Jeremías 7:10 - Qullan Arunaka DC

¹⁰ taqi ukanak lurasinsti, nayar luqtatäki uka utaxarux jutapxaraktawa, nayan nayraqataxar uñstiri. Aka utan suma uñjatäpkasmas ukham amuyasipxtaxa, ukatsti utaxat mistxasinxa taqi jan walinak lurasipkaktawa, uka luratanakamax axtasiyituwa.

Aymar Bibliia 1986

¹⁰ take ucanac lurasinsti aca nayan templojjaru, cawquïritï nayaru loktatäqui, ucarojj jutapjjaractawa, naya nayrakataru uñstañataquejja. Ucatsti amuyasipjjaractawa, ucanjja arjjatatäsipcasmasa uqhama ucat take uca jan walinacjja lurasipcaraquisma, ucatsti nayajj uca luratanacamjja janiw juc'ampi uñjcäti.

Qullan Arunaca

¹⁰ take ucanac lurasinsti aca nayan templojjaru, cawquïritï nayaru loktatäqui, ucarojj jutapjjaractawa, naya nayrakataru uñstañataquejja. Ucatsti amuyasipjjaractawa, ucanjja arjjatatäsipcasmasa uqhama ucat take uca jan walinacjja lurasipcaraquisma, ucatsti nayajj uca luratanacamjja janiw juc'ampi uñjcäti.

Jeremías 7:10 Jak'a apnaqawi uñst'ayäwi

1 Reyes 9:3

ukat sarakïna: “Nayax mayisitamsa, achikt'asitamsa ist'smawa, ukatsti nayan sutix wiñay ukankañapatak aka uta utacharapkista ukxa qullanañchtwa. Nayasti uñtanïwa, chuymaxas ukankarakiniwa.

2 Reyes 21:4

ukxarusti altaranak Tatitun utapan luräna, uka chiqatsti Tatitux sataynawa: “Jerusalén markan sutixa uchä” sasa.

2 Crónicas 33:4

ukatsti Tatitun utapan altaranak lurayäna, uka tuqitsti Tatitux sänwa: “Sutixax wiñayatakiw Jerusalén markankani” sasa.

2 Crónicas 33:7

Ukhamarak Diosan utaparux yaqha diosar uñtasit luraykatayna uk uchayäna, uka tuqitsti Diosax Davidampiru, Salomón yuqapampirux sataynawa: “Israelan ayllunakap taypit Jerusalenankki uka uta ajllista, sutixan wiñayatak ukankañapataki.

Proverbios 15:8

Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Isaías 48:2

Jerusalén markan jakasirïtwa sistawa, Israelan Diosaparuw iyawsta, sutipasti taqi ch'amani Tatituwa, saraktawa.

Jeremías 32:34

Nayar katuyat utaxsa, uka axtaskañ yaqha idolonakap uchasisaw takisipxi.

Jeremías 34:15

Jumanakasti jichhürux sarnaqäwinakam mayjaptayxapxtawa, kunatix nayatakix askïki uk lurapxaraktaxa, marka masi t'aqhisiyatanakamaru antutxasaxa. Ukatsti nayatak satäki uka utan, naya nayraqataxan mä arust'äwiru mantapxtaxa.

Jeremías 44:9

¿Jumanakasti nayra awkinakaman jucha luratanakap armasxapxtati? Judá uraqina, Jerusalenan thakhinakapansa, jupanakampi warminakapampix kunayman juchanak lurapxäna, uka kipkarakiw Judá uraqin reyinakapasa, warminakapasa, sinti jan wali juchanakpun lurapxäna. ¿Janit uka jucha luratanakapat amtasxapxta?

Jeremías 7:11

Aka utax nayar luqtat utawa, ukampis jumanakax lunthatanakan putup tukuyxapxatäta. ¡Naya pachpaw ukham uñjta! Naya, Tatituw taqi ukanak arsta.

Jeremías 7:14

Ukat jichhax, kuntix Siló chiqan qullan utaxampi lurkta, ukhamarakiw jichhax aka nayar luqtata utaxampix lurä, aka utsti jumanakampiru nayra pacha awkinakamampiruw churta, jumanakasti uka utaruw wal alkatasipxaraktaxa.

Jeremías 7:30

Tatitusti siwa: “Judá uraqinkir jaqinakax nayar ñanqhachañatakix mä jan wal lurapxi: nayar luqtat utaruw uka axtaskañ idolonakap uchasxapxi, ukhamat utax q'añuchapxi.

Ezequiel 20:39

“ ‘Israelitanaka, Tatitux akham siwa: Janitix jaysañ munapkchistaxa, ¡ukhamax axtaskañ diosanakamar yupaychasipkakim! Ukampis mä uruw purini, jumanakax nayaruw jaysapxitäta, janirakiw nayan qullan sutixsa uka diosanakamar luqtanak churasa, yupaychasasa takichaskxapxätati.

Ezequiel 23:29

Jupanakasti wali uñisiñampiw jumarux uñjapxätam, irnaqatamampi jikxatasit yänakam katuntasipxani, q'alalpacharak jaytanukupxätam, wachuqa jucha lurir janchimasti taqinin uñjkañ q'alaläniwa. Munañamar sarnaqatamampi, wachuqa jucha lurañanakan sarnaqatamampiw

Ezequiel 23:37

Jupanakax janiw nayarux taqi chuyma arkapkituti, amparanakapasa wilampi q'añuchjatawa, wawanakap jiwarayasaw uka diosanakaparux wilañcha luqtapxäna, nayataki utjayarapkitu uka wawanaka.

Ezequiel 23:39

Kunürutix uka diosanakar wawanakap wilañchat luqtapkäna uka pachpa ururakiw nayan utaxar q'añuchjirix jutapxäna. ¡Uksti nayan pachpa utaxan lurapxi!

Ezequiel 33:25

Jichhax jupanakarux sarakim: ‘Tatitux akham siwa: Jumanakax wilan aycha manq'apxtaxa, idolonakaruw yupaychapxtaxa, jaqinak jiwarayapxtaxa, nuwasiñanakaruw uskusipxtaxa, kuntix nayax uñiskta ukanak lurapxtaxa, taqiniw jila masiman warmipampis wachuqa jucha lurapxaraktaxa, jichhasti ¿aka uraqix jiwasankaniw sapxtati?” sasa.

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Ezequiel 5:11

Naya, Tatituw jakañax layku juramentompi arsta: jumanakax nayan qullan utaxsa axtaskañ yaqha diosanakampi, q'añu luräwinakamampi q'añuchjapxtaxa, ukhamarakiw nayax jumanakar jan khuyapt'ayasis tukjapxäma, janipuniw khuyapt'ayasipkämati.

Daniel (hebreo) 9:18

Tatituxay ist'apxitaya; nanakan aynacht'atanakax uñtanim, juman sutim jach'añchañ markan t'unjatätapsa uñtanimaya. Janiw nanakan askïpxatax layku jumar achikt'asinipksma, jan ukasti juman jach'a khuyapayasiñam laykuw mayisinipxsma.

Oseas 6:9

Sacerdotenakax lunthatkamakïpxiwa, jaqit lunthatañak uñch'ukisipki; Siquem thakhin jaqinak jiwarayapxi, kunayman jan walinak lurapxaraki.

Amós 4:5

Jan levaduran t'ant'a nakt'ayas yuspagarasin waxt'äwi luqtasipxam, waxt'a churapkäta ukanaksa taqi chiqan yatiyapxarakim, ukham lurañaw jumanakatakix askixa.” Tatitux ukham siwa.

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Malaquías 3:15

Jiwasax uñjtanwa, jach'a jach'a tukurinakax kusisitäpxiwa, qhuru jaqinakatakisti jan walinak lurkasas taqi kunas jupanakatakix sumakipuniwa, Tatiturus yant'apxarakiwa, ukampis janiw kuna mutuñsa Tatitut katuqapkiti’ ” sasa.

Mateo 23:13

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakasti yaqhanakan jan mantañapatak alaxpach punku jist'antapxtaxa; janiw jumanakas mantapktati, janirakiw yaqhanakarus mantayapktati.

Juan 13:18

“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.

Juan 18:28

Ukatsti Jesusarux Caifasan utapat marka apnaqirin utaparuw irpapxäna. Ukapachax niyaw willjtanxäna, judionakasti janiw uka utar mantapkänti saraparjam jan q'añuchasiñataki, mantapxasapän ukax janiw Pascua manq'a manq'apkasapänti.