Lucas 2:34 - Qullan Arunaka DC

³⁴ Ukat Simeonax jupanakar aski waxt'äwip churäna, Jesusan taykaparusti sarakïnwa: —Aka wawax Israelankirinakat waljanin qhispiñapatak uchatawa, waljanin mutupxañapatak uchatarakiwa; jupasti mä chimpüniwa, yaqhipanakax katuqapxaniwa, yaqhipanakasti janiw katuqapkaniti,

Aymar Bibliia 1986

³⁴ Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Qullan Arunaca

³⁴ Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Lucas 2:34 Jak'a apnaqawi uñst'ayäwi

Génesis 14:19

Ukatsti Abram chacharuw aka arunakampi aski waxt'äwi churäna: “Alaxpachankir Diosaw aski waxt'äwinak churätam, jupasti alaxpacha, akapacha luririwa;

Génesis 47:7

Ukxarusti Joseax awkiparuw faraonan ukar uñt'ayir irpäna. Jacobusti wali yäqañ arunakampiw faraonarux aruntäna.

Éxodo 39:43

Moisesasti taqi luratanakap uñakipäna, Tatitun arsutaparjam lurapxatap uñjasin, suma waxt'äwip jupanakar churäna.

Isaías 8:18

Nayampi, Tatitux churkitu uka wawanakaxampix, Israel markatak mä muspharkañ chimpüpxtwa, taqi ch'amani Tatitun uskt'atäpxtwa, Sión qullun jakir Tatituna.

Oseas 14:9

9 (10) Yatiñani, ch'ikhi jaqinakas aka arunak amuyt'apxpan: Tatitun thakhipax chiqapawa, chiqa jaqinakakiw ukanjam sarapxi; ukampis ñanqha jaqinakax uka thakhin liwisipxiwa.

Mateo 11:19

Ukxarusti jaqin Yuqapaw juti, jupasti manq'iwa, umiwa, jumanakasti juparux ‘ancha manq'iriwa, umirirakiwa, jan wali jaqinakana, Romatak qullqi apthapirin masipawa’ sapxtawa. Ukampis Diosan yatiñ kankañapax luräwinakap tuqiw uñacht'ayasi.”

Mateo 12:46

Jesusan jaqinakar ukham parlkipansti, taykapampi jilanakapampiw ukawjar purinipxäna, jupanakasti jupampi parlt'añ munapxäna. Anqawjan suyt'apxatapatsti,

Mateo 21:44

Uka qalxar liwxattirix t'unjatäniwa; ukampis qalatix khitirus jalxattanixa, ñut'u tukuyani.

Mateo 27:63

sapxarakïnwa: —Tata, jakaskän ukkhax kuntix uka k'ari jaqix siskäna uk amtasipxta, jupasti sänwa: “Kimsürut jaktawayxä” sasa.

Lucas 2:35

ukhamat kuntix sapaqat maynix chuymapan lup'ki ukax yatisini. Jumatakisti taqi akanakax wali llakisiñäniwa.

Juan 3:20

Jan wal lurir jaqinakax qhanaruw uñisipxi, janiw uka qhanar jak'achasipkiti, jan wali luratanakapan jan qhanstañapataki.

Juan 5:18

Ukham arsutapat judionakax jiwayañpun munapxäna, janiw sábado uru p'akintatapatakti, jan ukasti, “Diosax Awkixawa” sas arsutapampix, Diosäkaspa ukham tukutap amuyapxäna.

Hechos 13:45

Ukataq jaqinak uñjasinsti, judionakax Pablon arunakapar kutipayañ qalltapxäna, kunayman tuqipxarakïna.

Hechos 17:6

Uka utan jan jikxatasinsti, Jasonampiru, mä qawqha jilatanakampirukiw katuntasin qatatipxäna, marka apnaqir jilïrinakan nayraqataparu, jach'at arnaqasisa: —¡Aka jaqinakax taqi chiqan jaqinakar pixtupxi, jichhasti akarurakiw jutapxi,

Hechos 24:5

Aka jaqix markar jan walt'ayir jaqiwa. Taqi chiqan judionakarux ch'axwayi, pitthapiraki, nazareno sat tamankirinakan p'iqichiripawa.

Hechos 28:22

Ukampis nanakax juman amuyum ist'añ munapxirista; taqi chiqan aka machaq tamat jan walinak arsupxatap nanakax yatipxta —sasa.

Hechos 4:26

Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit Cristompir qallkatañataki” sasa.

Hechos 6:7

Diosan arunakapax taqi tuqin yatiyasïna, iyawsirinakasti waljanipuniw Jerusalenan yapxattäna; judío sacerdotenakamppachaw Tatitur iyawsapxarakïna.

Romanos 9:32

¿Kunata? Jupanakax janiw iyawsäwi laykuti ukham Diosan katuqatäñ munapkänxa, jan ukasti kuntix jupanakax lurapki uka tuqikiw katuqatäñ munapxäna. Ukat jupanakax lanktañ qalarux lanktapxäna,

1 Corintios 1:23

jiwasanakasti ch'akkatat Cristot yatiyapxtan. Ukaw judionakarux chuymap ust'ayi, jan judiöpki ukanakatakisti luqhi kankañarakiwa;

Hebreos 7:1

Melquisedec chachax Salem markan reyipänwa, alaxpachankir Diosan sacerdoteparakïnwa. Kunapachatix Abrahamax reyinakar atipjanisin nuwasïwit kuttankän ukkhaxa, Melquisedec sacerdotex jupar jikxatiriw mistüna, ukatsti askinak churäna,

Hebreos 7:7

janirakiw khitis siskaspati aski waxt'äwi churirix aski waxt'äwi katuqirit sipan jilankiw sasaxa.

1 Pedro 4:14

Cristo laykutix jumanakar jan wali arunakamp tuqipxätamxa, kusisiñanïpxtawa, Diosan Ajayupax jumanakampïskiwa.

1 Samuel 2:20

Ukatsti, Elí sacerdotex Elcanampiru, Anampirux aka aski arunak säna: “Niyakixay Samuel wawar Tatitur luqtañapatak katuyapxstaxa, Tatituy jumanakar walja wawanak apaypan” sasa. Uka qhipatsti utaparuw jupanakax kuttawayxapxäna,