Levítico 4:21 - Qullan Arunaca

²¹ Ucatsti uca orko vacajj, campamentot ankäjjaru apsusin naqhantayatäjjaniwa, cunjämatejj nayrakat orko vacajj naqhantayatäcän uqhamaraqui, take israelit jaken juchapata sacrificiot loktatätap laycu.

Aymar Bibliia 1986

²¹ Ucatsti uca orko vacajj, campamentot ankäjjaru apsusin naqhantayatäjjaniwa, cunjämatejj nayrakat orko vacajj naqhantayatäcän uqhamaraqui, take israelit jaken juchapata sacrificiot loktatätap laycu.

Qullan Arunaka DC

²¹ Ukatsti uka urqu vacax campamentot anqäxar apsusin nakhantayatäxaniwa, kunjämatix nayraqat urqu vacax nakhantayatäkän ukhama, taqi israelit jaqin juchapat wilañcha luqtatätap layku.

Levítico 4:21 Jak'a apnaqawi uñst'ayäwi

Esdras 8:35

Ucjjarusti jayar apayatanacajj cutt'anjjapjjäna ucanacasti, churapjjänwa nact'at loktäwinaca Israelan Diosaparu loktatäñapataqui, uqhamarac take israelitanacan sutiparuraqui, churapjjänwa tunca payan vaca kallunaca, llätunc tunca sojjtani qhariñ ovejanaca, pakallk tunca pakallkoni mä maran ovejanaca, uqhamarac tunca payan chivonaca juchata ofrenda loktañataqui. Take ucanacasti Tatitutaqui nact'ayatänwa.

Éxodo 29:14

Ucampis vaca kallun aychapsa, lip'ichipsa, uqhamarac guanonacapsa campamentot ankäjjaruw naqhantayanjjäta, ucasti jucha luratanacata sacrificio loktatätap laycu.

Ezequiel 45:22

Uca urusti marca apnakerinacajj mä orko vaca sacrificiot loktaraquini, pachpa juchanacapata uqhamaraqui take jakenacan juchanacapatsa,

Levítico 16:15

uca khepatwa cabritorojj jiwayjjaraquini, jakenacan juchanacapata mä sacrificiöcaspasa uqhama, ucatsti uca wiljja velo khepäjjaruw apjjaraquini; uca mankhanwa taparojj patjjata uqhamarac nayräjjata ch'allt'ani, cunjämtejj vacan wilapampejj ch'allt'cäna uqhama.

Levítico 16:21

uca cabriton p'ekepjjaru amparapa lokjjatasasti, israelita jakenacan ñankha luratanacapa, Dios toke sayt'asitanacapa, uqhamaraqui take juchanacapwa arsuraquini, uqhamatwa uca cabriton p'ekepjjaru take juchanacjja apjjatjjani, ucatsti cawquïri jaketejj uca apañataqui ajllitäqui ucaw uca cabritjja wasararu irpjjaraquini antutnucunjjañataqui.

Levítico 16:27

“Cawquïri orko vacatejj, uqhamarac cawquïri cabritotejj jucha luratata sacrificio loktatäqui ucanacan wilanacapasa kollana chekaru apatäcaraquïna juchanacat pampachasïwi jicjjatañataqui, ucanacasti campamentot ankäjjaru apatäjjañapawa, lip'ichinacapasa, aychanacapasa, cuna jilt'anacapasa takpacha naqhantayatäjjaraquiniwa.

Levítico 4:13

“Take israelit jakenacatejj jan amuyascasina cuna jan walsa lurapjjanejja, ucatsti janiraqui jupanacat maynis amuycaniti Tatitun arunacap contra jan wali lurapjjatapjja, uqhamat juchañchasipjjchejja,

Levítico 4:20

jan ucajj uca orko vacampejj cunjämatejj juchat sacrificio mä yakha orko vaca loktapcänjja uca quipcaraquiw loktañapa, uqhamat sacerdotejj jupanacataquejj juchanacap pampachatäña jicjjatani, ucatsti juchanacapajj perdonatäjjaraquiniwa.

Levítico 6:11

Ucjjarusti isinacapjja trocsusjjaraquiniwa, khellanacjja campamentot ankäjjaru mä k'oma chekawjaruw apatäjjaraquini.

Levítico 6:23

Sacerdotenacan take ofrendanacapasti k'ala naqhantayatapuniraquïniwa, janiraquiw qhitis ucatjja mank'añapäquiti.”

Levítico 8:17

Ucampisa uca vacat jilt'anacsti, lip'ichipa, aychapa, uqhamarac yakha jilt'anacjjarusti, campamentot ankäjjanwa ninampi naqhantayjjaraquïna, cunjämtejj Moisesajj Tatitut arunac catokcatayna uqhamarjama.

Números 15:24

“Marcpachatejj jan muncasina pantjasini ucapachajj acanac lurapjjäta: takpach marcaw mä suma k'apquir vaca kallu naqhantayasa loktitani, juyra achunacampi, vinompi ofrendanac chica, cunjämtejj Tatitu Diosajj ewjjawayqui uqhama, ucatsipansa mä cabrito loktapjjetäta juchanacat sacrificiotaqui.

Mateo 20:28

Jaken Yokapajj janiw sirviyasiñatac jutquiti jan ucasti sirviriw juti, uqhamarac jacañap churiri walja jakenacar khespiyañataqui —sasa.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Hebreos 13:11

Judío jilïr sacerdotejj animalanacan wilapwa api kollan chekawjaru mä ofrendjama juchanac apakañataqui, ucatsti uca animalanacan aychapjja campamentot ankanwa naqhantayapjje.