Jeremías 8:16 - Qullan Arunaka DC

¹⁶ ¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Aymar Bibliia 1986

¹⁶ ¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Qullan Arunaca

¹⁶ ¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Jeremías 8:16 Jak'a apnaqawi uñst'ayäwi

Job 39:20

¿Jumat caballor t'iju t'ijunakar uñtat thuqnaqaytasti, axsarkaña jixisiñapatakisti?

Salmos 24:1

Taqpach uraqix Tatitunkiwa, ukan utjirinakas jupankiwa, ukan jakirinakas jupankiwa.

Jeremías 10:25

Jumaru jan uñt'ir markanakaru, jumaru jan art'asiri markanakarux q'apisiñamampi mutuyam, jupanakax q'alpun t'unjapxitu, markarus jan walt'añaruw puriyapxi.

Jeremías 3:24

Yaqha diosanakar mä p'inqa yupaychatanakaxax, kuntix awkinakaxax wawäpkäyäta ukapacha jikxatapkatayna, ovejanaka, uywanaka, yuqall wawanaka, imill wawanaka, taqi ukanak apt'asiyapxitu.

Jeremías 30:16

Ukampis jumar manq'antirix, manq'antatäniwa, taqi uñisirinakamasti jayar apanukutäniwa; jumar lunthatirinakasti, lunthatjatarakïniwa.

Jeremías 30:5

Tatitux akham siwa: “¡Axsarañat warariñanakaw ist'asi, axsarañat mayjt'asiñanakampi!

Jeremías 4:24

Jach'a qullunak uñtta, ukanakasti khathatipxänwa; jisk'a qullunakas chhijthaptapxänwa.

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 47:3

Caballonakan chhukhunitap ist'asa, carronakan jutatap ist'asa, llantanakapan ch'amampi muyutap ist'asaw, awkinakax ch'am pist'ayasipxi, ukatsti wawanakaparuw apanukuwayxapxi.

Jeremías 5:17

Jumanakax alkatasipkta uka jach'a pirqan markanaksa, q'al t'unjapxani. Yapunakamsa, manq'anakamsa, q'al manq'antapxani, imilla, yuqall wawanakamarusa, q'al jiwarayapxani, ovejanakamsa, vacanakamsa, q'al manq'antapxani, uva yapunakamsa, higo yapunakamsa, q'al tukjapxarakini.”

Jeremías 50:42

Mich'inak antutt'añanakampi, lanzanakampi wakicht'ataw jutantapxi; jan khuyapayasir qhuru jaqinakäpxiwa, arnaqasitanakapasti quta qhuthutinakjamawa, caballonakar lat'xatatkamakiw jutantapxi. Babiloniar nuwantañatakis jank'akïpxarakiwa.

Jeremías 51:29

Aka uraqix khathatiwa, axsarthapirakiwa, Tatitun amtatanakapaw phuqhasiski, Babiloniarux mä axtaskañ wasararuw tukuyaraki.

Jeremías 6:23

Jupanakasti mich'inak antutt'añanakampi, espadanakampi wakicht'asitäpxiwa; sinti qhuru jaqinakäpxiwa, janiw khuyapt'ayasiñ chuymanïpkiti; arnaqasitanakapasti jach'a qutan qhuthutitapjamawa, caballonakar lat'xatatkamaw jutantapxi. Jerusalén markampi nuwantasiñatakix jank'akïpxarakiwa” sasa.

Nahúm 3:2

¡Chicoten jawq'asitapa, ruedanakan chhulluqitapa! ¡Caballonakan jalnaqatapa, carronakan jalatapa!

Habacuc 3:10

Jumar uñjasax jach'a qullunakas khathatipxiwa, Alay qinayanakatsa jallux walipuniw waraqtani, jach'a qutax wararkaspas ukhamawa, mathapinakapas jach'anakaw sartaraki.

1 Corintios 10:26

taqi akapachasa, kunanakatix ukan utjki ukas Tatitunkiwa.

1 Corintios 10:28

Ukampis maynitix sapxätam: “Aka aychax yaqha diosanakar wilañcha luqtatawa” sasaxa, ukhamax jan uk manq'apxamti, uk arsuriru jan mayjt'ayañataki, jumanakas jan mayjt'asisipkañamataki.

Jueces 18:29

Uka markan sutipax Lais satäkchïna ukasa, jupanakax Dan sasaw sutichapxäna nayra awkipan sutip amtasina, uka awkipasti Israelan wawapänwa.

Jueces 20:1

Ukhamasti israelitanakax taqpachaniw Dan, Beerseba, Galaad chiqankirinakax mayar tukt'asin Tatit nayraqatan tantacht'asipxäna.

Jueces 5:22

“Caballonakan casconakapax chhulluqiwa! ¡Thuqtas, thuqtasaw ch'amani caballonakax jalapxi!