Jeremías 7:10 - Qullan Arunaca

¹⁰ take ucanac lurasinsti aca nayan templojjaru, cawquïritï nayaru loktatäqui, ucarojj jutapjjaractawa, naya nayrakataru uñstañataquejja. Ucatsti amuyasipjjaractawa, ucanjja arjjatatäsipcasmasa uqhama ucat take uca jan walinacjja lurasipcaraquisma, ucatsti nayajj uca luratanacamjja janiw juc'ampi uñjcäti.

Aymar Bibliia 1986

¹⁰ take ucanac lurasinsti aca nayan templojjaru, cawquïritï nayaru loktatäqui, ucarojj jutapjjaractawa, naya nayrakataru uñstañataquejja. Ucatsti amuyasipjjaractawa, ucanjja arjjatatäsipcasmasa uqhama ucat take uca jan walinacjja lurasipcaraquisma, ucatsti nayajj uca luratanacamjja janiw juc'ampi uñjcäti.

Qullan Arunaka DC

¹⁰ taqi ukanak lurasinsti, nayar luqtatäki uka utaxarux jutapxaraktawa, nayan nayraqataxar uñstiri. Aka utan suma uñjatäpkasmas ukham amuyasipxtaxa, ukatsti utaxat mistxasinxa taqi jan walinak lurasipkaktawa, uka luratanakamax axtasiyituwa.

Jeremías 7:10 Jak'a apnaqawi uñst'ayäwi

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

2 Reyes 21:4

Ucjjarusti Tatitun templopanjja altaranacwa lurayäna. Uca toketsti Tatitojj sänwa: “Jerusalenaruwa sutejj-jja uchäjja” sasa.

2 Crónicas 33:4

ucatsti Tatitun templopanjja altaranacwa lurayäna, uca toketsti Tatitojj sänwa: “Jerusalenanjja sutejjajj wiñayataquiw ucancani” sasa.

2 Crónicas 33:7

Ucjjarusti Tatitun templopana c'ari diosana uñnakapa luraycäna ucwa uchayäna, uca toketsti Diosajj Davidarojj ewjjänwa, uqhamarac Salomón yokaparusa, aqham sasa: “Israelana take tribupata ajlliscta, uca Jerusalenanquiri templonwa sutejjajj wiñayataqui ucancani.

Proverbios 15:8

Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

Isaías 48:2

Kollana marcan jacasirïtwa saractawa, Israelan Diosaparuraquiw iyawstajja, sutipasti take ch'amani Tatitu satawa.

Jeremías 32:34

Nayaru catuyata templsa taquisipjjewa, uca ajjtascañ yakha diosanacap ucar uchasisajja.

Jeremías 34:15

Ucampisa jichhajj jumanacajj sarnakäwinacamjja mayjaruwa tucuyjjapjjtajja, cunatejj nayataquejj asquïqui ucwa lurapjjaractajja, marca masi esclavonacamaru antutjjasajja. Ucatsti mä arust'äwiruraquiw mantapjjänjja nayan nayrakatajjana, cawquïri templotejj nayataqui satäqui ucana.

Jeremías 44:9

¿Cuntejj nayrapacha awquinacamajj lurqui ucanacjja armasjjapjjtati, cuntejj Judá marcanquiri reyinacasa, warminacapasa lurapqui ucanacjja, jumanacasa uqhamaraqui warminacamasa lurapcta ucanacjja? Jumanacajj sinti jan walinacpun Jerusalén marcana Judá marcanacansa lurapjjtajja.

Jeremías 7:11

¿Jumanacasti amuyapjjtati, aca nayaru loktata templojj lunthatanacan putupäcaspas uqhama? Nayasti take ucanacwa uñjta. Naya Tatituw take ucanacjja arsta.

Jeremías 7:14

Ucatwa jichhajj cuntejj Santuariojjampi Silo chekanjja lurcta, uqhamaraquiw jichhajj aca nayaru loktata templompejj luräjja, uca templsti jumanacaruw churapjjsma, uqhamaraqui nayrapacha awquinacamarusa, jumanacasti uca temploruw wali alcatasipjjaractajja.

Jeremías 7:30

Tatitusti siwa: “Judá orakenquir jakenacasti mä jan walwa lurapjje nayaru ñankhachquiri: uca ajjtascañ c'ari diosanacapwa nayar loktat templorojj uchasjjapjje, uqhamat templojja k'añuchapjje.

Ezequiel 20:39

“Israel marca, acjja Tatituw arsu: ¡C'ari diosanacamar yupaychiri sarapjjam! Uca pasatatsti jumanacajj nayaruw jaysapjjetäta, janiraquiw nayan kollan sutejjsa taquiscjjapjjätati, uca c'ari diosanacamaru ofrendanac churasa uqhamaraqui ucanacaru yupaychasa.

Ezequiel 23:29

Jupanacasti wali uñisiñampiw jumarojj uñjapjjätam, cuntejj jumajj irnakatamampi jicjjatascta uca yänacamsti catuntasipjjaraquiniwa, k'alalpacharacwa irpanucupjjätam, janchimasti khana k'alalaraquïniwa, cawquïri janchimtejj jucha lurañanacaru catuycta uca.

Ezequiel 23:37

Jupanacajj janiw nayaru take chuymampi arcapquitänti, amparanacapasa wilampi k'añuchsutaraquiwa. C'ari diosanacaparu yupaychasasti nayarojj janiw take chuymampi arcjjapjjetänti, uca yakha diosanacar yupaychasasa wawanacapjja ninaruw naqhantayapjjaraqui sacrificiot loktasina, cawquïri wawanactejj nayataqui utjayarapquitäna uca wawanacjja.

Ezequiel 23:39

Cunürutejj wawanacapa uca c'ari diosanacar sacrificiot loktapcänjja uca pachpa urpacharaquiw nayan templojjaru taquisirejj jutapjjänjja. ¡Ucpï nayan pachpa utajjan lurapjjejja!

Ezequiel 33:25

Jichhajj nayan sutejjaru jupanacarojj parlam: ‘Jumanacajj wilani aycha mank'apjjtajja, c'ari diosanacaruw yupaychapjjaractajja, jakenacsa jiwarayapjjaractawa, jichhajj ¿aca orakejj jiwasancaniw sapjjtati?

Ezequiel 33:31

Uqhamaw marcajjajj jutasin juman nayrakataman kont'asipjje cunjämtejj lurapjjerïcäna, arunacama ist'añataqui. Ucampisa janiw uca arunacarjama sarnakapquiti. Munasiña k'ochunacäcaspasa uqhamacwa k'ochupjje, ucampisa jupanacan chuymanacapajj kollken khepapa sarañanquiwa.

Ezequiel 5:11

Naya Tatituw ucjja arsta, pachpa jacañajj-jjaruraquiw juramentompi arsta. Cunjämatejj jumanacajj nayan kollana templojja jan wali uqhamaraqui k'añu luräwinacamampi taquisipjjtajja, jichhasti nayajj jumanacarojj jan qhuyapt'ayasisaraquiw tucjjapjjäma; janipuniw jumanacatjja acch'as qhuyapt'ayascäti.

Daniel (hebreo) 9:18

Ist'apjjet Tata, nanacan Diosajja; nanacan aynacht'atanacajjarusti uñtanipjjaraquita, cawquïri marcatejj sutima apqui uca marcan aynacht'atapsa. Janiw nanacan asquïpjjatajj laycutejj jumaru mayisinipcsma, jan ucasti juman jach'a qhuyapayasiñam laycuw mayisinipjjsma.

Oseas 6:9

Sacerdotenacajj lunthatcamaquïpjjewa, jaket lunthatañac uñch'uquisipqui; jake jiwayapjje, cunayman jan walinacraqui lurapjje Siquem thaquinjja.

Amós 4:5

Jan levaduran t'ant'a nact'ayasa yuspagarasina ofrenda loktasipjjaraquim, yatiyapjjaraquim take chekana ofrenda churapcäta ucanacsa, niyaquejjay jumanacataquejj uqham lurañajj sumächejja.” Uqham siw Tatitojja.

Sofonías 1:5

Uqhamaraquiwa tucjaraquï cawquïri jakenacatï uta patanacar mistusina warawaranacar yupaychapqui ucanacarusa, ucatsti cawquïri jakenacatï quillt'asisina juramento lurapqui nayan sutejja aytasisina, uqhamarac Milcom sat diosan sutip aytasisasa, ucanacarojja.

Malaquías 3:15

Jiwasasti uñjtanwa, jach'a jach'a tucurinacasti cusisitäpjjewa, jan walinac lurcasas take cunas sumaquipuniw misturapi, Diosarusa yant'apjjaraquiwa, ucampis janiraquiwa cuna mutuyäwinacsa Diosatjja catokapquiti’ ”

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.

Juan 18:28

Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.