Josué 23:13 - Qullan Arunaca

¹³ Diosasti janiw uca jakenacarojj jumanacan nayräjjamat jakonuccaniti, jan ucasti Diosajj mä sipitjama, känjama apnakani jumanacar tincuyañataqui, uqhamaraqui mä azot'ir uñtata jiqhaninacamataqui, mä ch'aphir uñtata nayranacamataqui, uqhamata jan maynis jumanacata jacañapataqui uca suma orakena, cawquïrtï Diosajj jumanacar churapjjtam ucana.

Aymar Bibliia 1986

¹³ Diosasti janiw uca jakenacarojj jumanacan nayräjjamat jakonuccaniti, jan ucasti Diosajj mä sipitjama, känjama apnakani jumanacar tincuyañataqui, uqhamaraqui mä azot'ir uñtata jiqhaninacamataqui, mä ch'aphir uñtata nayranacamataqui, uqhamata jan maynis jumanacata jacañapataqui uca suma orakena, cawquïrtï Diosajj jumanacar churapjjtam ucana.

Josué 23:13 Jak'a apnaqawi uñst'ayäwi

1 Reyes 11:4

Cunapachatï Salomonajj awquëjjäna ucqhasti, warminacapajj chuymapjja yakha diosanac tokeruw uñtayapjjäna, Salomonasti janiw take chuyma Tatit Diosapar loktascataynati David awquipjama uca laycu.

2 Reyes 17:18

Ucatwa Tatitojj colerasïna Israel marcataquejja, ucatsti jupan nayrakatapatjja jakonucünwa, Judá tribu sapacwa jilt'ayäna.

2 Reyes 17:20

Ucatsti Tatitojj jakonucünwa israelitanacata sarakeri take familianacaparu, jisc'ar tucuyañcama, lunthatanacan amparanacaparu catuyasina, jupan nayrakatapata jakonucuñcama.

2 Reyes 25:26

Ucatsti take jakenacawa caldeo jakenacar ajjsarasa, ucatjja sartasisina Egiptor sarjjapjjäna, uqhamarac jach'anacasa jisc'anacasa ejerciton jilïrinacapasa.

Salmos 69:22

Jach'a mank'äwinacapajj sipitapar tucpan, suma mank'anacapasti simpantir chinuñar tucuracpan,

Éxodo 10:7

Ucampis sirvirinacapajj faraonarojj sapjjänwa: —¿Cunapachcamasa aca jakejj jiwasataqui jan walt'añanaca apanini? Antutjjam aca jakenacaru, Tatitu Diosaparu yupaychir sarjjapjjañapataqui, ¿janiti yatcta Egipto marcasajj wali tucjatätapjja? —sasa.

Éxodo 23:33

Uqhamaraqui jupanacjja janiw kheparayätati marcam taypina jacañapataqui, jupanacasti naya contraw jucha lurayapjjeristam, diosanacaparu yupaychasa, uqhamatwa jumajj chhakhañaru purisma.”

Éxodo 34:12

“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Éxodo 34:16

Uqhamarac phuchanacapasa inas jumanacan yokanacamampi casarasipjjaspa, jan ucajj diosanacaparu yupaychasinsa juchanacsa lurapjjaspa uqhamata jumanacan yokanacamaru diosanacapar yupaychayañataqui.

Ezequiel 28:24

“Israel marcasti janiw mayampsa t'akhescjjaniti, cunjämatejj yakha marcanacan jisc'achatanacapampejj ch'aphinacampjama t'akhesïnjja uqhama. Ucapachaw yatisini nayan Tatitütajja” sasa.

Números 33:55

Ucampisa, jumanacatejj uca oraken jaquir jakenacarojj jan alisnucupcäta, ucqhajj uca oraken kheparirinacajj mä jisc'a t'una lawjamaw nayranacamaru jan walt'ayapcätamti, uqhamarac janchinacamataquejj mä ch'apjamäpjjaniwa, cunapachatejj jumanacajj uca oraken utjantasipjjäta ucqhajja.

Lucas 21:24

Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Deuteronomio 29:28

Ucatsti jupanacarojj takpach colerasiñapampi, mayjt'asiñapampiw jakonucu, yakha marcanacar qhitanucusa, cunjämatï jichhüruna pasasqui uqhama’ sasa.

Deuteronomio 30:18

nayajj aca pachpa horasanwa sisma, chekpachansa jiwapjjätawa, janiraquiw walja maranacas jacapcätati cawquïri oraktï Jordán jawir maqhatasin catuntapcäta ucanjja.

Deuteronomio 4:26

nayaw jichha uruna mä testigot uscta alajjpachampiru acapachampiru jumanacan chhaktañanacamataqui Jordán jawira qhursa tokena. Janiraquiw walja urunaca uca orakenjja jacapcätati, jan ucasti take jumanacaw t'unjatäpjjäta.

Deuteronomio 7:16

Ucatsti jumanacajj take cawquïri marcanactï Tatitu Diosajj amparanacamaru catuyapcätam ucanac t'unjapjjäta. Janirac jumanacajj jupanacat qhuyapayasipjjamti ni diosanacaparus yupaychapjjamti, uqham lurapjjasma ucqhajj aynacht'añaruw puripjjasma.

2 Timoteo 2:26

Uqhamata p'arjjtapjjañapataqui, ucatsti Supayan sipitapatsa jaltapjjañapataqui, cawquïritejj preso catjjäsqui uqhamarac cuntejj juparojj lurañ munqui ucata.

Jueces 2:21

Uca laycusti nayajj janiw mayampis jupanac taypitjja alisnucjjäti cawquïr marcanactejj Josueajj janïr jiwcasina jan alisnuccäna ucanacjja” sasa.