jaqirux uraqir jaqunuküna, ukat jan usuchjasaw jaqit mistuwayxäna.

Aymar Bibliia 1986

³⁵ Jesusasti ñankha ajayurojj aqham sasaw tokenokäna: —¡Amuct'am, aca jaketsti mistum! —sasa. Ucapachaw ñankha ajayojj uca jake jupanac nayrakataru jaktasin mistuwayjje, jan cun usuchasa.

Qullan Arunaca

³⁵ Jesusasti ñankha ajayurojj aqham sasaw tokenokäna: —¡Amuct'am, aca jaketsti mistum! —sasa. Ucapachaw ñankha ajayojj uca jake jupanac nayrakataru jaktasin mistuwayjje, jan cun usuchasa.

Lucas 4:35 Jak'a apnaqawi uñst'ayäwi

Salmos 50:16

Jucharar jaqirusti Diosax siwa: “¿Kuna munañanïtas kamachinakax aynaqasiñataki, jan ukax arust'äwix aytasiñamatakisa,

Zacarías 3:2

Ukatsti Tatitun angelapax supayarux sänwa: “¡Tatitu jumar juchañchpan! ¡Jerusalén markar muniri Tatitux jumar juchañchpan! Aka jaqisti nina sank'at apsut mä aqkir k'illimäkaspas ukhamawa” sasa.

Mateo 17:18

Ukapachaw Jesusax ñanqha ajayur tuqinuqasin uka waynat alissüna, waynasti ukspachaw k'umar tukuwayxäna.

Mateo 8:26

Jupasti sarakïnwa: —¡Juk'a iyawsañan jaqinaka! ¿Kunatsa sinti mulljasipxta? —sasa. Uk sasinsti, sartasisin thayampiru qutampiruw tuqinuqäna, arsutaparusti thayasa, qutas t'akurawayxänwa.

Marcos 1:26

Ñanqha ajayusti uka jaqitxa t'uku usjam jupar thalayasin jach'at wararis mistuwayxäna.

Marcos 4:39

Jesusasti sartasin thayarux tuqinuqäna, qutarusti sarakïnwa: —¡Amukt'am! ¡T'akurarakim! —sasa. Thayasti t'akurxänwa, mathapinakas chhaqtawayxarakïnwa.

Marcos 9:26

Ukatsti ñanqha ajayux warart'asisaw ch'amamp thalasiyäna. Ukat uka waynat mistuwayxäna jiwatjam jaqunukuwayasa. Waljanirakiw: “Jiwatawa” sapxäna.

Lucas 11:22

Ukampis uka ch'aman jaqit sipan juk'ampi ch'aman jaqitix jutasin jupar atipjchixa, nuwasiñ yänakap q'al aparani, uta yänakapsa q'al lunthatjani, ukatsti uka yänak masinakaparuw lakintani.

Lucas 4:23

Jesusasti jupanakarux sänwa: —Jichhax jumanakax aka säwi sapxitäta: “Qulliri, jumapach qullasim” sasa. Ukatsti sapxarakitätawa: “Kunanaktix Cafarnaúm markan lurktas ukanak aka markaman lurarakim” —sasa.

Lucas 4:39

Jesusasti jupa tuqir alt'asin uka usuparux tuqinuqäna, ukat ukspachaw uka usupax apaqtxäna. Ukspachaw jupax sayt'asïna, ukat jupanakar manq'a churarakïna.

Lucas 4:41

Ñanqha ajayunakasti walja usutanakat akham arnaqt'asisaw mistxapxäna: —¡Jumax Diosan Yuqapätawa! —sasa. Ukampis Jesusax uka ñanqha ajayunakarux tuqinuqänwa, janiw jupanakarux arsuykänti, jupanakan Cristötap yatipxatap layku.

Lucas 8:24

Ukat Jesusarux sartayapxäna: —¡Yatichiri! ¡Yatichiri! ¡Botew jalantirjama! —sasa. Jesusasti sartasin mathapinakampiru, thayampiruw tuqinuqäna, ukatsti t'akurawayxänwa.

Lucas 9:39

juparusti mä ñanqha ajayuw katunti ukaw akatjamat warariyi, wal thalayi, lakapatsti jupuq jutayi. Walpun t'aqhisiyi, janirakiw antutañ munkiti.

Lucas 9:42

Kunapachatix uka waynax Jesusan ukar niya jak'achasinkän ukapachaw ñanqha ajayux pampar liwinuküna; ukampis Jesusax uka ñanqha ajayuruw tuqinuqäna, uka waynarusti k'umaraptayxänwa, ukat awkipar katuyxarakïna.

Apocalipsis 12:12

Ukalayku, ¡kusisipxam, alaxpachanaka, ukan utjirinakas kusisipxam! Ukampis, ¡kunakïkan uraqimpina qutampin jakirinakatakixa! Supayasti urunakapan juk'akïxatap yatisinxa jumanakampi katuntasiriw wali q'apisit saraqani” sasa.