Josué 23:12 - Qullan Arunaca

¹² Ucampis jumanacajj yatipjjam, jumanacatï Diosat saraktapjjäta, ucatsti uca jumanac taypin kheparir jakenacampi chicachasipjjäta, uqhamaraqui jupanacampis casarasipjjäta ucqhajj,

Aymar Bibliia 1986

¹² Ucampis jumanacajj yatipjjam, jumanacatï Diosat saraktapjjäta, ucatsti uca jumanac taypin kheparir jakenacampi chicachasipjjäta, uqhamaraqui jupanacampis casarasipjjäta ucqhajj,

Qullan Arunaka DC

^12-13 Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.

Josué 23:12 Jak'a apnaqawi uñst'ayäwi

Génesis 2:24

Ucatpï chachajj awquipsa, taycapsa jaytjjanejja, warmipampi mayachasjjañataqui, panpachanisti mä sapa jakequïpcaspasa uqhamäpjjaniwa.

Génesis 34:3

Ucampisa uca Siquem jakejj sintipuniraquiw Dinarojj munatayna, ucatsti cunayman toketwa munayasiñ munäna.

1 Reyes 11:2

cawquïr marcanacanquir warminacampitejj Diosajj jan muncänjja, israelitanacana casarasipjjañanacapa, jupanacan chuymanacapasti jan yakha diosar apatäpjjañapataqui. Ucampis Salomonajj uca warminacaru munasinwa jupanacampi mayachasïna.

1 Reyes 11:4

Cunapachatï Salomonajj awquëjjäna ucqhasti, warminacapajj chuymapjja yakha diosanac tokeruw uñtayapjjäna, Salomonasti janiw take chuyma Tatit Diosapar loktascataynati David awquipjama uca laycu.

Salmos 125:5

jan wali thaquinjam saririnacarusti, ñankha luririnacamp chic aynacht'ayam. ¡Israel marcansti samarañajj utjpan!

Salmos 36:3

K'añu arunac parliriwa, c'ariraquiwa, suma amuy chhakayasjje, asqui lurañ apanucjje;

Isaías 1:4

“¡Ay, jucharar jakenaca, ñankha k'ept'at marca, ñankhanac lurir jakenacat sarakerinaca, jan ist'asiri ñankha wawanaca! Tatitutjja jayarst'atäpjjewa, Israelan Kollan Diosaparojj apanucuwayapjjewa, kheparuw cuttjjapjjaraqui.

Ezequiel 18:24

“Ucampisa, asqui jaketejj asqui luräwinacapa apanucuni, ucatsti cuntejj ñankha jakejj ajjtañanac lurqui ucanaca luraraquini, ucatsti ¿jumanacajj amuyapjjtati ucan jacascañapjja? Nayasti janiw amtascjjäti cuna asquinactejj jupajj lurcän ucanacatjja, jan take chuymampi arcatap laycu jucha luratanacap laycuw jiwani.

Sofonías 1:6

Ucatsti tucjaraquïwa take qhitinacatï nayar arccasina sarakapqui ucarojja, uqhamaraqui jan nayarusa thakapquitu ucarusa, ni nayaru jisct'asiris jutapqui ucanacarusa.”

Mateo 12:45

Uqham suma jicjjatasinjja, yakha pakallko jupat juc'amp jan wali ñankha ajayunacampwa irptani, ucatsti jupan ucaruw mantapjje jacasiñataqui. Uca jaken sarnakäwipajj nayra jacañapat sipansa juc'amp jan waliwa. Uca quicpawa aca jan wali jakenacampejj lurasiraquini.”

Juan 6:66

Ucqhatpachaw waljani Jesusan arquirinacapajj jaytanucus sarjjapjjäna, janiw juc'amp jupampejj sarnakjjapjjänti.

Romanos 12:9

Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.

Deuteronomio 6:15

Jumanacampïqui uca Tatitu Diosasti janiw munquiti yakhampïpjjañama, ucatsti jumanac tokwa colerasispa, take jumanacaru t'unjañataqui.

Deuteronomio 7:3

Janiraquiw jumanacajj jupanacampi familiachasipjjätati ni yokall wawamaru ni imill wawamarusa jupanacan wawanacapampi casarapjjätati.

Deuteronomio 7:4

Uqham lurapjjasma ucqhasti jupanacajj jumanacan wawanacamarojj Tatitu Diosat armasiyapjjaspa, yakha diosanacaruw yupaychapjjaraquispa. Ucatsti Tatitu Diosan colerasiñapaw jumanac contra sartani ucat mä ratoquiw t'unjapjjätam.

Josué 23:11

Ucampis jumanacpachat amuyasipjjam, Tatitu Diosamaru suma k'oma chuymampiy munapjjam.

1 Juan 2:9

Cawquïritejj: “Khananctwa” sasqui, ucatsti jilapar uñisiscaraqui ucajja ch'amacancasquiwa.

Jueces 14:3

Ucat awquinacapasti saraquïnwa: —¿Conataquisa jumajj uca filisteo jucharar jakenac taypiru warmi thakher sarta? ¿Janiti warmejj utjqui jiwas familiasa taypinjja, uqhamarac israelitanac taypinsa? —sasa. Sansón chachasti saraquïnwa: —Uca tawakoruw nayajj wali munta, juparuy jicjjatt'arapipjjeta warmejjataqui —sasa.

Jueces 3:6

Ucatsti israelitanacana yokanacapasa, phuchanacapasa casarasjjapjjänwa uca marcanacanquir jakenacan yokanacapampi, phuchanacapampi, ucatsti diosanacaparuraquiw yupaychapjjaraquïna.