Levítico 11:25 - Qullan Arunaca

²⁵ “Cawquïritejj uca jiwat animalanacaru llamct'ani ucasti isipjja t'ajjsokasjjañapawa, ucampisa jayp'thapiñapcamajja k'añuquipunïscaniwa.

Aymar Bibliia 1986

²⁵ “Cawquïritejj uca jiwat animalanacaru llamct'ani ucasti isipjja t'ajjsokasjjañapawa, ucampisa jayp'thapiñapcamajja k'añuquipunïscaniwa.

Qullan Arunaka DC

²⁵ “Khititix uka jiwat animalanak aptkani ukasti, isipxa t'axsuqasxañapawa, ukampis jayp'thapiñapkamax q'añukipunïskaniwa.

Levítico 11:25 Jak'a apnaqawi uñst'ayäwi

Salmos 51:2

Ñankha luratanacajjat jarekt'ita, jucha luratanacajjat k'omacht'ita.

Salmos 51:7

Hisopo alimp ch'ajjch'uquipita: nayasti k'omachataw uñjasï; jarekt'itaya, nayasti qhunut juc'amp jank'ow tucjjä.

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Éxodo 19:14

Moisesajj kollutjja sarakanjjänwa israelit jakenacaru waquichañataqui, Diosaru catuyasipjjañapataqui; uqhamarac israelitanacajj isinacapjja t'ajjsusipjjänwa.

Levítico 11:24

“Cunapachatejj jumanacajj aca luräwinaca lurapjjäta ucapachaw jumanacajj k'añuchata uñjasipjjäta: Cawquïritejj uca jiwat animalanacaru llamct'ani ucasti jayp'thapiñapcama k'añupuniw uñjasini.

Levítico 11:26

“Cawquïri animalatejj jan cayu sillunacapajj payaru jaljtatäcani ucasti, jan ucajja janisa qhisthuña yatcani, ucanacjja k'añu animalanacatpunwa uñt'apjjäta, cawquïritejj uca animalanacaru llamct'ani ucasti k'añuraqui uñjasini.

Levítico 11:28

Uca quipcaraquiwa cawquïritejj uca jiwat animalanacaru aptani ucasti isinacapjja t'ajjsurasjjañaparaquiwa, ucatsti jayp'thapiñapcama k'añuraquiw uñjasini, ucampisa take jumanacasti uca animalanacarojj k'añu animalanacatwa uñt'apjjäta.

Levítico 11:40

cawquïritejj uca jiwat uywan aychapa mank'cani ucasti, isipa t'ajjsokasjjañapawa, k'añoraquiwa jayp'ucama kheparani, uqhamarac cawquïritejj uca jiwat uywaru wayscani ucasti isipjja t'ajjsokasjjañaparaquiwa, ucampisa jayp'ucama k'añuwa khepararaquini.

Levítico 13:6

Uca pakallko urunaca pasatatsti wasitatwa sacerdotejj uca usuta jakerojj uñjjataraquini, ucat uca llagatejj niy chhaktjjchejja, janiraqui juc'ampi akatatatäjjchiti ucapachasti sacerdotejj uca usut jakerojj k'omatwa uñt'jjaraquini, uca llagasti aleka mä jisc'a janchina llagapaquïnwa uca laycu. Ucat usutajj isipa t'ajjsokasjjaraquini, ucatsti k'omaw uñjasjjaraquini.

Levítico 14:46

Cawquïritejj uca utaru mantcani, sacerdotejj jist'antaycatayna uca urunacanjja, uca jakesti jayp'ucama k'añut uñt'atäniwa.

Levítico 14:47

Cawquïritejj uca utan iccani jan ucajj mank'caraquinisa ucasti isinacapjja t'ajjsokasjjañapawa, uqhamaraqui k'omachasjjañapawa.

Levítico 14:8

“Uca k'omachasiri jakesti isinacapjja t'ajjsokasjjañapawa, jupa pachpasa jarekasjjañaparaquiwa, uqhamarac k'alwa ñic'utapsa mururasiñaparaqui, uqhamat k'oma uñjasjjañapataqui. Uca khepatsti puedjjaraquiniwa campamentoru mantawayjjaña, ucampisa pakallko urunacampiw carpapat ankäjjana jacaraquini.

Levítico 15:13

“Uca jaketejj uca jatha aywiyañ usupata c'umarachasjjani ucapachasti pakallko urunacaw jact'asini k'omachasiñapataquejja, isinacapjja t'ajjsokasjjaraquiniwa, uqhamarac jupas jalsu umampiwa jarekasjjaraquini, ucapachaw k'omachatäjjaraquini.

Levítico 15:15

Sacerdotesti mayjja jucha luratat sacrificio loktjjaraquini, maysti takpacha nact'ayasaw loktjjaraquini. Uqhamatwa take uca k'omachasïwi lurañanacjja Tatitun nayrakatapana phokharaquini, uca jatha aywiyiri usun jaketaquejja.

Levítico 15:5

“Cawquïritejj uca jaken iquiñapa llamct'ani ucasti, isipa t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucama k'añut uñt'ataquïscaniwa.

Levítico 16:26

ucjjarusti cawquïri jaketejj uca cabrito wasararu apcäna Azazel ucataqui, ucat isipjja t'ajjsurasjjaraquiniwa, jupa quipcasa jarekasjjaraquiniwa, ucatwa campamentoru mantanjjaraquini.

Levítico 16:28

Cawquïri jaketejj take ucanaca naqhantayjjani ucasti isinacapjja t'ajjsokasjjañapawa, uqhamarac jupa quipcasa jarekasjjañaparaquiwa, uca khepatwa campamentoru mantanjjaraquini.

Levítico 17:15

“Cawquïri israelita jaketejja jan ucajj cawquïri yakha marcat jutasina jumanac taypina jaquiri jakesa mä jiwat uywan aychapa jan ucajj mä monte animalan jiwayata uywan aychapsa mank'ani ucasti isipjja t'ajjsokasjjañapawa, uqhamaraqui jupa quipcasa umampiw jarekasjjaraquini, ucatsti k'añut uñt'ataquipunïscaniwa jayp'ucamajja. Uca khepatwa jupajj k'omachata uñjasjjaraquini.

Levítico 22:6

uca jakesti jayp'ucama k'añuw uñjasini, janiraquiwa kollana yänacatjja mank'añapäquiti janitejj umampi jarekascani ucapachajja.

Zacarías 13:1

“Qhä urunjja mä uma jalsuw jist'artanejja, ucana Davidat jutir familianacas, Jerusalenan jaquirinacasa juchanacapa, k'añu cancañanacapa jarekasipjjañapataqui.

Números 19:10

Cawquïritejj khella apthapqui ucajj isip t'ajjsokasini, ucatsti janïraw k'omäquiti jayp'ucamajja. Ucasti wiñayatac leyïniwa, take jumanac israelitanacataqui, uqhamarac jumanac taypin jaquir jaya marcat jutir jaketaquisa.

Números 19:19

K'omachat jakewa ch'allaquipani k'añuchat jakerojja, quimsïri uruna jan ucajj pakallköri urunsa. Pakallko ururusti juchanacapatjja k'omachatäjjapjjaniwa. Ucatsti k'añu jakejj isipa t'ajjsusiñapa, jarekasiñaparaquiwa, ucampisa k'añüsquiwa, janïraw jayp'ucamajj k'omachatäquiti.

Números 19:7

Ucatsti sacerdotejj isipa t'ajjsusini, uqhamaraquiw janchipsa jarekasini, take ucanac lurasasti campamentorojj mantjjaraquiniwa, ucampisa janiw k'omachatäquiti jayp'ucamajja.

Números 19:8

Uqhamaraquiw cawquïri jaketejj vaca naqhantayqui ucajj isipa t'ajjsokasini, janchipsa jarekasiraquini, ucatsti janiw k'omachatäquiti jayp'ucamajja.

Números 31:24

Pakallko urusti isinacam t'ajjsusipjjäta, ucatsti k'omachatäjjapjjätawa. Ucat campamentorojj mantjjapjjaraquïtawa.

Juan 13:8

Pedrosti sänwa: —Nayarojj janiw cunapachas cayojj jarekquitasmati —sasa. Jesusasti saraquïnwa: —Janitejj jarekcäma ucajja, janiw nayampi chicäcasmati —sasa.

Hechos 22:16

Jichhasti ¿cunats suyascta? Sartam, bautisasiraquim, Tatitun sutipar iyawsasa, take juchanacamat jarekatäñamataqui’ sasa.

Hebreos 10:22

Ucatpï Diosarojj jac'achasiñasajj take chuymampi, mä suma cheka iyawsañampi, jupaw chuymanacasjj k'omacharaqui jan juchani amuyasiñasataqui, janchinacasajj k'oma umamp jarekatäjjewa.

Hebreos 9:10

Ucasti mank'añawjata, umañawjampitac parli, yakhep k'omachasiñanacampita. Ucasti ankäjjataquiquiwa ch'amanejja, cuna horasatï Diosajj mayampi machakat lurcani ucqhacama.

1 Pedro 3:21

Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,

1 Juan 1:7

Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.

Apocalipsis 7:14

Nayasti sistwa: “Tata, jumaw yattajja” sasa. Jupasti saraquituwa: “Acanacajj wali jach'a llaquinacwa pasanipjje, isinacapsti Corderon wilapampi t'ajjsusaraquiw jank'optayanipjje.