Josué 7:19 - Qullan Arunaca

¹⁹ Ucatsti Josué chachajj Acán jakerojj sänwa: —Wawajja, Israel marcan jach'a Diosaparojj jach'añcham; jan c'arisisaraqui take juchanacam arsusim jan cunsa imt'asa —sasa.

Aymar Bibliia 1986

¹⁹ Ucatsti Josué chachajj Acán jakerojj sänwa: —Wawajja, Israel marcan jach'a Diosaparojj jach'añcham; jan c'arisisaraqui take juchanacam arsusim jan cunsa imt'asa —sasa.

Qullan Arunaka DC

¹⁹ Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

Josué 7:19 Jak'a apnaqawi uñst'ayäwi

2 Reyes 20:15

Isaías profetasti jisct'ascaquïnwa: —¿Cunsa palaciomanjja uñjapjje? —sasa. Ezequiasajj ucjjarojj sänwa: —Uñjapjjewa cunatejj uca mankhena utjqui ucanaca. Imasiñanacajjsa jan mayanwa take uñacht'ayta.

2 Crónicas 30:22

Ezequiasasti take levitanacarojj: “Waliquiw” saraquïnwa, jupanacan Tatitur sirviñataqui wali suma amtäwipa uñacht'ayapjjatap laycu. Jupanacajj pakallk uru fiestana mank'apjjatapata, uqhamarac sumancäwi loktäwinaca loktatatsa, nayra awquinacapan Tatit Diosapar yupaychapjjatapatsa,

Salmos 32:5

Ucampis jucha luratajjaw utjäna, uc amuyasta, ucat jucha luratanacajj jan imt'csmati; juchanacajj jumar arsusiñataquiw amtta, Tatay, jumasti juchanacajjat pampachista.

Salmos 51:3

Jucha luratajj uñt'astwa, jucha luratajjajj janiw amuyojjat chhaktquiti.

Proverbios 28:13

Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.

Isaías 13:12

Jakenacasti k'alaw tucusini, Ofiranquir suma korit sipansa juc'aniquïpjjaniwa.

Jeremías 13:16

Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Daniel (hebreo) 9:4

“Tatitu Diosajjaruw mayisiscäyäta, juparusti aqham sasaw arsuraquïyäta: ‘Tata, jumajj jach'a ch'amani Diosätawa, arsutanacamarojj phokhapuntawa, qhitinacatejj camachi arunacam phokqui ucanacarusa munasiñamjja uñacht'ayaractawa.

Lucas 17:18

¿Aca yakha jaya marcanquir sapaquiti Diosar yupaychirejj cuttanejja? —sasa.

Juan 9:24

Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa.

Romanos 10:10

Chuymampiwa iyawsañajja Diosampi catokatäñataquejja, lacampisti arsuñawa Jesucriston khespiyatäñatakejja.

2 Timoteo 2:25

Jan ist'asirinacarusti llamp'u chuymampi ewjjt'añaparaquiwa, inampis Diosajj jan wali luräwinacapat cuttayasincaspa, uqhamat jupan cheka arunacap uñt'apjjañapataqui.

Tito 2:2

Chuyman jilïrinacasti jan camscayäpjjpan, ajjsart'añani, suma amuyuni, suma iyawsañani, munasiñani, uqhamarac llamp'u chuymani.

Santiago 1:20

Colerat jakesti janiw cunatejj Diosataquejj sumäqui ucjja lurquiti.

Josué 7:20

Acanajj Josué chacharojj sänwa: —Chekpachansa nayaw Israelan Diosap nayrakatan jach'a juch lurta, acanacwa nayajj lunthatasinta.

Apocalipsis 16:9

Takeniraquiw sintcaña naqhantatäpjjäna, ucampis janiw arrepientisipcänti ni Diosarus yupaychapcaraquïnti, jan ucasti qhititï aca mutuñanacjjaru munañanïqui ucataquiquiw contra jan wali arunacampi arusisipcäna.

1 Samuel 14:43

ucatwa Saúl reyejj Jonatanarojj saraquïna: —Jichhajj khanañchita cuntejj lurcta uca —sasa. Jonatanasti arsusiraquïnwa: —Chekpachansa, nayaw mä juc'a misq'i aca vara ayt'atäcäyät ucampi mallt'ta. Ucampisa acajjay nayajj jichhajj jiwañataquis janc'aquiraquïtwa —sasa.

1 Samuel 6:5

Uca laycu jichhajj korit uca tumoranac lurapjjam, uqhamarac marcasa t'unjquis uca achacunacar uñtasitanacsa lurapjjaraquim, ucatsti Israelan Diosaparu jach'achapjjaraquim, inampisa jumanacarojj jani mutuyjjapjjeristamti, diosanacamarusa, jumanacan orakenacamarusa.