Levítico 11:25 - Qullan Arunaka DC

²⁵ “Khititix uka jiwat animalanak aptkani ukasti, isipxa t'axsuqasxañapawa, ukampis jayp'thapiñapkamax q'añukipunïskaniwa.

Aymar Bibliia 1986

²⁵ “Cawquïritejj uca jiwat animalanacaru llamct'ani ucasti isipjja t'ajjsokasjjañapawa, ucampisa jayp'thapiñapcamajja k'añuquipunïscaniwa.

Qullan Arunaca

²⁵ “Cawquïritejj uca jiwat animalanacaru llamct'ani ucasti isipjja t'ajjsokasjjañapawa, ucampisa jayp'thapiñapcamajja k'añuquipunïscaniwa.

Levítico 11:25 Jak'a apnaqawi uñst'ayäwi

Salmos 51:2

2 (4) ¡Ñanqha luratanakaxat jariqt'ita! ¡Jucha luratanakaxat q'umacht'ita!

Salmos 51:7

7 (9) Hisopo alimp ch'axch'ukipita: nayasti q'umachataw uñjasï; jariqt'itaya, nayasti khunut juk'ampi janq'uw tukxä.

Éxodo 19:10

Tatitusti Moisesarux saskakïnwa: —Saram, ukatsti markar wakichanim jichhüru, qharüru jupanakax q'umachasipxpan. Isinakap t'axsusipxpan,

Éxodo 19:14

Moisesasti israelit jaqinakan Diosar katuyasiñapatak wakichiriw qullut saraqanxäna, jupanakasti isinakap t'axsusipxäna,

Levítico 11:24

“Jumanakax aka luräwinak lurasax, q'añuchataw uñjasipxäta: “Khititix uka jiwat animalanakar llamkt'kani ukasti, jayp'thapiñapkamax q'añupuniw uñjasini.

Levítico 11:26

“Kawkïr animalan kayu sillunakapatix payar jan jaljtatäkani, jan ukax janis khisthurïkchini ukanakxa, q'añu animalanakatpun uñt'apxäta, khititix uka animalar llamkt'kani ukax q'añurakiw uñjasini.

Levítico 11:28

Ukhamaraki, khititix uka jiwat animalanakar llamkt'kani ukanakax, jayp'thapiñapkam q'añukipuniw uñjasipxani, isinakapsa t'axsuqasipxañapawa, jumanakasti uka animalanakarux q'añu animalanakat uñt'apxäta.

Levítico 11:40

uka jiwat uywan aychap manq'kani ukasti, isipxa t'axsuqasxañapawa, ukatsti q'añurakiw jayp'ukam uñjasini; khititix uka jiwat uywar waysuñatak llamkt'kani ukasti, isipxa t'axsuqasxañapawa, jupasti jayp'ukamaw q'añuchat uñjasini.

Levítico 13:6

Uka paqallqu urunak qhipatsti wasitat sacerdotex uka usut jaqirux uñxatani, ukat uka llixtitix niya chhaqtaskchixa, janirak juk'amp aqatatkchi ukkhasti, sacerdotex uka usut jaqirux q'umat uñt'xani, uka usun janchina aliqa mä jisk'a llixtikïtap layku. Usut jaqisti isip t'axsuqasxani, ukat q'umaw uñjasxarakini.

Levítico 14:46

Khititix uka urunakan Sacerdoten jist'antayat utar mantkani ukasti, uka jaqix jayp'ukam q'añut uñt'atäniwa.

Levítico 14:47

Khititix uka utan manq'kani, jan ukax ikkani ukasa, q'umachasxañatakix isinakap t'axsuqasxañapäniwa.

Levítico 14:8

“Uka q'umachasiri jaqisti isinakap t'axsuqasxañapawa, jupas jariqasxañaparakiwa, ñik'utapsa, taqpach janchipan utjki uka t'arwanaksa q'al mururasiñapa, ukhamat q'uma uñjasxañapataki. Ukapachakiw wasitat campamentor mantxaspa, ukampisa paqallqu urunakampiw chhujllapat anqäxan jakañapa.

Levítico 15:13

“Uka jaqitix usupat k'umarachasxani ukkhasti, q'umachasiñapatakix paqallqu uru suyt'añapawa, isinakap t'axsuqasxani, jupa kipkas jalsu umampiw jariqasxarakini, ukapachakiw q'umachatäxani.

Levítico 15:15

Sacerdotesti mayxa jucha luratat wilañcha luqtxani, maysti nakt'ayasaw luqtxarakini, ukhamat Tatitun nayraqatapan jatha aywiyir usun jaqitakix q'umachasïwi lurañ phuqxani.

Levítico 15:5

“Khititix uka jaqin ikiñap llamkt'kani ukasti, isip t'axsuqasxañapawa, jupa kipkas jariqasxañaparakiwa, ukampis jayp'ukamax q'añut uñt'atakïskaniwa.

Levítico 16:26

ukxarusti, khititix Azazelataki uka cabrito wasarar apkäna ukasti, isip t'axsuqasxani, jupa kipkas umampix jariqasxarakiniwa, ukat campamentor mantanxani.

Levítico 16:28

Khititix taqi ukanak nakhantaykani ukasti, isinakap t'axsuqasxañapawa, jupa kipkas umampix jariqasxañapawa, uka qhipat campamentor mantanxarakini.

Levítico 17:15

“Mä israelitatixa, jan ukax yaqha markat jutir jaqisa mä jiwat uywan aychapa jan ukax mä monte animalan jiwayat uywan aychapsa manq'kani ukax, isip t'axsuqasxañapawa, jupa kipkas umampi jariqasxañapawa, ukatsti jayp'thapiñapkamaw q'añut uñt'atäni. Ukat jupax q'umachatäxarakini.

Levítico 22:6

uka jaqisti jayp'ukamax q'añuw uñjasini, janirakiw qullana yänakatsa manq'añapäkaniti janitix umampi jariqaskani ukapachaxa.

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Números 19:10

Qhillanak apthapir jaqisti isip t'axsusxani, jupasti jayp'ukamaw jan q'umat uñt'atäni. Ukasti wiñayatak arsut kamachiwa, jumanak israelitanakataki, jumanak taypin jakir jaya markat jutir jaqinakatakisa.”

Números 19:19

Q'umat uñt'at jaqix kimsïr uruna, jan ukax, paqallqür uka urunakan, q'añuchat jaqirux ch'allakipani. Paqallqür urutakisti q'umachatäxaniwa. Ukatsti q'añuchat jaqix isip t'axsusiñapa, umampi jariqasiñaparaki, ukampis jayp'ukamax q'añut uñt'atakïskaniwa.

Números 19:7

ukatsti sacerdotex isip t'axsusxani, janchipsa umampiw jariqasxani, ukat campamentorux mantxani, ukampis jayp'ukamaw q'añuchat uñjasini.

Números 19:8

Vaca nakhantayki uka jaqisti, isip t'axsusxani, janchipsa umampi jariqasxarakini, ukampis jayp'ukamaw q'añuchat uñjasini.

Números 31:24

Paqallqür urun isinakam t'axsusipxäta, ukat q'umachat uñjasxapxäta. Uka campamentorux mantxapxarakïta —sasa.

Juan 13:8

Pedrosti sänwa: —Janipuniw kayunakax jariqkitasmati —sasa. Jesusasti sarakïnwa: —Janitix jariqkäm ukasti, janiw nayampïkasmati —sasa.

Hechos 22:16

Jichhasti, jan juk'amp suyamti. Sartasim, bautismo katuqarakim, Tatitun sutip aytasis taqi juchanakamat jariqasim’ sasa.

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

Hebreos 9:10

Uka manq'añanaka, umañanaka, yaqhip q'umachasiñanakax patxa luräwikiwa, ukanakax kunapachatix Diosax machaqar tukuykan ukkhakam ch'amanikiwa.

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.