Jonás 2:6 - Qullan Arunaca

⁶ Cawqhacamatejj kota mankhan kollunacapajj tucusqui ucqhacamaw jalantta; mic'ayasti wiñayataquiw nayjjarojj catuntaraquitu. Ucampis, Dios Tatay, jumaquiw jiwañat khespiyistajja.

Aymar Bibliia 1986

⁶ Cawqhacamatejj kota mankhan kollunacapajj tucusqui ucqhacamaw jalantta; mic'ayasti wiñayataquiw nayjjarojj catuntaraquitu. Ucampis, Dios Tatay, jumaquiw jiwañat khespiyistajja.

Qullan Arunaka DC

⁶ 6 (7) Quta manqhan qullunakax qalltki ukkhakamaw jalantta; mik'ayasti wiñayatakis katuntkitaspa ukham amuyasta. Ukampis juma, Tatitu Diosaxaw jiwañat qhispiyista.

Jonás 2:6 Jak'a apnaqawi uñst'ayäwi

Job 33:24

Jupatjja qhuyapt'ayaspan, Diosarusti saracpan: “Jiwañatjja khespiyam, khespiyasiñapsti jicjjataractwa” sasa.

Job 33:28

ucampisa nayarojj jiwañatwa khespiyitu, jichhasti khanjja uñjascaractwa’ sasa.

Salmos 104:6

Orakerojj lamar kotaw imjjatäna, isïcaspas uqhamaw janjjatäna. Umanacasti kollunacaruw chhaktayäna.

Salmos 104:8

kollunacar maqhatasa, pampanacar sarakasa, cawqharutejj uchctas ucawjaruw acht'jjäna,

Salmos 116:3

Jiwañ chinuñanacaw simpantitäna, mic'ayan sipitanacapaw catuntitäna, llaquisiñan, aykoñan catuntataw uñjasïyäta.

Salmos 143:7

Tatay, mayisitajjarojj janc'aquiy ist'am, samanajjajj tucstañampïsquiwa. Janiquiy ajanum maysar uñtamti, uqhamäspa ucajja, jiwatanacar uñtatïristwa.

Salmos 16:10

Jumajj janiw jiwar catjjaruyquitätati janiraquiw arquiriman janchip ñusantañaps muncätati.

Salmos 18:5

Jiwajj chinuñanacapampiw muyuntayitu, ¡jiwañ sipitanacan jicjjatasta!

Salmos 30:3

Tatay, jumaw wiñay jiwañat irpsustajja, wiñay jiwañar mantquirit jactayistajja.

Salmos 30:9

¿Cunarac jiwatajjamp jicjjatasmasti?, ¿cunarac sepulturar mantatajjampist apsusmasti? Lak'ajj janiw yuspagarquiristamti, janiraquiw asqui cancañamats parlcaspati.

Salmos 55:23

Diosajjay, jumaw jupanacarojj jakontäta, jan uñantcay mic'ay mankharu. C'ari jakenacampi, jiwayir jakenacampejj janiw jacañapat chicats phokhapcaniti. Nayasti jumaruquiw take chuymamp alcatsma.

Salmos 65:6

jumïpan kollunacajj pachpaquïsqui, juman ch'amam laycuw thurt'atäsipqui.

Salmos 69:2

ñik'e phuch'uruw jalantascta, janiw cawqhar tact'asirjamäctsa; wali p'iya umcamaw purta, ch'aman umaw apjjetu.

Isaías 38:10

“Nayajj sascäyätwa: ‘Waynpachaya jiwawayjjchï, mä jacañaruquiy sarjjchï, ucanacjjay wiñay jacjjchï.’

Isaías 38:17

Uñtapjjam, t'akhesiñat sipansa, jichhajj samarañaw utjitu. Jumaquiraquiw nayarojj jacayista, aynacht'añ jach'a p'iyatsa, take juchanacajj perdonatam laycu.

Isaías 40:12

¿Qhitis jach'a lamar kotjja amparapampi tupt'ejja; jan ucajj luc'anapampi alajjpachan kawkch'ätapsa tupt'ejja? ¿Qhitiraquis mä sapa tupuru take aca oraken lak'anacapsa apthapejja? ¿Jan ucajj take kollunacsa mä balanzar apjjatasin waytejja?

Ezequiel 26:20

cawqhancquitejj jiwatanacajja ucacamaw puriyaraquïma, cawqhantejj nayra urunacan jaquir jakenacajj uñjasipqui ucacama. Aca oraketjja juc'ampi mankharuw jakontäma, wiñay aynacht'añ marcaruw jakontaraquïma, ucanjja jiwatanac taypinwa jacaraquïta. Jumansti janipuniw jakejj jacjjaniti, janiraquiw wasitatsa sayt'ayatäcjjätati, aca jaquirinacan orakepanjja.

Ezequiel 31:14

Uqhamapï jichhajj acat kheparojj janipuniw mä kokas uqham wali jach'ajj jilcjjaniti, kawkhas uma jac'ancascpan, wali suma karpatäscpasa, janipuniw puntapajj kenayanaccama maqhatcaniti, wali alayarus jilcaraquiniti. Takeniwa jiwaratäñataqui apanucutäpjjani, mankhapacharu sarapjjañapataqui, cawquïrinacatejj jiwjjapjjäna ucanacampi jiquisiñataqui.

Habacuc 3:10

Jum uñjasajj jach'a kollunacas qhathatipjjewa, umanacas walipuniw waraktani, jach'a kotasa warariwa, uqhamaraqui jach'anacaw mathapinacajj sartaraqui.

Habacuc 3:6

Cunapachatï jupajj sayt'qui ucqhajj orakes qhathatiwa; uñtäwipampejj marcanacarus qhathatiyaraquiwa; nayrapacha jach'a kollunacasa allthaptaraquiwa, jisc'a kollunacas ina ch'usaruraquiw tucupjje. Ucampis Diosan thaquinacapajj wiñayataquipuniwa.

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Deuteronomio 32:22

Nayan colerasiñajjasti mä ninjamaw akti, wali mankhapachcamaw akantaraqui, oraksa, uqhamarac achunacapsa mank'antaniwa, kollunacan cimientonacapsa nacsuniwa.