Jueces 7:2 - Qullan Arunaca

² Diosasti Gedeonarojj saraquïnwa: “Jumampïpqui uca jakenacajja sinti waljanïpjjewa. Nayatejj israelitanacar yanapasa atipjayäjja madianitanacaru ucajja alabasipjjaspawa jupanacaquis ch'amanacapampi khespiyasipcaspa uqhama.

Aymar Bibliia 1986

² Diosasti Gedeonarojj saraquïnwa: “Jumampïpqui uca jakenacajja sinti waljanïpjjewa. Nayatejj israelitanacar yanapasa atipjayäjja madianitanacaru ucajja alabasipjjaspawa jupanacaquis ch'amanacapampi khespiyasipcaspa uqhama.

Qullan Arunaka DC

² Tatitusti Gedeonarux sänwa: “Jumamp chikäpki uka jaqinakax sinti waljaniwa, nayatix israelitanakar yanapasa madianitanakar atipjayäxa, naya nayraqatan jach'achasipxani, ukatsti jupanakas atipjapkaspa ukham amuyasipxani.

Jueces 7:2 Jak'a apnaqawi uñst'ayäwi

Génesis 46:2

Uca arumasti Diosajj Israelarojj mä visionan uñstäna, Jacob sutipat jawsasa. Ucat Jacobojj saraquïna: —Acancasctwa, Tata —sasa.

2 Crónicas 14:11

Asasti Tatit Diosaparuwa art'asïna, aqham sasa: “Tata, jumataquejj pachpaquiwa ch'amanirusa, jan ch'amanirusa yanapt'añajja. Ucampisa ¡yanapt'apjjetaya, nanacan Tatit Diosajja, nanacasti jumaruwa iyawsapjjsma, juman sutimaruraquiw aca ejercitompi nuwasiñataquejj jutapjjaracta! Tata, jumaw nanacan Diosajjätajja. ¡Jumasti uacht'ayasimaya jan qhitis jumataqui sayt'asiñapjja! ” sasa.

Isaías 10:13

Asirianquir reyisti saraquiwa: “Nayaw take ucanacjja ch'amajjampi lurjta, nayajj wali ch'iqhïtwa sumrac amtaractjja, nayaw marcanacan korpanacapsa mayjt'aytjja, kamir cancañanacapsa catuntasiractjja, ucatsti wali ch'amani chachjamaw reyinacarojj tincjaytjja.

Isaías 2:11

Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.

Isaías 2:17

Jach'a jach'a tucur jakenacajja, k'ala alt'ayatäpjjapuniniwa. Uca urusti Tatituquiraquiw jach'a cancañap uñacht'ayani,

Jeremías 9:23

Tatitusti siwa: “Yatiñan jakejj jani jach'a jach'a tucpati yatiñapampejja, munañanisa, janiraqui munañanïtap laycojja, ni kamiris jach'a jach'a tucpati yänacap laycojja.

Ezequiel 28:17

Sumätam laycusti wali jach'a jach'aw tuctajja, c'ajquir cancañamasti, yatiñ cancañamjja t'unjaraquiwa, nayasti orakeruw liwinucuracsma, mä p'enka liwinucuracsma take reyinac nayrakatana.

Ezequiel 28:2

“Jumasti, chacha, jichhajj Tiro marcan reyiparu saraquim: ‘Aqham siw Tatitojja: Chuymamajj jach'a jach'a tucuñampi phokhantatawa, mä diosäcasmas uqhamwa amuyasiractajja, diosanacan konuñapana kont'asiractajja, jach'a kotampi muyuntata. Ucampisa janiw diosäctati, jakequïtawa, mä diosan yatiñapat yatiñanïcasmas uqhamwa amuyasiractajja.

Daniel (hebreo) 4:30

ucapachaw jupajj säna: “Uñjapjjam, cunja jach'as Babilonia marcajja. Nayaw jach'a munañajjampi reinojjan jach'a marcapäñapataqui uqham lurayta, uqhamat nayan jach'a cancañajjat yatipjjañapataqui” sasa.

Habacuc 1:16

Ucatwa chawlla caturejj känanacaparu, ansuelonacaparu yupaychejja, sacrificio loktäwinac churasa, uqhamarac inciensonacampi k'apichasa suma mank'a walja utjayatapata.

Zacarías 12:7

“Ucampisa nayrakatjja naya Tatitojja, khespiyäwa Judá familianacaru, Davidan familiapat jutirinacan jach'añchäwipajj jan jiltañapataqui, Jerusalenan jaquirinacasti Judá familiat jutirinacjjancañapataqui.

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Números 31:4

Sapakat tribuw nuwasiñataquejj waranka jakenaca qhitañapa.

Romanos 11:18

Ucampis janiw amuyasiñamäquiti uca kokan layminacapatjja juc'amp sumäcasmas uqhamjja. Amuyt'asimaya, janiw jumajj saphitpacha uca kokarojj catjjäsctati, jan ucasti uca kokan saphipaw jumarojj catjjästamjja.

Romanos 3:27

Uqhamasti, ¿cawquinquisa jach'a jach'a tucutasajja? Tucusjjewa. ¿Cunatsa? Janiwa uca leyirjam saratas laycuti, jan ucasti iyawsatas laycuwa.

2 Corintios 4:7

Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.

Efesios 2:9

Janiraquiw cuna luräw tokëquisa, uqhamat jan qhitis jach'achasiscañapataqui.

Deuteronomio 32:27

Ucampis janiw enemigon phiscasitanacap inaqui uñjañ puedcäyätti, janiraquiw uñisirinacajjan jach'a jach'a tucuñapsa muncäyätti, ni aqham sañanacapsa: Janiw Diosati acanac lurqui; jan ucasti jiwasaw ch'amasampi lurtan’ sasa.

Deuteronomio 8:17

“Janiraqui ucatjja chuymanacaman amuyapjjaraquimti: ‘Aca take yänacjja jiwasan ch'amanacasampiw jicjjatasisctan’ sasa.

Deuteronomio 8:18

Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.

1 Samuel 14:6

Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.