Jueces 7:1 - Qullan Arunaca

¹ Gedeonan yakha sutipasti Jerobaal sataraquïnwa, take jupampïcäna ucanacampi wali alwata sartawayasinjja puripjjänwa Harod sat umajja jalsqui uca chekaru utjnokasa campamento lurasiñataqui. Ucampis madianitanacan campamentopajja jupanacat amsta tokencjjänwa More sat loma cayu vallena.

Aymar Bibliia 1986

¹ Gedeonan yakha sutipasti Jerobaal sataraquïnwa, take jupampïcäna ucanacampi wali alwata sartawayasinjja puripjjänwa Harod sat umajja jalsqui uca chekaru utjnokasa campamento lurasiñataqui. Ucampis madianitanacan campamentopajja jupanacat amsta tokencjjänwa More sat loma cayu vallena.

Qullan Arunaka DC

¹ Gedeón chachasti, khitirutix Jerubaal sapxarakïna, jupax, taqi jupampïkäna ukanakampi wali willjtat sartawayasinxa, Harod chiqan utjir uma jalsu jak'aruw utjnuqtir sarapxäna. Madianitanakan campamentopasti jupanakat amsta tuqin jikxatasïna, Moré qullu kayunkki uka qhirwana.

Jueces 7:1 Jak'a apnaqawi uñst'ayäwi

Génesis 12:6

ucqhasti Abramajj take ucsa orakenacsa pasascaquïnwa, Siquem sisqui uca chekar puriñcama, cawqhanccäntejj encina kollan kokajj More sat chekana. Uca orakenacansti cananeo jakenacaw jacapjjaraquïna.

Génesis 22:3

Khepärmanthisti wali alwatwa Abrahamajj sartasïna, asnopa caront'asi, sacrificiotaquisti lawa ch'iyjaraqui, ucatsti cawqharutejj Diosajj “Saram” siscatayna uca chekaruw sari, Isaac wawap irpjjarusisina, pani sirvirinacapampi cuna.

2 Samuel 23:25

Sama sat jake, jupasti Harod chekan utjasiriraquïnwa; pachpa marcanquiri Elica sat jakempi;

Salmos 83:9

Madián jakenacarjam jupanacarojj uñjam, Sísara jakenacarjam luram, Cisón jawira jac'anquir Jabín jakenacarjama:

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Deuteronomio 11:30

Aca kollunacasti jicjjatasiw Jordán jawirat qhursa tokena, inti jalanta tokeru sarañäquis ucsana, cananeonacas pampa oraken jacapqui ucqhana, Gilgal sat orake uñcatasina, More sat chekana, encinas kokanacäquis uca thiyana.

Josué 3:1

Josué chachajj khepärmanthejj wali alwat sartasïna, ucatsti take israelit jakenacampiw Sitim sat chekat mistuwayapjjäna Jordán jawirar purisina, ucanwa samarapjjaraquïna janïr jawir maqhatcasina.

Josué 6:12

Khepärmanthisti Josué chachajj wali alwat sartasïna, ucatsti sacerdotenacajj Diosan arcap apjjarusinjja nayrakataruw sarapjjäna.

Jueces 6:32

Uca urutsti Gedeonarojj Jerobaal sasaw sutichapjjäna, ucampis sapjjaraquïnwa: “Baal diosajj arjjataspan” sasa, Gedeonajj Baal diosan altarapa tincthapiyatap laycu.

Jueces 6:33

Ucatsti take madianitanacampi, amalecitanacampi, inti jalsu tokenquirinacampejja mayaqui tantacht'asisawa Jordán jawira maqhatcatanipjjäna. Ucatsti Jezreel sat valleru kamnokapjjäna.

Jueces 6:40

Uca arumasti Diosajj uqhamwa luräna. Khepa arumarji alwatasti lip'ichejja wañaquiscänwa, orakequiw wali jurïnjja.

Jueces 8:29

Joasan, Jerobaal sat Gedeón yokapasti utaparuw jacasiri sarjjäna.

1 Samuel 12:11

“Uca laycuw Tatitojj qhitanïna, Jerobaal, Barac, Jefté, uqhamarac Samuel ucanacaru, jumanacar uñisirinacamat khespiyañapataqui, uqhamat jumanacajj sumaqui jacasipjjañamataqui.

1 Samuel 29:1

Filisteonacasti take jakenacapjja Afec sisqui uca chekaruw tantacht'apjjäna, ucañcamasti israelitanacajj Jezreel sisqui uca chekanquir uma jalsu jac'aruw purintapjjaraquïna.