Levítico 17:10 - Qullan Arunaca

¹⁰ “Nayasti take israelitanacataqui, uqhamarac cawquïri jakenacatejj yakha marcanacata jutasina jumanac taypina jacani, take jupanacajj wila mank'apjjaraquini ucanac contraw sayt'äjja, cunjämsa uca wiljja mank'asipcpan. Nayasti uca wila mank'erinacarojja marcap taypitjja jiwayaraquïwa.

Aymar Bibliia 1986

¹⁰ “Nayasti take israelitanacataqui, uqhamarac cawquïri jakenacatejj yakha marcanacata jutasina jumanac taypina jacani, take jupanacajj wila mank'apjjaraquini ucanac contraw sayt'äjja, cunjämsa uca wiljja mank'asipcpan. Nayasti uca wila mank'erinacarojja marcap taypitjja jiwayaraquïwa.

Qullan Arunaka DC

¹⁰ “Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Levítico 17:10 Jak'a apnaqawi uñst'ayäwi

Génesis 9:4

Ucampis wilanpach aychjja janiw mank'apjjätati, jacañajj wilancatap laycu.

2 Samuel 23:17

saraquïnwa: “¡Tatitojj khespiyitpan aca uma umañatjja! ¡Aca uma umañajja aca jakenacan wilapsa umquirista uqhamäspawa, jupanacasti jiwañarus jan ajjsarasaw sarapjjäna aca uma apsurejja jacañapsa apt'asirjama!” sasa. Ucatsti janiw umt'añ muncänti. Uqhamwa uca quimsa jan ajjsarañani chachanacajj lurapjjäna.

Salmos 34:16

Tatitojj ñankha luririnacataquiw sayt'i, aca oraket jupanacar chhaktayañataqui.

Éxodo 30:33

Ucampis qhititejj aca aceite quipcaqui lurcani yakha aceite, uqhamarac aca kollan aceitempi qhiti jakerusa warjjataraquini ucajja jumanac taypitjja jiwayatäñapawa’ ” sasa.

Jeremías 21:10

Nayasti aca marcjjarojj ñankha apaniñwa amtta, janiwa asqui apaniñti. Aca marcjja Babilonianquir reyiruw catuyä, jupasti ninampiw aca marcjja naqhantayaraquini.’ Naya Tatituw ucjja arsta.

Jeremías 44:11

‘Ucatpï naya Israelan take ch'amani Dios Tatitupajj sapjjsmajja: Jumanacjjaru ñankha apaniñwa amtta, Judá orakerusti takpacha t'unjañaraqui.

Ezequiel 14:8

Uca jakempisti nayajj jiquintasïwa, takeninsa uñjcañwa mutuyaraquëjja takenis ucat parlapjjañapataqui, uca jakerusti marcajjatjja chhaktayaraquïwa. Ucapachaw jumanacajj yatipjjäta nayan Tatitütajja.

Ezequiel 15:7

Nayasti jupanacan uñisiripaw tucuraquï, mä ninatsa jaltasipcpan, ucampisa yakha ninaw jupanacarojj catuntani. Cunapachatejj nayajj jupanacan uñisiripa tucü ucapachaw jumanacajj yatipjjäta nayan Tatitütajja.

Ezequiel 33:25

Jichhajj nayan sutejjaru jupanacarojj parlam: ‘Jumanacajj wilani aycha mank'apjjtajja, c'ari diosanacaruw yupaychapjjaractajja, jakenacsa jiwarayapjjaractawa, jichhajj ¿aca orakejj jiwasancaniw sapjjtati?

Ezequiel 44:7

Jumanacan uca yakha marcanacanquiri jakenaca templojjaru irpantasajj nayarojj taquisipjjestawa, cawquïri jakenacatejj jan nayan unañchajja apapqui amuyunacapansa, janchinacapansa; nayarusti liq'inaca, wilanaca sacrificiot loktasaw taquisipjjetu, nayampi arust'äwejj utjcän ucanacsti ajjtascaña luräwinac lurasaw taquisipjjaraqui.

Levítico 17:11

Take jaquirinacasti cuna wilatejj jupanjja utjqui ucampiwa jacaraqui. Nayaw jumanacarojj altarajjan wila churapjjsma, uqhamat jumanacajj uca wila toke cutsuyatäpjjañamataqui, uca wilapï phokjjejja jumanacan jacañanïpjjañamataquejja.

Levítico 19:26

“Janipun mank'apjjamti cunsa wilanïni ucanacjja. Janipun yatirïñjja munapjjamti, janiraqui cunatejj acat kheparojj lurascani ucanaca yatiñarusa uscusipjjamti.

Levítico 26:17

Nayasti jumanac contraw sayt'araquëjja, uñisirinacamas jumanacarojj atipjapjjaraquïtamwa; qhitinacatejj jumanacarojj wal uñisipctam ucanacampi t'unjataw uñjasipjjäta, jan qhitin arctataw chhuctjjapjjaraquïta.

Levítico 3:17

“Aca leyisti wiñayataquiwa, wawanacapan wawanacapataqui, cawqhantï jumanacajj jacapcäta ucqhanjja janipuni wilsa ni liq'sa mank'apjjamti.”

Amós 9:4

Wasararus uñisirinacapan apata sarasipcpan, espadaruw qhitaraquëjja jiwarayaniñapataqui. Janiw sumäquis ucataquejja, jan ucasti jan walitaquipuniw uñjäjja.”

Hechos 15:20

Waquisispaw jupanacar aqham sas kellkaña: ‘Yakha diosanacar loktatäquis ucanacjja jan mank'apjjamti. Janirac wachoka juchsa lurapjjamti, ni cuncat jaychjat jiwayat uywanacsa, ni wilsa mank'apjjamti’ sasa.

Hechos 15:29

Yakha diosanacar loktatäquis ucanacjja jan mank'apjjamti. Janirac wilsa mank'apjjamti, ni cuncat jaychjat jiwayat uywanacsa. Janirac wachok jucha lurañansa sarnakapjjamti. Uca lurañanactejj apanucupjjätajja, jumanacataquejj wali sumäniwa. Walic jilatanaca.”

Deuteronomio 12:16

Ucampis janiw wiljja mank'apjjätati jan ucasti orakeruw waranucupjjäta umäcaspas uqhama.

Deuteronomio 12:23

Ucampis janiw cuna laycus wilapjja mank'apcasmati, wilajj jacañätap laycu; uqhamajj janiw jacañjja wilampi chica mank'antapcasmati.

Deuteronomio 15:23

Ucampis janiw wilapjja mank'ätati, jan ucasti orakeruw waranucüta umäcaspas uqhama.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

1 Samuel 14:32

Uqhamasti ejercitojj cuntejj uñisirinacapat aparapcatayna, ucaruw jaljjatapjjäna; ucat ovejanaca, vacanaca, vaca kallunaca catusinsti qharirapjjänwa, ucat aychapjja wilamppacha mank'antapjjäna.

1 Samuel 14:33

Ucampisa yakhepanacajj Saúl reyir yatiyiriw sarapjjäna: —Jakenacajj Tatitu contraw jucha lurasqui, aycha wilamppacha mank'asajja —sasa. Ucat Saúl reyejj saraqui: —¡Jumanacajj jan wali jakenacäpjjtawa! Mä jach'a kala acacama korumiyasa apanirapipjjeta.