Juan 18:28 - Qullan Arunaka DC

²⁸ Ukatsti Jesusarux Caifasan utapat marka apnaqirin utaparuw irpapxäna. Ukapachax niyaw willjtanxäna, judionakasti janiw uka utar mantapkänti saraparjam jan q'añuchasiñataki, mantapxasapän ukax janiw Pascua manq'a manq'apkasapänti.

Aymar Bibliia 1986

²⁸ Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.

Qullan Arunaca

²⁸ Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.

Juan 18:28 Jak'a apnaqawi uñst'ayäwi

Salmos 35:16

Qhuru kankañampiw nayat sawkasipxitu, uñisiñat laka ch'akhanakap t'urusirapipxitu.

Proverbios 1:16

Jupanakax jank'akiw ñanqha lurañ munapxi; ¡masinakaparus jank'akiw jiwayañ munapxaraki!

Proverbios 4:16

Uka jaqinakax jan wal lurasax janiw samarapkiti; jaqi masipar jan aynacht'ayasax, janiw ikthapipkisa.

Ezequiel 45:21

Nayrïr phaxsita, tunka pusin uru saraqatarusti, jumanakax Pascua uru uruyañ qalltapxäta, paqallqu urunakaw jan levaduran t'ant'a manq'apxarakïta.

Miqueas 2:1

¡Kunakïkani khitinakatix ikiñanakapansa jan walinakak amtapki ukanakatakixa, urutatanxipansti jupanakan munañanïpxatapatxa, uka jan wali amtatanakapxa phuqhapxapuniwa!

Mateo 27:27

Marka apnaqirin soldadonakapasti reyin utap anqäxaparuw Jesusarux irpapxäna, ukansti taqpach soldadonakaruw jupan jak'aparu jawsthapipxäna.

Marcos 15:16

Ukatsti romano soldadonakax reyin utapan uta anqaparuw Jesusarux irpapxäna, ukarusti tampach soldadonakaruw jawsthapipxäna.

Lucas 22:66

Urüxän ukapachasti, judionakan jilïri jaqinakapampi, sacerdotenakan jilïrinakapampi, kamachi yatichirinakampiw tantachasipxäna, ukatsti Jesusarux uka Jach'a Tantachasïwi nayraqataruw irpapxäna. Ukansti akham sasaw jiskt'apxäna:

Juan 11:55

Judionakan Pascua jach'a urupax niy jak'ankxänwa, walja jaqirakiw taqi tuqit Jerusalén markar sarapxäna; Pascua uru janïr purinkipan q'umachasiñ luräwi phuqhañataki.

Juan 18:13

Ukatsti Anasan utaparuw nayraqat irpapxäna, jupax Caifasan awkch'ipänwa; Caifasasti uka marax jilïr sacerdotënwa.

Juan 18:15

Simón Pedrompi, maynïr yatiqiripampix Jesusaruw qhipat arkapxäna. Maynïr yatiqiristi sacerdotenakan jilïripan uñt'atänwa, ukat Jesusamp chika Anasan utapar mantäna;

Juan 18:33

Pilatosti wasitatampiw utapar mantäna, ukat Jesusar jawsasin jiskt'äna: —¿Jumax judionakan Reyipätati? —sasa.

Juan 18:39

Jumanakan saramarjamasti, sapa Pascua urun katuntatanakat maynir antutañaxaw utji. ¿Judionakan Reyipar antutañaxti munapxta? —sasa.

Juan 19:11

Jesusasti juparux sänwa: —Janiw nayatak kuna munañanïkasmasa, janitix Diosax churkiristam ukaxa; ukatpï, khititix jumar katuykitu ukax jumat sipan juk'amp juchaniwa —sasa.

Juan 19:14

Pascua urun puriniñapatakix mä urukïxänwa, niya chika ururusti Pilatox judionakaruw säna: —¡Akax reyimaxa! —sasa.

Juan 19:9

Taripäwi chiqar wasitat mantasinsti, Jesusaruw jiskt'äna: —¿Kawkinkirïtas jumaxa? —sasa. Jesusasti janiw kuns arskänti.

Hechos 10:28

Ukat Pedrox jupanakar säna: —Jumanakax yatipxtawa, mä judío jaqix janiw yaqha markankir jaqimp parlañapäkiti, utaparus janirakiw mantañapäkiti. Ukampis Diosaw nayarux yatichitu, janiw khitirus “q'añuchata” jan ukax “ñanqhachata” sasa jisk'achañaxäkiti.

Hechos 10:32

Jope markar maynir khitham, Simón chachar akar irpayanim, yaqha sutipax Pedro satarakiwa. Jupasti lip'ichinak quñaptayir Simonan utapan qurpachatäskiwa, quta jak'an jakasi” sasa.

Hechos 11:3

Juparusti jiskt'apxarakïnwa: —¿Kunatarak jumasti jan judiöpkis uka jaqinakar tumpir sartasti, ukat jupanakamp chik manq'araktasti? —sasa.

Hechos 3:13

Abraham, Isaac, Jacob nayra awkinakasan Diosapaw Jesús Yuqapar jach'ar apti. Uka Jesusarux jumanakaw jilïrinakar katuyapxtaxa, Pilato nayraqatan jupar jan uñt'ir tukupxaraktaxa, jupax antutañ amtaskatayna ukapacha.

Hechos 4:27

“Chiqpachansa, aka markan mayachasipxi Herodesampi, Poncio Pilatompi, romano jaqinakampi, Israel markampi qullan Jesús luqtirimar jiwayañataki, khitirutix nanakan reyixatak ajlliskta ukaru.

Deuteronomio 16:2

“Pascua urunakanxa vacanakampi, ovejanakampi luqtapxäta, Tatit Diosamar wilañcha luqtasa, kawkha chiqarutix jupax sutipan utjäwipatak ajlliskani uka chiqana.