Jonás 4:9 - Qullan Arunaca

⁹ Diosasti juparojj saraquïnwa: —¿Waliquïsquiti ricino ali pharsjjatapat colerasitamajja? — sasa. —Jïsa, waliquïsquiwa, coleratwa nayajj jiwascta —sasaw Jonasajj arsusi.

Aymar Bibliia 1986

⁹ Diosasti juparojj saraquïnwa: —¿Waliquïsquiti ricino ali pharsjjatapat colerasitamajja? —sasa. —Jïsa, waliquïsquiwa, coleratwa nayajj jiwascta —sasaw Jonasajj arsusi.

Qullan Arunaka DC

⁹ Tatitusti juparux jiskt'änwa: —¿Uka alin pharsxatapat phiñasitamax walikïskiti? —sasa. Jonás profetax sarakïnwa: —¡Jïsa, walikïskiwa, phiñasiñatsa niyaw jiwaskta! —sasa.

Jonás 4:9 Jak'a apnaqawi uñst'ayäwi

1 Reyes 21:4

Acab reyisti utaparojj wali llaquita, colerataraquiwa sarjjäna, Nabot chachan uqham satapata, juparojj sataynawa: “Janiw churquirismati cuntï awquinacajjata herencia catokcta ucjja” sasa. Purisinsti perka uñtatawa iquintjjäna, ucatsti janiraquiw mank'añsa muncaraquïnti.

Job 18:4

¿Jumasti amuytati uqhama janchima jurkhenokasisasti aca oraken ch'usa wasararu tucuñapjja? ¿Jan ucajj karkanacansa cawqhancapquitejj ucqhata yakha chekaru sartapjjañapsa?

Job 36:18

Amuyasim, kamir cancañampejj jan kollke chilltayasimti, janiraqui jamasat kollksa chilltayasimti.

Job 5:2

Chuyma usuyasiñasa, uqhamaraqui uñisisiñasa jakerojj jiwañaruquiw apjje.

Jonás 4:1

Jonasataquejj janiw walïcänti cuntejj Diosajj lurcän ucajja, jupasti walipuniw mayjt'asïna.

Jonás 4:10

Tatitojj juparojj saraquiwa: —Janejjay jumajj uca ricino ali ayruscstatejja ni jilaycaractasa; mä arumanacwa alsuwayi, mä arumarusti jiwjjaquiraquiwa. Ucampisa, jumajj ucatjja qhuyapayastawa.

Jonás 4:8

Cunapachatejj intejj jalsjjäna ucqhajj Diosajj waquicharaquïnwa mä junt'u thaya inti jalsu toket thayt'aniñapataqui, intejj wali ch'amampiw Jonasan p'ekepjjaru lupjjatäna, jupasti amuyasjjänwa ch'amapajj thayjtjjatapa, jiwjjañacwa munjjäna: —Jacañat sipana jiwañaw sumajj —sasa.

Mateo 26:38

Ucat jupanacarojj saraqui: —Almajjajj llaquisiñatsa tucusirjamawa. Jumanacajj acawjaru kheparapjjam, janiraqui iquipjjamti —sasa.

2 Corintios 7:10

Diosar cusisiyquir llaquisitanacasajj Tatituruw cutiquipstayistu, ucatsti khespiyaraquistuwa, janiw llaquisiñasäquiti. Ucampis jan Diosatacjama llaquisitasasti jiwañaruw aparaqui.

Apocalipsis 9:6

Uca urunacanjja jakenacajj: Jiwaquirista, sapjjaniwa, ucampis janiw jiwjja jicjjatapcaniti. Jiwañ munapcani ucqhasa, jiwajj jupanacatjja jaltjjaniwa.

Jueces 16:16

Dalilajja, Sansón chacharojj sapa horasapuniw uqhama jiscjjäna jan inact'asa. Uqhama ancha jisqhitasti Sansón chachajj jiwañwa munjjäna.