Levítico 17:11 - Qullan Arunaca

¹¹ Take jaquirinacasti cuna wilatejj jupanjja utjqui ucampiwa jacaraqui. Nayaw jumanacarojj altarajjan wila churapjjsma, uqhamat jumanacajj uca wila toke cutsuyatäpjjañamataqui, uca wilapï phokjjejja jumanacan jacañanïpjjañamataquejja.

Aymar Bibliia 1986

¹¹ Take jaquirinacasti cuna wilatejj jupanjja utjqui ucampiwa jacaraqui. Nayaw jumanacarojj altarajjan wila churapjjsma, uqhamat jumanacajj uca wila toke cutsuyatäpjjañamataqui, uca wilapï phokjjejja jumanacan jacañanïpjjañamataquejja.

Qullan Arunaka DC

¹¹ Taqi jakirinakan jakañapax wilankiwa. Naya pachpaw jumanakarux uka uywanakan wilap churapxsma altaran nayar luqtapxañamataki, uka wilan jakañax utjatap laykuw jumanakax juchat pampachatäñ jikxatapxta.

Levítico 17:11 Jak'a apnaqawi uñst'ayäwi

Génesis 9:4

Ucampis wilanpach aychjja janiw mank'apjjätati, jacañajj wilancatap laycu.

Levítico 1:5

Orko vacsti Tatitun nayrakatapana qharinucuni; ucjjarusti Aaronan yokanacapa sacerdotenacaw wiljja loktapjjani, ucatsti Tatitump Jiquisiñ Carpar mantañawjan altararuwa patata, thiyanacata ch'ajjchsupjjani.

Levítico 16:11

“Uca khepatsti Aaronajj orko vaca sacrificiot loktjjaraquini, ucasti pachpa juchapata sacrificio loktäwiwa, uca orko vacsti jupan pachpa juchapata, uqhamarac familiapan juchanacapata pampachatäña catokañataquiw loktaraquini.

Levítico 17:12

“Uca laycu israelita jakenacarusti saractwa: Janipuniw jumanacajja ni jumanac taypina jaquir yakha marcat jutiri jakenacasa wiljja mank'apjjätati sasa.

Levítico 17:14

uca wilajj take jaquirinacarusa jacaña churatap laycu, ucampisa cawquïri jaketejj wila mank'ani ucasti jiwayatäjjaniwa.

Levítico 4:25

Ucjjarusti sacerdotejj juchat sacrificio loktat cabriton mä juc'a wilamp luc'anaparu juricht'asajj, naqhantatäñatac loktaña altaran esquina wajjranacapwa jawirt'araquini; ucatsti wila jilt'jja pachpa altaran cayuparuw wartjjaraquini.

Levítico 4:26

Liq'sti takpachwa altarjjaru naqhantayjjaraquini, cunjämatejj sumancthapiñatac loktat liq'jja naqhantayapqui uca quipca, uqhamat sacerdotejj jilïritaquejj juchapat pampachatäña jicjjatañapataqui, juchanacapasti perdonatäjjaraquiniwa.

Levítico 8:15

Ucat Moisesajj qharinucjjaraquïna, ucatsti luc'ananacapampi wila aptasajja altaran utjcänsa uca wajjranacwa uca wilampi jawiräna, uqhamat k'omachañataqui, ucat jilt'iri wilsti altar cayuruw warnokjjaraquïna. Uqhamaw altarajj k'omachata, uqhamaraqui Tatitur loktata uñjasjjaraquïna.

Mateo 20:28

Jaken Yokapajj janiw sirviyasiñatac jutquiti jan ucasti sirviriw juti, uqhamarac jacañap churiri walja jakenacar khespiyañataqui —sasa.

Mateo 26:28

Acasti nayan wilajjaraquiwa. Ucasti [machak] arust'äwiwa, cawquïritejj wartatäcani walja jakenacar juchanacapata khespiyañataqui.

Marcos 14:24

Jesusasti sascaquïnwa: —Acajj nayan wilajjawa [machak] arsüwi phokhañataqui. Walja jakenac laycuw wartasi.

Romanos 3:25

Diosasti Jesucristoruw juchan pagopjama uchi, jupan jiwäwip laycu khespiyasiñajj utjañapataqui, iyawsäwi toke. Take acanacasti lurasiwa jupan llamp'u chuymapajj uñstañapataqui nayra juchanacas perdonatapatjja.

Romanos 5:9

Jichhasti catokatätanwa Dios nayrakatanjja Jesucriston jiwatap laycu, ucatpï jichhajj tucusïwi mutuñatjja khespiyatäñänejja Cristo toke.

Efesios 1:7

Diosajj jach'a munasiñapatwa Yokapan jiwäwipa toke khespiyistu, juchanacassa perdonasaraqui.

Deuteronomio 12:23

Ucampis janiw cuna laycus wilapjja mank'apcasmati, wilajj jacañätap laycu; uqhamajj janiw jacañjja wilampi chica mank'antapcasmati.

Colosenses 1:14

Uca Yokapasti jiwäwipampiw khespiyaraquistu, juchanacasat pampachasa.

Colosenses 1:20

Ucatsti munaraquïnwa aca orakpachpana Cristo toke sumancañajj utjañapa, take aca orakpachanquirinacampi, alajjpachanquirinacampisa, sumancthapiñapa Criston crusan jiwäwip toke.

Hebreos 13:12

Uqhamaraquiw Jesusajj marcat ankana jiwayatäna, jakenacaru suma k'omachañataqui jupan pachpa wilap toke.

Hebreos 9:22

Ucatsti leyirjamajj niya take cunanacaw wilampi k'omachatäñapa; janiw juchat k'omachasiñajj utjcaspati, janitejj wilajj wartascaspa ucqhajja.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

1 Juan 1:7

Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.

1 Juan 2:2

Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.