Lucas 2:33 - Qullan Arunaca

³³ Joseampi Jesusan taycapampisti wal muspharasipjjäna Simeonan uqham uca wawat arsutapata.

Aymar Bibliia 1986

³³ Joseampi Jesusan taycapampisti wal muspharasipjjäna Simeonan uqham uca wawat arsutapata.

Qullan Arunaka DC

³³ Jesusan awkipampi taykapampisti, Simeonan ukham uka wawat arsutapat wal muspharapxäna.

Lucas 2:33 Jak'a apnaqawi uñst'ayäwi

Isaías 8:18

Nayampi, uqhamarac Tatitojj churquitu uca wawanacajjampisti, Israel marcataquejj mä muspharcañ unañchjamäpjjtwa, take ch'amani Tatitun usct'ata, Sión kollun jaquiriraqui.

Mateo 12:46

Jakenacar parlasquipanwa, taycapampi jilanacapampejj purinïna. Jupanacasti ankawjatwa suyt'apjjäna, jupampi parlt'añwa munapjjaraquïna.

Mateo 8:10

Uc ist'asinsti Jesusajj wali musphataw uñjasïna, jupar arquirinacaparusti saraquïnwa: —Khanacwa sapjjsma, aca israelitanac taypinjja janiw aca chachjam iyawsañanjja maynsa jicjjatcti.

Lucas 2:18

Take ist'irinacasti muspharasipjjänwa awatirinacan jupanacar sapjjatapata.

Lucas 2:48

Awquipampi taycapampisti jupar uñjasajj wal muspharapjjäna, ucat taycapajj säna: —¡Ay wawa! ¿Cunatarac uqham lurapjjestasti? Awquimampi nayampejj wali llact'ataw thakasipjjsma —sasa.

Lucas 20:26

Janiw cunjämat aynacht'ayañs utjcänti, jakenacan nayrakatapan satapampejja; jan ucasti, jupan arsutapatjja muspharasipjjänwa, amuct'jjapjjaraquïnwa.

Lucas 9:43

Takeniraquiw Diosan jach'a cancañapatjja muspharasipjjäna. Takeni Jesusan luratanacapat muspharatäsipquipansti, jupajj discipulonacaparojj sänwa: