Jeremías 7:11 - Qullan Arunaka DC

¹¹ Aka utax nayar luqtat utawa, ukampis jumanakax lunthatanakan putup tukuyxapxatäta. ¡Naya pachpaw ukham uñjta! Naya, Tatituw taqi ukanak arsta.

Aymar Bibliia 1986

¹¹ ¿Jumanacasti amuyapjjtati, aca nayaru loktata templojj lunthatanacan putupäcaspas uqhama? Nayasti take ucanacwa uñjta. Naya Tatituw take ucanacjja arsta.

Qullan Arunaca

¹¹ ¿Jumanacasti amuyapjjtati, aca nayaru loktata templojj lunthatanacan putupäcaspas uqhama? Nayasti take ucanacwa uñjta. Naya Tatituw take ucanacjja arsta.

Jeremías 7:11 Jak'a apnaqawi uñst'ayäwi

2 Crónicas 6:33

jumax alaxpachan kawkhanktatix ukkhatpach ist'am, ukatsti kuntix maykätam uk churam, ukhamat aka uraqin taqi markanakax Israel markamjam jumar uñt'apxañapataki, jach'achapxañapataki, ukatsti sutimax utaman yupaychatätap amuyapxani.

Isaías 1:12

Nayar yupaychiriw jutapxtaxa, ukampis janiw uka uywanak apanipxañamatak mayipksmati, jumanakax utax q'añuchirikiw jutapxtaxa, nayatsa phiskasipxarakistawa. ¡Utaxat sarapxam!

Isaías 56:7

nayax qullana qulluxaruw jupanakarux irpanï, nayar mayisiñ utaxansti k'uchikïpxaniwa. Altaraxan wilañchanak luqtasitanakapsti katuqarakïwa, nayan utaxax taqi markanakatakix Tatitur mayisiñ uta satäniwa.”

Jeremías 2:34

Isimax q'añuchjatawa, t'aqhinakana, jan juchaninakan wilapampi, khitinakarutix jan kuna juchan jikxatkta ukanakan wilapampi q'añuchjatawa.

Jeremías 23:24

¿Khitis naya nayräxat imantasispa? Alaxpachansa, akapachansa nayax taqi chiqanktwa. Naya, Tatituw uk sista.

Jeremías 29:23

Taqi ukanakaw jumanakampix lurasini, Israel markan sinti jach'a juchanak lurapxatam layku: jaqi masiman warmipampiw jumanakax wachuqa jucha lurapxtaxa, ukatsti kuntix nayax jan sapksma ukanakarak nayan sutixar parlapxtaxa. Nayax uk sum yatta, naya kipkaw uñjta. Naya, Tatituw uk arsta’ ” sasa.

Jeremías 7:10

taqi ukanak lurasinsti, nayar luqtatäki uka utaxarux jutapxaraktawa, nayan nayraqataxar uñstiri. Aka utan suma uñjatäpkasmas ukham amuyasipxtaxa, ukatsti utaxat mistxasinxa taqi jan walinak lurasipkaktawa, uka luratanakamax axtasiyituwa.

Ezequiel 35:13

Naya tuqi jan wali arunak parlatamsa sum ist'arakta.

Daniel (hebreo) 9:18

Tatituxay ist'apxitaya; nanakan aynacht'atanakax uñtanim, juman sutim jach'añchañ markan t'unjatätapsa uñtanimaya. Janiw nanakan askïpxatax layku jumar achikt'asinipksma, jan ukasti juman jach'a khuyapayasiñam laykuw mayisinipxsma.

Mateo 21:13

ukat sarakïna: —Qillqatanxa siwa: ‘Utaxasti Diosat mayisiñ uta satäniwa’, ukampis jumanakax lunthatanakan putup tukuyxapxatätaxa —sasa.

Marcos 11:17

Ukat jupanakarux yatichäna: —Diosan Arunakapan qillqatawa: “Utaxax taqi markanakataki Diosat mayisiñ utäniwa” sasa, ukampis jumanakax lunthatanakan putuparuw tukuyapxtaxa —sasa.

Juan 2:16

Palomanak aljirinakarusti sänwa: —¡Taqi akanak akat apsupxam! ¡Awkixan utap jan mä qhathur uñtat tukuyapxamti! —sasa.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.