Levítico 11:24 - Qullan Arunaca

²⁴ “Cunapachatejj jumanacajj aca luräwinaca lurapjjäta ucapachaw jumanacajj k'añuchata uñjasipjjäta: Cawquïritejj uca jiwat animalanacaru llamct'ani ucasti jayp'thapiñapcama k'añupuniw uñjasini.

Aymar Bibliia 1986

²⁴ “Cunapachatejj jumanacajj aca luräwinaca lurapjjäta ucapachaw jumanacajj k'añuchata uñjasipjjäta: Cawquïritejj uca jiwat animalanacaru llamct'ani ucasti jayp'thapiñapcama k'añupuniw uñjasini.

Qullan Arunaka DC

²⁴ “Jumanakax aka luräwinak lurasax, q'añuchataw uñjasipxäta: “Khititix uka jiwat animalanakar llamkt'kani ukasti, jayp'thapiñapkamax q'añupuniw uñjasini.

Levítico 11:24 Jak'a apnaqawi uñst'ayäwi

Isaías 22:14

Ucampisa take ch'amani Tatitojj nayaruw uñstitu, ucatsti saraquituwa: “Janipuniw aca jucha luratanacapjja perdoncäti; jan ucasti jumanacajj jiwarapjjätawa” sasa. Aca arunacajj take ch'amani Tatitun arunacapawa.

Levítico 11:23

ucampisa cawquïri lak'onacatejj chhekhanacapampi thoknakasqui, uqhamarac cayunacapampisa thoktasqui ucanacsti ajjtascañ lak'onacatwa uñt'apjjäta.

Levítico 11:25

“Cawquïritejj uca jiwat animalanacaru llamct'ani ucasti isipjja t'ajjsokasjjañapawa, ucampisa jayp'thapiñapcamajja k'añuquipunïscaniwa.

Levítico 11:31

“Take animalanac taypinsti uca animalanacarojj mä k'añu animalanacat uñt'apjjäta. Cawquïri jaketejj uca jiwat animalanacaru llamct'apjjani ucanacasti jayp'thapiñapcama k'añuraquiw uñjasipjjani.

Levítico 11:8

“Uca animalanacan aychapsti janipuniw mank'apjjañamäquiti, janiraquiw uca jiwat animalanacsa llamct'apjjañamäquiti. Uca animalanacarusti mä k'añu animalanacat uñt'apjjäta.

Levítico 14:46

Cawquïritejj uca utaru mantcani, sacerdotejj jist'antaycatayna uca urunacanjja, uca jakesti jayp'ucama k'añut uñt'atäniwa.

Levítico 15:10

“Cawquïri jaketejj uca jatha aywiyir jaken mä cuna kont'atapjjarusa llamct'ani ucasti k'añut uñt'atapunïniwa jayp'thapiñapcamajja.

Levítico 15:11

“Cawquïri jatha aywiyiri usut jaketejj amparapa jan jarekasisa yakha jakeru llamct'ani, uca llamct'at jakejja isipjja t'ajjsokasjjañapawa, jupa pachpas jarekasiñaparaquiwa, ucampis k'añut uñt'atäniwa jayp'thapiñapcamajja.

Levítico 15:15

Sacerdotesti mayjja jucha luratat sacrificio loktjjaraquini, maysti takpacha nact'ayasaw loktjjaraquini. Uqhamatwa take uca k'omachasïwi lurañanacjja Tatitun nayrakatapana phokharaquini, uca jatha aywiyiri usun jaketaquejja.

Levítico 15:21

“Cawquïritejj uca phajjsi wilani warmin iquiñapa llamct'ani ucasti isinacapjja t'ajjsokasjjañapawa, uqhamaraqui jupa quipcasa jarekasjjañaparaquiwa, ucatsti jayp'ucama k'añut uñt'ataquipunïscaniwa.

Levítico 15:22

“Cawquïritejj uca warmina mä cuna konjjatatapjjarusa llamct'ani ucasti isipjja t'ajjsokasjjañapawa jupa quipcasa jarekasjjañaparaquiwa, ucampisa jayp'ucamajja k'añut uñt'ataquipunïscaniwa.

Levítico 15:23

Uca warmin iquiñapsa jan ucajj mä cunapsa maynejj llamct'ani, ucasti k'añut uñt'ataquipunïscaniwa, jayp'thapcama.

Levítico 15:27

“Cawquïritejj uca yänaca llamct'ani ucasti k'añut uñt'atäniwa. Isipjja t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucamajja k'añut uñt'ataquipunïscaniwa.

Levítico 15:5

“Cawquïritejj uca jaken iquiñapa llamct'ani ucasti, isipa t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucama k'añut uñt'ataquïscaniwa.

Levítico 15:6

“Cawquïri jaketejj uca aywiyiri jaken konuñaparu kont'ani ucasti, isipjja t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucama k'añuquipuniw uñjasiscani.

Levítico 15:7

“Cawquïritejj uca jatha aywiyiri jakeru llamct'ani ucasti isipjja t'ajjsokasjjañaparaquiwa, ucatsti jupa quipcasa jarekasjjañaparaquiwa, ucampisa k'añut uñt'ataquipunïscaniwa jayp'thapiñapcamajja.

Levítico 15:8

“Uca jatha aywiyiri usut jaketejj mayni k'oma jakeru thusjjatani, uca jakesti isinacapjja t'ajjsokasjjañapawa, uqhamarac jupa quipcasa jarekasjjañaparaquiwa, ucampisa k'añut uñt'ataquipunïscaniwa jayp'thapiñapcamajja.

Levítico 16:26

ucjjarusti cawquïri jaketejj uca cabrito wasararu apcäna Azazel ucataqui, ucat isipjja t'ajjsurasjjaraquiniwa, jupa quipcasa jarekasjjaraquiniwa, ucatwa campamentoru mantanjjaraquini.

Levítico 16:28

Cawquïri jaketejj take ucanaca naqhantayjjani ucasti isinacapjja t'ajjsokasjjañapawa, uqhamarac jupa quipcasa jarekasjjañaparaquiwa, uca khepatwa campamentoru mantanjjaraquini.

Levítico 22:4

“Aaronan wawanacapata, cawquïritejj lepra usunïni jan ucajj jathapsa aywiyasini, ucasti janiw kollana yänacatjja mank'caniti jupan suma c'umarachasiñapcama, uqhamarac suma k'omachasiñapcama. Qhititejj mä jiwata jakena cuna k'añupsa llamct'ani, jan ucajj jathapsa aywiyiri jakerusa llamct'ani,

Levítico 22:5

jan ucajj mä catari casta animal llamct'asasa k'añuchasini, jan ucajj mayni jakesa k'añücasina mayni jake masiparu llamct'asina k'añu tucuyaraquini,

Levítico 22:6

uca jakesti jayp'ucama k'añuw uñjasini, janiraquiwa kollana yänacatjja mank'añapäquiti janitejj umampi jarekascani ucapachajja.

Levítico 5:2

“Maynitejj cuna k'añsa llamct'ani, mä jiwat k'añu uywa, uywañ uywäpasa, jan ucajj jan uywañ uywäpasa, jan ucajj k'añu asirüpasa, uqham llamct'atapampejj k'añuchataw uñjasjjani, ucatsti janisay amuyascpa, juchañchataraquïniwa.

Levítico 7:21

“Cawquïri jaketejj mä cuna k'añunacsa llamct'ani, mä jaken k'añupäpasa, jan ucajj mä uywan k'añupäpasa, jan ucajj cawquïri ajjtascaña yänacäpasa, ucat uca sumancthapiñataqui loktat aycha mank'araquini ucasti jakenac taypitjja apanucutäjjaniwa, uca aychajj Tatituncatap laycu.”

Números 19:7

Ucatsti sacerdotejj isipa t'ajjsusini, uqhamaraquiw janchipsa jarekasini, take ucanac lurasasti campamentorojj mantjjaraquiniwa, ucampisa janiw k'omachatäquiti jayp'ucamajja.

1 Corintios 15:33

Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

Colosenses 2:20

Jumanacajj Cristomp chicaw jiwjjapjjtajja, take jakenacan amtatanacapatjja jithektasjjapjjaractawa take cunanac toketsa. ¿Cunataraqui jichhasti acapacha jakenacjam jacasipctasti jaken amtatanacapar ist'asasti,

Hebreos 9:26

Uqhamäsapän ucajja walja cutiraquiw jiwañapäsapänjja aca orake kalltatpachjja. Jichhajj take uca urunac phokhasisquipanjja, Cristojj mä sapa cutiquiw pacha tucuyar uñstani, jupapachparaquiw mä sacrificio loktasiwayi take juchanac apakañataqui.

1 Juan 1:7

Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.