Levítico 17:10 - Qullan Arunaka DC

¹⁰ “Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Aymar Bibliia 1986

¹⁰ “Nayasti take israelitanacataqui, uqhamarac cawquïri jakenacatejj yakha marcanacata jutasina jumanac taypina jacani, take jupanacajj wila mank'apjjaraquini ucanac contraw sayt'äjja, cunjämsa uca wiljja mank'asipcpan. Nayasti uca wila mank'erinacarojja marcap taypitjja jiwayaraquïwa.

Qullan Arunaca

¹⁰ “Nayasti take israelitanacataqui, uqhamarac cawquïri jakenacatejj yakha marcanacata jutasina jumanac taypina jacani, take jupanacajj wila mank'apjjaraquini ucanac contraw sayt'äjja, cunjämsa uca wiljja mank'asipcpan. Nayasti uca wila mank'erinacarojja marcap taypitjja jiwayaraquïwa.

Levítico 17:10 Jak'a apnaqawi uñst'ayäwi

Génesis 9:4

Ukampis wilanpach aychxa janiw manq'apxätati, jakañan wilankatap layku.

2 Samuel 23:17

akham sasa: “¡Tatitux aka uma umt'añat qhispiyitpan! ¡Aka uma umañax aka jaqinakan wilapsa umkirista ukhamäspawa, jupanakasti jiwañarus jan axsarasaw aka uma apsurix sarapxi, jakañapsa apt'asirjama!” sasa. Jupasti janiw umt'añ munkapunïnti. Ukham uka kimsa jan axsarir chachanakax lurapxäna.

Salmos 34:16

16 (17) Tatitux ñanqha luririnakatakiw sayt'i, aka uraqit jupanakar chhaqtayañataki.

Éxodo 30:33

Khititix aka aceite kipkak yaqha aceite lurkani, jan ukasa aka qullan aceitempi khiti jaqirusa warxatarakin ukaxa, jumanak taypit jaqunukutaw uñjasini’ ” sasa.

Jeremías 21:10

Nayasti aka markxarux aski lantxa, ñanqha apaniñ amtta. Aka markxa Babiloniankir reyiruw katuyä, jupasti ninampiw aka markxa phichhantani. Naya, Tatituw uk arsta.

Jeremías 44:11

“ ‘Ukatpï naya, Israelan taqi ch'amani Tatitupax sapxsmaxa: Jumanakxarux ñanqha apaniñ amtta, Judá uraqirusti taqpach t'unjañ amtarakta.

Ezequiel 14:8

Nayaw uka jaqimpix jikintasï, taqininsa uñjkañ mutuyarakï, uka luräwix taqinitakis mä uñacht'äwïniwa, uka jaqirusti markaxat chhaqtayarakïwa. Ukapachaw jumanakax nayan Tatitütax yatipxäta.

Ezequiel 15:7

Nayasti jupanakan uñisiriparuw tukurakï. Mä ninatsa jaltasipkaniwa, ukampis yaqha ninaw jupanakarux nakhantani. Jupanakar saykatkä ukkhawa, jumanakax nayan Tatitütax yatipxäta.

Ezequiel 33:25

Jichhax jupanakarux sarakim: ‘Tatitux akham siwa: Jumanakax wilan aycha manq'apxtaxa, idolonakaruw yupaychapxtaxa, jaqinak jiwarayapxtaxa, nuwasiñanakaruw uskusipxtaxa, kuntix nayax uñiskta ukanak lurapxtaxa, taqiniw jila masiman warmipampis wachuqa jucha lurapxaraktaxa, jichhasti ¿aka uraqix jiwasankaniw sapxtati?” sasa.

Ezequiel 44:7

Jumanakax utaxar yaqha markanakankir jucharar jaqinak irpantasaw nayan utax takisipxtaxa; amuyunakapansa, janchinakapansa jan nayampi arust'äwi chimpuxa apapki uka jaqinakaru; wilañcha luqtat uywanakan lik'inakapa, wilanakap nayaru luqtasaw nayan utax takisipxtaxa, nayampi lurata arust'äwsti axtaskañ luräwinak lurasaw takisipxaraktaxa.

Levítico 17:11

Taqi jakirinakan jakañapax wilankiwa. Naya pachpaw jumanakarux uka uywanakan wilap churapxsma altaran nayar luqtapxañamataki, uka wilan jakañax utjatap laykuw jumanakax juchat pampachatäñ jikxatapxta.

Levítico 19:26

“Janipun kunsa wilanpach manq'apxamti. “Janipun yatirïñ munapxamti, kunatix akat qhiparux luraskani ukanak yatiñarus janipun uskusipxamti.

Levítico 26:17

Nayasti jumanakar jan walt'ayañatakiw sayt'ä, uñisirinakamas atipjapxätamwa; khitinakatix jumanakar wal uñisipktam ukanakampi t'unjataw uñjasipxäta, jan khitin arktataw jaltxapxarakïta.

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Amós 9:4

uñisirinakapas yaqha markar katuntat apasipkpan, ukansa espadampi jiwarayatäpxañapatakiw mayirakïxa. ¡Jupanakarux uñch'ukiskakïwa, nayranakaxax jan walitakiw jupanak uñch'ukini, janiw askitak uñch'ukkaniti!”

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Hechos 15:29

Idolonakar luqtat animalanakan aychap jan manq'apxamti; janirak wilsa manq'apxamti, kunkat jaychjat jiwayat uywanaksa jan manq'apxamti, Moisesan kamachipan jark'atäki uka wachuq jucha lurañanak apanukupxam. Uka lurañanaktix apanukupxätaxa, walikisipkätawa. Ukhamasti aruntanipxsmawa” sasa.

Deuteronomio 12:16

Ukampis janiw wilxa manq'apxätati jan ukasti uraqiruw waranukupxäta umäkaspas ukhama.

Deuteronomio 12:23

Ukampis janiw kuna laykus wilap manq'apxätati, wilax jakañawa; ukhamasti janiw jakañxa wilampi chika manq'antapkasmati.

Deuteronomio 15:23

Ukampis janiw uka uywanakan wilap manq'ätati, uraqiruw waranuküta, umäkaspas ukhama.

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

1 Samuel 14:32

ukhamasti kuntix ejercitox uñisirinakapat aparkatayna ukaruw jalxatapxäna; ukat ovejanaka, vacanaka, vaca qallunaka katusin kharirapxäna, aychapsti wilamppach manq'antapxäna.

1 Samuel 14:33

Yaqhipanakasti Saúl reyir yatiyiriw sarapxäna: —Jaqinakax Tatitu nayraqatan wilamppach aycha manq'antasax juch lurasipki —sasa. Ukat Saúl reyix sarakïna: —¡Jumanakax aljantir ch'uxña jaqinakäpxtawa! Mä jach'a qala qurumiyas aka chiqkam apanirapipxita.