Jeremías 8:16 - Qullan Arunaca

¹⁶ ¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Aymar Bibliia 1986

¹⁶ ¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Qullan Arunaka DC

¹⁶ ¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Jeremías 8:16 Jak'a apnaqawi uñst'ayäwi

Job 39:20

¿Jumati uca caballonacarusti t'ijut'ijunacjam uca take thoknakayta, uqhamata ajjsarcaña jejjesiñapataquisti?

Salmos 24:1

Takpach orakejj Tatitunquiwa, ucan utjirinacas jupanquiwa, takpach jaquirinacas jupancaraquiwa.

Jeremías 10:25

Cawquïri marcanacatejj jan uñt'ctam ucanacjjaru colerasiñamjja warjjatam, cawquïri marcanacatejj jan jumaru art'asipctam ucanacjjaru, Jacobon marcaparu mank'antapjjatap laycu, k'alwa t'unjapjjaraquitayna, take marcpachsti k'ala t'unjata jaytapjjaraqui.

Jeremías 3:24

Yakha diosanacar mä p'enka yupaychatasajja, cuntejj awquinacasajj wawäcäyätan ucapacha jicjjatapcatayna uca apt'asiyistu; ovejanaca, uywanaca, uqhamaraqui yokall, imill wawanacsa.

Jeremías 30:16

Ucampisa, take qhititejj jumaru mank'antcätam ucajj mank'antataraquïniwa, take uñisirinacamasti jayaru apanucutaraquïniwa. Jumaru saqueyjirinacasti saqueyjataraquïniwa, jumar lunthatirinacasti lunthatjataraquïniwa.

Jeremías 30:5

Take ch'amani Tatitojj aqham siwa: “¡Ajjsarañat warariñanacaw ist'asi, ajjsarañata, mayjt'asiñanacampi!

Jeremías 4:24

Kollunac uñtta, ucanacasti qhathatisipcaraquïnwa; take kollunacaw qhathatipjjäna.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 47:3

Caballonacan chhuqhunitap ist'asa, carronacan jutatap ist'asasa, uca carronacan ruedanacapan khothutitapa ist'asajja awquinacajj wawanacaparojj apanucuwayjjapjjewa, janiraquiw ch'amas utjcjjeti.

Jeremías 5:17

Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Jeremías 50:42

Arconacampi lanzanacampi armantataw jutapjje; jan qhuyapayasiñani khoru jakenacäpjjaraquiwa, khothutitanacapasti kota khothutinacjamawa, caballonacar lat'jjatatcamaquiw jutantapjjaraqui. Babilonia marcaru nuwantañataquisti janc'aquïpjjaraquiwa.

Jeremías 51:29

Aca orakejj qhathatiwa, ajjsarthapiraquiwa, Tatitun amtatanacapa phokhascatap laycu, Babiloniarojj mä ajjtascaña wasararuw tucuyaraqui.

Jeremías 6:23

Jupanacasti arconacampi, flechanacampi armantatäpjjewa; sinti khoru jakenacäpjjewa, janiw qhuyapt'ayasiñsa yatipcaraquiti; arnakasitanacapasti jach'a kotan khothutitapjamawa, caballonacar lat'jjatatcamaw jutapjjaraqui. Sionampi nuwantasiñataquisti janc'aquïpjjaraquiwa” sasa.

Nahúm 3:2

¡Chicoten jawk'asitapa, ruedanacan suenatapa! ¡Caballonacan jalnakatapa, carronacan jalatapa!

Habacuc 3:10

Jum uñjasajj jach'a kollunacas qhathatipjjewa, umanacas walipuniw waraktani, jach'a kotasa warariwa, uqhamaraqui jach'anacaw mathapinacajj sartaraqui.

1 Corintios 10:26

aca orakesa, cunanacatï aca oraken utjcaraqui ucanacasa Tatituncatap laycu.

1 Corintios 10:28

Ucampis maynitejj: “Aca aychajj c'ari diosanacar loktatawa” sapjjätam ucjja jan mank'apjjamti, uc siriru jan mayjt'ayañataqui, uqhamaraqui jumanacasa chuymanacamanjj jan mayjt'asipjjañamataqui.

Jueces 18:29

Uca marcasti Lais satänwa, ucampis jupanacajja machak marcarojj Dan sasaw sutichapjjäna nayra awquipan sutipampi, uca awquipasti Israelan yokapänwa.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.

Jueces 5:22

“Caballonacaru uchatäpqui uca casconacasti walipuniw chhollokepjje caballonacas thokhonacapqui ucqhajja.