Josué 7:19 - Qullan Arunaka DC

¹⁹ Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

Aymar Bibliia 1986

¹⁹ Ucatsti Josué chachajj Acán jakerojj sänwa: —Wawajja, Israel marcan jach'a Diosaparojj jach'añcham; jan c'arisisaraqui take juchanacam arsusim jan cunsa imt'asa —sasa.

Qullan Arunaca

¹⁹ Ucatsti Josué chachajj Acán jakerojj sänwa: —Wawajja, Israel marcan jach'a Diosaparojj jach'añcham; jan c'arisisaraqui take juchanacam arsusim jan cunsa imt'asa —sasa.

Josué 7:19 Jak'a apnaqawi uñst'ayäwi

2 Reyes 20:15

Isaías profetasti jiskt'askakïnwa: —¿Kunsa reyi utaman uñjawayapxi? —sasa. Ezequiasax ukxaruw säna: —Taqi kunatix uka manqhin utjki ukanak uñjapxi. Imasiñ utanakaxsa jan mayan taqi uñacht'ayta —sasa.

2 Crónicas 30:22

Uk uñjasasti, Ezequiasax levitanakar walpun jallallt'äna, jupanakan Tatitur yupaychañatak wali suma amtäwipa uñacht'ayapxatap layku. Jupanakax paqallq uruw kusisiñ chuymampi uruyapxäna, uruyäwin manq'asa, sumankañ waxt'äwinak luqtasa, nayra awkinakapan Tatit Diosapar yupaychasa,

Salmos 32:5

Jucha lurataxatsti, jan akch'as imaqasaw arsusta; juchanakax jumar arsusiñatakiw amtta, Tatay, jumasti juchanakaxat pampachistawa.

Salmos 51:3

3 (5) Jucha luratax uñt'astwa; juchaxax janiw amuyuxat chhaqtkiti.

Proverbios 28:13

Juchap imt'asir jaqix, janiw nayrar sarkaniti, juchap arsusisin jaytanukxani ukasti, pampachatäxaniwa.

Isaías 13:12

Jaqinakasti q'alaw tukusini, Ofir sat chiqankir suma qurit sipansa juk'anikïxapxaniwa.

Jeremías 13:16

Tatitu Diosamar jach'añchapxam, jupax ch'amaka janïra puriyankipana, ch'amak qullunakan jumanakan janïr liwirtkipana; kawkïr qhantix jumanakax suyapkäyäta uk jupax ch'amakar janïr tukuykipana.

Daniel (hebreo) 9:4

Tatitu Diosaxaruw mayista, juparusti akanak arsusta: “ ‘Tatay, jach'a ch'aman Diosay, arsutanakam phuqhapuntawa, kamachi arunakam phuqhirinakarusa, jumar munirinakarus munasiñam uñacht'ayapuntawa.

Lucas 17:18

¿Aka yaqha markankir sapakit Diosar yuspagarir kuttanisti? —sasa.

Juan 9:24

Judionakasti wasitatampiw juykhükän uka jaqir jawsanipxi, ukatsti sapxarakiwa: —Diosan nayraqatapan chiq sapxita. Nanakax yatipxtwa uka jaqin juchararätapa —sasa.

Romanos 10:10

Chiqa kankañ jikxatañatakix taqi chuyma iyawsañasawa, qhispiyasiñ jikxatañatakisti, Jesucriston Tatitütap lakasamp arsuñasawa.

2 Timoteo 2:25

jan ist'asirinakarus llamp'u chuymamp iwxt'añaparakiwa, inampis Diosax jan wali luräwinakapat kuttayasinkaspa, ukhamat jupan chiqa arunakap uñt'apxañapataki,

Tito 2:2

Chuyman jilïrinakasti jan kamskayäpxpan, axsart'añani, suma amuyuni, suma iyawsañani, munasiñani, yant'anakar saykatañatakis ch'amañcht'ata.

Santiago 1:20

Thithit jaqisti kunatix Diosatak askïki uk janiw lurkiti.

Josué 7:20

Acán chachasti sänwa: —Chiqpachansa, nayax Israelan Tatit Diosapa nayraqatan juchachasta. Uksti akham lurta:

Apocalipsis 16:9

Jaqinakax llakkañaw intimpi nakhantat uñjasipxäna, ukatsti Diosan sutip ñanqhachapxäna, uka mutuyäwinak apaqañatak ch'amanïkipansa; uka jaqinakax janiw Diosar yupaychañatak kutikipstapkänti.

1 Samuel 14:43

ukat Saúl reyix Jonatanar säna: —Jichhax kuntix lurkta uk qhanañchita —sasa. Jonatanasti akham arsusirakïna: —Chiqpachansa, nayaw mä juk'a misk'i aka thujrumpi apsusin mallt'ta. Ukampis akäsktwa, jiwañatakis jank'akirakïtwa —sasa.

1 Samuel 6:5

Uka layku, jichhax qurit uka ch'uphunak lurapxam, ukhamarak markas t'unjkis uka achakunakar uñtasitanaka, ukatsti Israelan Diosapar jach'añchapxarakim, inampis jumanakarusa, diosanakamarusa, uraqinakamarus jan mutuykxapxiristamti.