Josué 23:14 - Qullan Arunaca

¹⁴ “Nayasti niyaw jiwjjä, ucampis muntwa jumanacan amtasiñanacama take chuymanacamampi, uqhamaraqui take jacañanacamampiraqui. Diosasti take suma arunacapwa jumanacampi phokhe, cunjämtï jupajj arsüna uqhama. Janiw cuna arunacapas jan phokhasisajj pasawayquiti.

Aymar Bibliia 1986

¹⁴ “Nayasti niyaw jiwjjä, ucampis muntwa jumanacan amtasiñanacama take chuymanacamampi, uqhamaraqui take jacañanacamampiraqui. Diosasti take suma arunacapwa jumanacampi phokhe, cunjämtï jupajj arsüna uqhama. Janiw cuna arunacapas jan phokhasisajj pasawayquiti.

Qullan Arunaka DC

¹⁴ “Nayax niyaw jiwxä, ukampis nayraqatax muntwa, jumanakan taqi chuymampi, taqi amuyumpi amtasiñanakama, kuna askinaktix Tatitux arsuwayapktam taqi ukanakan taqpacha phuqhasitapa. Janiw mä arsutapas jan phuqhaskiti.

Josué 23:14 Jak'a apnaqawi uñst'ayäwi

Génesis 47:29

Mä urusti Israelajj jiwirjamäjjatapwa amuyasïna. Ucatsti José yokapwa jawsayani, aqham sañataqui: —Chekpachapuni mä asqui lurañ munchista ucqhajj amparam lanqhu charajj mankhar ucham, ucatsti cuntejj maycäma uc phokhañataqui juramento lurarapita. ¡Janipuni Egiptor imayistati!

1 Reyes 2:2

“Nayasti sarjjäwa, cunjämatï take jakenacas aca oraket sarjjapjje uqhama. Jumajj ch'amañchasim, chachjamaraqui sarnakam.

1 Reyes 8:56

“¡Tatitojj bendicitäpan, jupawa Israel marcaparu samaraña churi, cunjämatï arscäna uqhamaru! Tatitusti janiw armasquiti Moisés sirvirip toke cuna arsüwinactï phokhañataqui arscäna uca laycu.

Job 30:23

Yatiractwa jumajj nayarojj jiwañaru apañ munatama, cawqharutejj take jakejj puriñapäqui ucaru.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Eclesiastés 12:5

kollu patanacasti ajjsarayaniwa, ucatsti thaquinjja jan walt'añanacaw utjani. Almendrojj pankarañ kalltani, t'ijut'ijusti jathiw tucjjani, alcaparrasti janiw cunataquis asquïcjjaniti. Ucampis jakejj wiñay utjasïwiparuw sarjjani, callenjja niyaw jiwatat jachatanacajja ist'asjje.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Lucas 21:33

Alajjpachampi acapachampejj tucusiniwa, ucampis arunacajjajj janiw tucuscaniti.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.

1 Samuel 3:19

Samuelosti niya jilsuscaraquïnwa, Tatitusti juparojj yanaparaquïnwa, janiraquiw cuntejj arscatayna ucanacjja jan phokhasa jaytcänti.