Jueces 7:1 - Qullan Arunaka DC

¹ Gedeón chachasti, khitirutix Jerubaal sapxarakïna, jupax, taqi jupampïkäna ukanakampi wali willjtat sartawayasinxa, Harod chiqan utjir uma jalsu jak'aruw utjnuqtir sarapxäna. Madianitanakan campamentopasti jupanakat amsta tuqin jikxatasïna, Moré qullu kayunkki uka qhirwana.

Aymar Bibliia 1986

¹ Gedeonan yakha sutipasti Jerobaal sataraquïnwa, take jupampïcäna ucanacampi wali alwata sartawayasinjja puripjjänwa Harod sat umajja jalsqui uca chekaru utjnokasa campamento lurasiñataqui. Ucampis madianitanacan campamentopajja jupanacat amsta tokencjjänwa More sat loma cayu vallena.

Qullan Arunaca

¹ Gedeonan yakha sutipasti Jerobaal sataraquïnwa, take jupampïcäna ucanacampi wali alwata sartawayasinjja puripjjänwa Harod sat umajja jalsqui uca chekaru utjnokasa campamento lurasiñataqui. Ucampis madianitanacan campamentopajja jupanacat amsta tokencjjänwa More sat loma cayu vallena.

Jueces 7:1 Jak'a apnaqawi uñst'ayäwi

Génesis 12:6

Abram chachax taqi uksa uraqinak sarakipawayaskakïnwa, Siquem sat chiqar puriñkama, kawkhankkäntix encina qullan quqax Moré sat chiqana. Ukapachasti cananeo jaqinakaw uka uraqinakan jakapxäna.

Génesis 22:3

Qhipärmanthi willjtasti, Abrahamax sartasisin phäña lawa ch'iyjäna, nakt'ayat wilañchataki. Ukatsti asnopa karunt'asin kawkharutix Diosax siskatayna uka chiqaruw saräna. Isaac wawapampi, pani uywatapamp chika.

2 Samuel 23:25

Harod chiqankir Samá, Elicá chachanaka;

Salmos 83:9

9 (10) Madián jaqinakarjam jupanakarux tukjam, Sísara jaqirjam lurjam, kunjämtix Quisón jawira jak'an Jabín jaqirux lurjkta ukhama,

Eclesiastés 9:10

Kuna lurañatix jumatak utjkani ukan kusisiñampi luram, amay imäwir sarkät ukansti janiw kuna lurañas utjkiti, janirakiw lup'iñasa, yatxatañasa, yatiñ kankañas utjkiti.

Deuteronomio 11:30

Uka pä qullux Jordán jawirat inti jalanta tuqinkiwa, Guilgal sat uraqi uñkatasina, Moré sat quqanak thiyana, cananeonakax jakapki uka qhirwana.

Josué 3:1

Qhipürusti, Josué chachampi, taqpach israelitanakampix Sitim sat chiqat wali willjtaw mistuwayapxäna, ukatsti Jordán jawir chiqaruw puripxäna; janïr makhatkasasti ukawjaruw utjnuqtapxäna.

Josué 6:12

Qhipürusti, Josué chachax wali willjtat sartasïna, sacerdotenakasti Tatitun arcap apxarupxäna.

Jueces 6:32

Uka urutsti Gedeonarux Jerubaal sasaw sutichapxäna, Joás chachaw satayna: “¡Baal diosax jupapach arxataspan! Uka tukjat altarax jupankänwa” sasa.

Jueces 6:33

Uka qhipatsti, taqpach madianitanakampi, amalecitanakampi, inti jalsu tuqinkir jaqinakampix mayar tukt'asaw Jordán jawir makhatapxäna, ukatsti Jezreel qhirwaruw utjnuqtapxäna.

Jueces 6:40

Uka arumasti Diosax ukham luräna. Qhipür willjtasti, jawi t'arwax wañakiskänwa, taqpach uraqisti ch'aranänwa.

Jueces 8:29

Gedeonax, utapar jakiriw sarxäna, ukatsti paqallq tunka wawanakanïnwa, walja warminakaniraki.

1 Samuel 12:11

“Ukat Tatitux Jerubaal, Barac, Jefté, Samuel ukanakar khithanïna, uñisirinakaman munañapat jumanakar qhispiyañataki, ukhamat jumanakax jan khitin kamsat jakasipkäyätaxa.

1 Samuel 29:1

Filisteonakasti Afec sat chiqaruw jaqinakap tantacht'äna, ukchañkamasti israelitanakax Jezreel chiqankir uma jalsu jak'aruw utjnuqtapxäna.