Jonás 4:8 - Qullan Arunaca

⁸ Cunapachatejj intejj jalsjjäna ucqhajj Diosajj waquicharaquïnwa mä junt'u thaya inti jalsu toket thayt'aniñapataqui, intejj wali ch'amampiw Jonasan p'ekepjjaru lupjjatäna, jupasti amuyasjjänwa ch'amapajj thayjtjjatapa, jiwjjañacwa munjjäna: —Jacañat sipana jiwañaw sumajj —sasa.

Aymar Bibliia 1986

⁸ Cunapachatejj intejj jalsjjäna ucqhajj Diosajj waquicharaquïnwa mä junt'u thaya inti jalsu toket thayt'aniñapataqui, intejj wali ch'amampiw Jonasan p'ekepjjaru lupjjatäna, jupasti amuyasjjänwa ch'amapajj thayjtjjatapa, jiwjjañacwa munjjäna: —Jacañat sipana jiwañaw sumajj —sasa.

Qullan Arunaka DC

⁸ Intix jalsunxäna ukapachasti, Tatitux mä junt'u thaya inti jalsu tuqit thayt'aniñapatak wakichäna, intix wali ch'amampiw Jonasan p'iqipxar junt'untäna, amuyasitapatxa ch'amapas q'ala thayjtatjamänwa, jiwxañak munxäna. Ukat säna: —Jakañat sipansa jiwxañakiw wakisxaspa —sasa.

Jonás 4:8 Jak'a apnaqawi uñst'ayäwi

Génesis 41:6

Uca khepatsti pakallko ch'usu trigo puyanacaraquiw mistunïna, inti jalsu toket jutir thayan aynacht'ayata.

1 Reyes 19:4

Ucatsti jupajj wasar tokeruw sarjjäna, ucatjja mä uru jornala sarasinjja mä retama ali thiyaruw kont'asïna. Jupasti jiwjjañacwa munäna aqham sasa: “¡Ucqhaquëjjpan Tata! ¡Nayarojj jacañajj apakjjeta, nayajj janiw ancha sumäcti awquinacajjata sipana!” sasa.

1 Reyes 21:4

Acab reyisti utaparojj wali llaquita, colerataraquiwa sarjjäna, Nabot chachan uqham satapata, juparojj sataynawa: “Janiw churquirismati cuntï awquinacajjata herencia catokcta ucjja” sasa. Purisinsti perka uñtatawa iquintjjäna, ucatsti janiraquiw mank'añsa muncaraquïnti.

Job 2:10

Job chachasti saraquïnwa: —¡Warmi, jan uqhama cuna jan walinacsa parlamti! ¿Jiwasatejj Diosatjja asquinac catokstan ucapachasti janit jan walt'añanacjja Diosat catokcaracsna? —sasa. Uqhamäcasinsa Job chachajja janiw cuna juchanacsa lurcänti, janiraquiw lacapampis cuna jan walinacsa arscaraquïnti.

Job 7:15

Walïspawa nayar cuncat k'ewinucjjañamajja, aqham t'akhesita jacañat sipansa, jiwjjañaquiw nayataquejj walïspajja.

Salmos 121:6

Intejj janiw urojj ñankha lurcätamti, phajjsis janiraquiw arumajj camächcätamsa.

Salmos 39:9

“Nayasti amutuw tucta, janiw lacajj jist'arcti, juman take cun sarayascatam yatta.

Eclesiastés 7:9

Jan colerasiñampi atipayasimti, colerasiñajj pisi amuyt'an jakenquiwa.

Cantar de los cantares 1:6

Jan uñch'uquipjjestati ch'iyarätajjata, lupiwa uqhama janchejjar nacsutu. Jilanacajjajj nayataquejj coleratäpjjewa, ucatsti uva yapunac uñjañ jaytapjjetu, ¡ucat uvas yapojjat armasta!

Isaías 49:10

“Janiw mank'at awtjayascjjapjjaniti, umatsa pharjayascjjapjjaniti, janiraquiw lupisa, junt'usa khatintcjjaniti, nayaw munta ucat jupanacar irparacta, jalquiri uma thiyanacaruw anaquiraquï.

Ezequiel 19:12

Ucampisa wali colerasiñampiw jiq'inucupjje, orakeruw liwinucupjje, inti jalsu tokenquir thayaw jutasin wañsuyawayaraqui, uva achunacapas willirtanjjaraquiwa; uca thuru layminacapas wañsjjaraquiwa, ucatsti ninaruw willintapjjaraqui.

Oseas 13:15

Israelajj mä suma pankarar uñtatäcchinisa, inti jalsu toket thayajj jutani, wasaran wali thayquis uca Tatitun thayapa, ucatsti uma jalsunacapsa, phuch'unacapsa k'alwa wañt'ayani. Uñisirimaraquiw apasjjani suma alhaja imasitanacapsa.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Jonás 1:17

Uccañcamasti, Tatitojj mä wali jach'a chawllwa waquichäna Jonasar mank'antañapataqui. Uqhamaw Jonasajj quimsa urumpi quimsa arumampi chawlla purac mankhancascäna.

Jonás 1:4

Ucatsti, Tatitojj mä wali jach'a ch'aman thaya sartayäna, uca jach'a kotansti thayajja barcorojj k'ala t'unjirpachänwa.

Jonás 4:3

Ucatwa, Tatay, mayt'assma jacañajj apakjjañamataqui. Jiwjjañaw sumajja jacañat sipansa.

Jonás 4:9

Diosasti juparojj saraquïnwa: —¿Waliquïsquiti ricino ali pharsjjatapat colerasitamajja? — sasa. —Jïsa, waliquïsquiwa, coleratwa nayajj jiwascta —sasaw Jonasajj arsusi.

Mateo 20:12

‘Aca mayninacajj mä horaquiw irnakapjje, ucat jumasti nanacarjamaquiraquis pagtajjä, nanacajj jornalpachaw lupimpis lupjatäpjjta’ sasa.

Apocalipsis 3:19

Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.

Apocalipsis 7:16

Janiw mank'ats umats t'akhescjjapjjaniti, janiraquiw intis naqhantcaniti, lupis jupanacarojj jan walt'aycaraquiniti.

1 Samuel 3:18

Samuelosti, cuntejj Tatitojj yatiycatayna ucanacjja jan cunsa imt'asaw yatiyäna, ucat Elí sacerdotejj warartataraqui: —¡Tatitun arsutapawa! ¡Cuntejj jupajj munqui uc luraracpan! —sasa.