Lucas 2:34 - Qullan Arunaca

³⁴ Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Aymar Bibliia 1986

³⁴ Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Qullan Arunaka DC

³⁴ Ukat Simeonax jupanakar aski waxt'äwip churäna, Jesusan taykaparusti sarakïnwa: —Aka wawax Israelankirinakat waljanin qhispiñapatak uchatawa, waljanin mutupxañapatak uchatarakiwa; jupasti mä chimpüniwa, yaqhipanakax katuqapxaniwa, yaqhipanakasti janiw katuqapkaniti,

Lucas 2:34 Jak'a apnaqawi uñst'ayäwi

Génesis 14:19

Abramarusti aca arunacampiw bendiciraquïna: “Alajjpachanquir Diosaw bendicïtam, jupasti alajjpacha, acapacha luririwa.

Génesis 47:7

Joseasti awquiparojj faraonan ucaruw irparaquïna, uñt'ayañataqui. Jacobosti wali suma arunacampiw faraonarojj aruntaraquïna.

Éxodo 39:43

Ucampis cunjämtejj Tatitojj siscäna uqhamarjama lurapjjatanacapa uñjasinsti Moisesajj jupanacarojj bendicïnwa.

Isaías 8:18

Nayampi, uqhamarac Tatitojj churquitu uca wawanacajjampisti, Israel marcataquejj mä muspharcañ unañchjamäpjjtwa, take ch'amani Tatitun usct'ata, Sión kollun jaquiriraqui.

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Mateo 11:19

Ucjjarusti naya, Jaken Yokaparaquiw, jutta. Nayasti mank'aractwa, umaractwa. Ucatsti jumanacajj sapjjaraquistawa: ‘Ancha mank'eriw, umiriraquiw, impuesto cobririnacana, uqhamarac juchararanacampin amigopaw’ sasa. Ucampis Diosan yatiñapajj luräwinacap tokew uñacht'ayasi.”

Mateo 12:46

Jakenacar parlasquipanwa, taycapampi jilanacapampejj purinïna. Jupanacasti ankawjatwa suyt'apjjäna, jupampi parlt'añwa munapjjaraquïna.

Mateo 21:44

[Uca kaljjar tincurejja t'unjatäniwa; ucampis qhitirutejj uca kalajj jaljjattanejja ucajj ñut'jatäniwa.]

Mateo 27:63

sapjjaraquïnwa: —Tata, nanacajj amtasipjjaractwa cuntejj uca c'ari parlir jakejj siscänsa uca. Jupasti saraquïnwa: ‘Quimsürut jactawayjjä’ sasa.

Lucas 2:35

Uqhamatwa cuntejj sapakat maynejj chuymapan lup'qui ucajj yatisini. Jumataquisti take acanacajj wali llaquisiñäniwa.

Juan 3:20

Take qhitinacatejj jan wal lurapqui, ucanacajja khanarojj uñisipjjewa, janiraquiw khanarojj jac'achasipquiti, jan wali luratanacapajj jan khanstañapataqui.

Juan 5:18

Uqham arsutapatwa judionacajj juc'ampi jiwayañ munapjjäna, janiw samarañ uru p'aquintatapatacti, jan ucasti Diosjamaw tucutayna “Diosajj nayan awquejjaw” satapampejja.

Hechos 13:45

Uqham walja jakenac uñjasinjja, Judionacajj wal colerasipjjäna. Pablon arunacaparusti: ‘Janiw chekäquiti’ sapjjänwa. Juparusti cunaymanwa tokepjjaraquïna.

Hechos 17:6

Uca utan jan jicjjatasinsti, Jasonaruquiw catuntasin katatjjapjjäna, mä kawkha jilatanacampir cuna, marca jilïrinac nayrakataru. Ucatsti jach'at irsupjjäna. “¡Aca jakenacajj take chekanwa jakenacar pejjtupjje. Jichhasti acaruraquiw jutapjje.

Hechos 24:5

Nanacajj yatjjatapjjtwa aca jakejj marcar jan walt'ayirïtapa. Take chekanwa judionacarojj ch'ajjwayi, pitthapiraqui. Nazaretanquir Jesusan arquirinacapan p'ekechiriparaquiwa.

Hechos 28:22

Nanacajj ist'añwa munapjjaraquirista juman amuyuma. Yatipjjtwa take chekan aca machak yatichäwita jan walinac parlapjjatapa.

Hechos 4:26

Acapach reyinacasa, marcanquir jilïrinacasa mayaquiw Dios contra tucupjje uqhamarac Cristo contras sayt'apjjaraqui.’

Hechos 6:7

Diosan arunacapasti juc'ampiw parlatäna Jerusalenanjja. Uqhamaraquiw iyawsirinacas waljaniraqui yapjjattaraquïna. Walja sacerdotenac cunaw Tatiturojj iyawsapjjaraquïna.

Romanos 9:32

¿Cunatsa uqhamajja? Jupanacajj janiw iyawsäwi laycuti uqham Diosan catokatäñ munapcänjja, jan ucasti cuntejj jupanacajj lurapquis uca tokwa catokatäñ munapjjäna. Uca laycupï jupanacajj lanctaña kalarojj lanctapjjejja.

1 Corintios 1:23

Ucampis jiwasanacajj Cristojj ch'accatatäcän ucjjatwa parlapjjtanjja. Uca arunacasti judionacataquejj p'enkawa, jan judionacataquisti lokhe cancañaraquiwa.

Hebreos 7:1

Melquisedec chachajj Salem marcan reyipänwa, alajjpach Diosan sacerdoteparaqui. Cunapachatï Abrahamajj, reyinacamp nuwasïwita, atipjanisin cuttanjjäna ucapachajj Melquisedec sacerdotew jicjjatir mistunïna ucat juparojj bendicïna.

Hebreos 7:7

Janiraquiw qhitis janiw siscaspati bendicirejj bendicitäqui ucat jilïrïtapjja.

1 Pedro 4:14

Tatit laycutejj jumanacar jan wali arunacampi tokepjjätam ucajja, cusisiñanïpjjtawa, Diosan Ajayupasti jumanacjjaruw utt'asi. [Jupanacasti uca Ajayu contraw jan wali parlapjje, ucampis jumanacajj uca Ajayurojj jach'añchapjjaractawa.]

1 Samuel 2:20

Ucatsti Elí sacerdotejj Elcanaru, warmipampirojj aqham sasaw bendicïna: “Tatituw jumarojj cuttayjjätam, aca warmi toke wawanac churasa, cuntejj jupajj churqui ucata” sasa. Ucatsti utaparuw cuttanjjapjjäna.