Lucas 4:34 - Qullan Arunaca

³⁴ —¡Jaytapjjeta! Nazaretanquir Jesús, ¿cuna lurañamas nanacamp utji? ¿Tucjirit jutapjjesta? Nayajj uñt'smawa, yatiractwa jumajj Diosan Yokapätama —sasa.

Aymar Bibliia 1986

³⁴ —¡Jaytapjjeta! Nazaretanquir Jesús, ¿cuna lurañamas nanacamp utji? ¿Tucjirit jutapjjesta? Nayajj uñt'smawa, yatiractwa jumajj Diosan Yokapätama —sasa.

Qullan Arunaka DC

³⁴ —Nazaretankir Jesús, ¿kuna lurañamas nanakamp utji? ¿Nanakar tukjirit jutta? Nayax uñt'smawa, jumax Diosan Yuqapätawa —sasa.

Lucas 4:34 Jak'a apnaqawi uñst'ayäwi

Génesis 3:15

Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

1 Reyes 17:18

Ucatsti ijma warmejj Eliasarojj sänwa: —¿Cuna lurañajjasa jumampejj utjitu, Diosanquir jake? ¿Jumajj juchanacajja amtayiriti juttajja, ucatjja wawajjaru jiwayiriraqui? —sasa.

Salmos 16:10

Jumajj janiw jiwar catjjaruyquitätati janiraquiw arquiriman janchip ñusantañaps muncätati.

Daniel (hebreo) 9:24

“Pakallko tunca semananacaw pasañapa marcamjjaru, uqhamaraqui kollana marcamjjarusa, uqhamat ñankha luräwiru, juchampiru tucjañataqui, ñankha luräwinacatjja pampachäwi jicjjatañataqui, ucatsti cunatejj chekapäqui uca wiñayataqui utt'ayañataqui, uqhamat unañchäwi uñjcta, uqhamaraqui profecía arunac ist'cta ucanacajj phokhasiñapataqui, ucjjarusti cawquïritejj kollanäqui ucajja Diosar catuyatäjjañapcama.

Mateo 8:29

Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.

Marcos 1:24

—¡Nazaretanquir Jesús! ¿Cuna lurañamas nanacamp utji? ¿Nanacar t'unjirit jutta? Nayajj uñt'smawa, yatiractwa jumajj Diosan Yokapätama —sasa.

Marcos 1:34

Jesusasti walja cunayman usutanacaruw c'umaraptayäna, jakenacatsti cunayman ñankha ajayunac alissuraquïna. Janiraquiw uca ñankha ajayunacarojj cunsa arsuycänti, jupanacajj qhitïcäntï Jesusajj uc uñt'apjjatap laycu.

Marcos 5:7

Ucatsti, jach'at juparojj art'äna: —¡Jesús, Alajjpachanquir Diosan Yokapa! ¿Cuna lurañamas nayamp utji? Diosan sutiparuw achict'assma, janiquiy t'akhesiyistati —sasa.

Lucas 1:35

Angelasti sänwa: —Kollan Ajayuw jumjjaru jutani, ucatsti alajjpach Diosan ch'amapaw mä kenayjam jumarojj imjjattätam. Ucatwa nascan uca wawajj Diosatac yakhachatäni, ucatsti Diosan Wawapa sataraquïniwa.

Lucas 4:33

Sinagogansti mä ñankha ajayun mantat jakew ucancascaraquïna; ñankha ajayusti jach'atwa art'i:

Lucas 4:41

Walja usutanacataracwa ñankha ajayunacajj mistjjapjjäna aqham arnakt'asisa: —¡Jumajj Diosan Yokapätawa! —sasa. Ucampis Jesusajj tokenokänwa uca ñankha ajayunacarojja. Uqhamasti janiw jupanacarojj arsuycänti, jupanacajj jupan Cristötapa yatipjjatap laycu.

Lucas 8:28

Jesusar uñjasinsti jupajj nayrakataparuw quillt'asi, arnakt'asisa: —¡Jesús, alajjpachanquir Diosan Yokapa!, ¿cuna lurañamas nayamp utji? Achict'assmaw janiy t'akhesiyistati —sasa.

Lucas 8:37

Uc yatisinsti Gadara ucsan utjiri take jakew Jesusarojj achict'apjjäna: “Acat sarjjaquim” sasa, jupanacan wal ajjsarapjjatap laycu. Ucatwa Jesusajj boteru mantasin sarawayjjäna.

Hechos 16:39

Ucatjja juesanacajj Pablompit Silasampit perdón mayisiriw sarapjjäna. Carcelat irpsusinsti: “Aca marcat sarjjapjjaquim” sasaw jupanacarojj achict'apjjäna.

Hechos 2:27

Ucatpï jumajj nayan almajj-jja jiwatanac taypir jan jaytcätatejja. Janiraquiw muncätati munat sirviriman janchip ñusjañapsa.

Hechos 3:14

Jumanacasti aca asqui k'oma Jesusarojj jan uñt'iriw tucupjjtajja. Ucatsti jake jiwayirïquis ucaruquiw antutatäñapataquejj mayipjjaractajja.

Hechos 4:27

“Chekpachansa Herodesampi Poncio Pilatompi yakha marcat jutirinacampi, israelitanacampisa, mayaquiw sayt'apjje aca marcana kollan Jesús Yokam tokejja.

Hebreos 2:14

Mä familian wawanacapajj mä janchita, uqhamarac mä wilat jutiriquiwa; Jesusajj janchimpit wilampit jutaraqui uqhamat jiwañapataqui, ucatsti qhititejj jiwayañatac ch'amanïcän ucaru t'unjañataqui, ucasti Supayawa.

Santiago 2:19

Jumajj iyawstawa mä sapa Diosan utjatapjja, ucsti walic lurasctajja, uqhamjja supayanacas iyawsasipcaraquiwa, ajjsarañatsa qhathatipjjaraquiwa.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.

Apocalipsis 20:2

Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.

Apocalipsis 3:7

“Filadelfia iglesian angelaparojj kellkasin apayaraquim: ‘Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati: