Levítico 4:21 - Qullan Arunaka DC

²¹ Ukatsti uka urqu vacax campamentot anqäxar apsusin nakhantayatäxaniwa, kunjämatix nayraqat urqu vacax nakhantayatäkän ukhama, taqi israelit jaqin juchapat wilañcha luqtatätap layku.

Aymar Bibliia 1986

²¹ Ucatsti uca orko vacajj, campamentot ankäjjaru apsusin naqhantayatäjjaniwa, cunjämatejj nayrakat orko vacajj naqhantayatäcän uqhamaraqui, take israelit jaken juchapata sacrificiot loktatätap laycu.

Qullan Arunaca

²¹ Ucatsti uca orko vacajj, campamentot ankäjjaru apsusin naqhantayatäjjaniwa, cunjämatejj nayrakat orko vacajj naqhantayatäcän uqhamaraqui, take israelit jaken juchapata sacrificiot loktatätap laycu.

Levítico 4:21 Jak'a apnaqawi uñst'ayäwi

Esdras 8:35

Uka qhipatsti, Babilonia markat kuttanipkatayna ukanakaxa, tunka payan vaca qallunaka, llätunk tunka suxtan khariñ ovejanaka, paqallq tunka paqallqun mä maran ovejanaka, tunka payan chivonaka apanipxäna, israelitanakan sutipxaru nakt'at luqtäwinaka Israelan Tatitupar luqtatäñapataki. Tatitur jach'añchasaw uka uywanak nakt'ayapxäna.

Éxodo 29:14

ukampis vaca qallun aychapsa, lip'ichipsa, phurupsa campamentot anqäxaruw nakhantayanxäta, jucha luratanakat wilañcha luqtatätap layku.

Ezequiel 45:22

Uka urusti marka apnaqirix, juchanakapata ukhamaraki taqi jaqinakan juchanakapatsa, mä urqu vaca wilañcha luqtani,

Levítico 16:15

uka qhipatsti jaqinakan juchanakapat mä wilañchäkaspas ukham luqtañatakiw cabritorux jiwayxani, wilapsti velo qhipäxaruw apxani; uka manqhan arcan qhuphiñaparux kunjämtix vacan wilapampix ch'allt'käna ukham ch'allt'arakini.

Levítico 16:21

uka cabriton p'iqipxar amparap luqxatasasti, israelita jaqinakan ñanqha juchanak luratanakap arsuni. Ukhamat uka cabriton p'iqipxaru taqi juchanak apxatxani, ukatsti khititix uk apañatak ajllitäki ukaw uka cabrito irpasin wasarar antutnukunxani.

Levítico 16:27

“Jucha luratat wilañcha luqtatäkän uka urqu vacampi, cabritompi, ukanakan wilapas qullan chiqar juchanakat pampachasïwi jikxatañatak apatäkän ukanakax, campamentot anqäxar apatäxañapawa, lip'ichipasa, aychapasa, thaxanakapas taqpach nakhantayatäxaniwa.

Levítico 4:13

“Taqi israelit jaqinakatix jan amuyaskasin kuna jan walsa lurapxanixa, ukat janirak jupanakat maynis amuykani Tatitun kamachinakap p'akintapxatapata, ukhamat juchañchjasipxchi ukaxa,

Levítico 4:20

jan ukax, uka urqu vacampix kunjämatix juchat wilañcha mä yaqha urqu vaca luqtapkän uka kipkarakiw luqtañapa, ukhamat sacerdotex jupanakan juchanakapat pampachatäñ jikxatani, ukatsti juchanakapax pampachatäxaniwa.

Levítico 6:11

11 (4) Ukxarusti yaqha isimpiw isthapisxani, ukatsti uka qhillanakxa campamento anqäxaruw mä q'uma chiqawjar apxani.

Levítico 6:23

23 (16) Sacerdotenakan taqi waxt'anakapasti q'ala nakhantayatäñapapuniwa, janirakiw khitis uk manq'añapäkiti.”

Levítico 8:17

Ukampis lip'ichipa, aychapa, phusnunakapsa, campamentot anqäxan ninampiw nakhantayxäna, kunjämtix Tatitux Moisesar siskatayna ukhamarjama.

Números 15:24

“Markpachatix jan amuyasis pantjasinixa, taqpach markaw mä urqu vaca qallu luqtitani, nakt'ayat suma q'apkir luqta, wakiski uka grano achunakampi, vino waxt'apampi, Diosan arsutaparjama; ukxarusti, jucha luratat mä chivo wilañcha luqtapxitäta.

Mateo 20:28

Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Hebreos 13:11

Ukampis Jilïr sacerdotex qullan chiqawjarux uywanakan wilap apxi, mä waxt'äwjam juchat apaqañataki, ukampis uka uywanakan aychapax campamentot anqäxar nakhantayatawa.