Juan 18:28 - Qullan Arunaca

²⁸ Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.

Aymar Bibliia 1986

²⁸ Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.

Qullan Arunaka DC

²⁸ Ukatsti Jesusarux Caifasan utapat marka apnaqirin utaparuw irpapxäna. Ukapachax niyaw willjtanxäna, judionakasti janiw uka utar mantapkänti saraparjam jan q'añuchasiñataki, mantapxasapän ukax janiw Pascua manq'a manq'apkasapänti.

Juan 18:28 Jak'a apnaqawi uñst'ayäwi

Salmos 35:16

Khoru cancañampiw nayat sawcasipjjetu, uñisiñat laca ch'aqhanacap t'urusirapipjjetu.

Proverbios 1:16

Jupanacasti janc'aquiwa ñankha lurañ munapjje, ¡masinacaparus janc'aquiw jiwayañsa munapjjaraqui!

Proverbios 4:16

Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa.

Ezequiel 45:21

Kallta phajjsina tunca pusini uru sarakatarusti, jumanacajj Pascua fiesta lurañwa kalltapjjäta, pakallko urunacaw jan levaduran t'ant'a mank'apjjaraquïta.

Miqueas 2:1

“¡Cunaquïcani qhitinacatejj arumanacas iquiñanacapanjja jan walinacacpun amtasipqui ucanacataquejja, ucatsti urutatanjjepanjja uca jan wali amtatanacapjja phokhapjjapuniwa, jupanacajj munañanïpjjatap laycu!

Mateo 27:27

Marca apnakerin soldadonacapasti palacioruw Jesusarojj irpjjapjjäna, takpacha soldadonacaruraquiw jupan jac'aparu jawsthapïna.

Marcos 15:16

Ucatsti soldadonacajj palacio patioruw irpapjje, ucarusti tampach soldadonacarac jawsthapipjjäna.

Lucas 22:66

Cunapachatï uröjjän ucapachajj judionacan jilïri jakenacapampi, sacerdotenacan jilïrinacapampi, ley yatichirinacampiw tantacht'asipjjäna, ucat Jesusarojj Jach'a Tantachäwiruw apapjjäna, ucansti aqham sasaw jisct'apjjäna:

Juan 11:55

Mä juc'a urunacaquejjänwa judionacan Pascua fiestapan puriñapajja. Walja jakenacaw marcanacatjja Jerusalenaru sarapjjäna, janïr Pascua purinquipana k'omachasiñ culto lurañataqui.

Juan 18:13

Nayrakatajj Anasan utaparuw irpapjjäna. Anasajj Caifasan awcch'ipänwa. Uca marajj Caifasajj sacerdotenacan jilïriparaquïnwa.

Juan 18:15

Simón Pedrojj maynïri discipulopampejj Jesusarojj khepatwa arcasipcäna. Uca mayni discipulojj sacerdotenacan jilïripampi uñt'atänwa, uqhamatwa Jesusamp chica uta ankäjjaru mantäna.

Juan 18:33

Pilatojj wasitampiw palacior mantasin Jesusaru jawsäna ucatsti jisct'änwa: —¿Jumati judionacan Reyipätajja? —sasa.

Juan 18:39

Ucampis jumanacan luräwinacamanjja utjiwa Pascua fiesta urunacanjja mä preso nayan antutañajja. ¿Munapjjtati jumanacajj judionacan Reyip antutañajj-jja? —sasa.

Juan 19:11

Jesusasti sänwa: —Nayataquejj janiw cuna munañanïcasmasa, janitejj Diosajj churquiristam ucajja; ucatpï jichhajj cawquïritejj jumar catuyquitu ucajja, jumat sipansa juc'amp juchanejja —sasa.

Juan 19:14

Pascua fiestataqui nayräjja urünwa, niya chica ururusti Pilatojj judionacaruw säna: —¡Acajj reyimajja! —sasa.

Juan 19:9

Palacioru wasitampi mantasinjja Jesusaruw jisct'äna: —¿Cawquinquirïtas jumajja? —sasa. Jesusasti janiw cuns arscänti.

Hechos 10:28

Pedrosti jupanacarojj sänwa: —Jumanacajj yatipjjtawa, mä judío jaketaquejj jan walïtapa mä yakha marcanquir jakempi parlañapajja, uqhamarac utapar mantañapasa. Ucampis Diosaw nayarojj yatichitu jan qhitirus: ‘Jan wali jakëtaw’ saña, uqhamarac jan qhitirus jisc'achañataqui.

Hechos 10:32

Qhitamay Jope marcaru, Pedro sat Simonar irptanipjjañapataqui. Jupasti lip'ichinacampi lurir yakha Simonan utapan korpachatäsquiwa, ucasti jach'a kota jac'anquiwa. Jupaw jutasin jumarojj parlätam’ sasa.

Hechos 11:3

jisct'apjjaraquïnwa: —¿Cunats jumajj sarta jan judiöpquis uca jakenac taypiru, ucatsti jupanacamp chicarac mank'aractajja? —sasa.

Hechos 3:13

Jan ucasti, Abraham, Isaac, Jacob nayra awquinacasan Diosapaw Jesús Yokaparojj jach'ar apti. Uca Jesusarojj jumanacaw jilïrinacar catuyapjjtajja. Cunapachatï Pilatojj: ‘Antutjjä’ sisquipansa, jumanacajj janiw munapctati.

Hechos 4:27

“Chekpachansa Herodesampi Poncio Pilatompi yakha marcat jutirinacampi, israelitanacampisa, mayaquiw sayt'apjje aca marcana kollan Jesús Yokam tokejja.

Deuteronomio 16:2

“Uca Pascua fiestanjja Tatitu Diosamarojj loktapjjätawa vacanaca, ovejanaca, cawqha chekarutejj jupajj utjäwipa ajllisini uca chekana.