Jeremías 6:7 - Qullan Arunaca

⁷ Jerusalenatwa ñankha lurañajj mistu, cunjämatejj umajj mä phuch'ut mistojj uqhama. Uca marcansti nuwasiñanacampi ch'ajjwañanacampiquiw ist'asisqui; ucansti chhojjriñchasiñanacaqui, usuyasiñanacampicwa uñjaractjja,

Aymar Bibliia 1986

⁷ Jerusalenatwa ñankha lurañajj mistu, cunjämatejj umajj mä phuch'ut mistojj uqhama. Uca marcansti nuwasiñanacampi ch'ajjwañanacampiquiw ist'asisqui; ucansti chhojjriñchasiñanacaqui, usuyasiñanacampicwa uñjaractjja,

Qullan Arunaka DC

⁷ Jerusalenat ñanqha lurañax mistu, kunjämatix umax mä phuch'ut mistki ukhama. Uka markansti nuwasiñanakampi, ch'axwañanakampikiw ist'asiski; ukansti chhuxriñchjasiñanakampi, usuyasiñanakampik uñjarakta.

Jeremías 6:7 Jak'a apnaqawi uñst'ayäwi

Proverbios 4:23

Take cuna imatäqui ucat sipansa chuymam imam, jacañamasti uca chuymamatwa juti.

Isaías 1:6

Cayut kalltasin p'ekecamajj janiw jumanacanjj cawqhas c'umaräcjjeti; takpach janchimajj k'ala chhojjriñchjatawa, jawk'jata, llejjtjtataraqui; jan qhitinsa kolljjatata, janiraqui ñacht'ata, uca usuyasitanacamsti janiraquiw qhitis aceitempi kolljjatt'asa samart'ayquiti.

Isaías 57:20

Ucampis khoru jakenacajj mä khothutir kotar uñtatäpjjewa, janiraquiw amuct'irjamäpquiti, mathapinacapasti ñek'empi cunayman k'añunacampwa willsuniraquejja.

Isaías 59:6

Uca simpanacampisti janiw cuna isis lurascaspati, janiraquiw qhitis jupanacan sawutanacapampejj ist'ascaspati. Take luratanacapasti ñankhacamaquiwa, amparanacapasti jakeru nuwañacwa munasipcaraqui,

Jeremías 20:8

Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Jeremías 30:12

Tatitojj siwa: “Chhojjrimajj jan kollcañjamawa, usumataquejj janiw kollajj utjquiti.

Jeremías 30:13

Janiw qhitis jumat llaquirejj utjquiti, janiraquiw qhitis chhojjrinacam kollirejj utjquiti, janiw kollañjamäcaractati.

Jeremías 30:15

¿Cunatsa chhojjrinacamatjja jan amuct'asta? Usuyasitamasti jan kollkayawa juman walja jach'a juchanacam laycuw uqhama jumarojj lursma.

Jeremías 32:31

Aca marcasti kalltasquejja ucat jichhürcamasti, sintpunwa colerayjjetu. Ucat jichhajj chhaktayäjja,

Jeremías 8:22

¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?

Ezequiel 21:29

Unañchäwi uñjatanacapasti c'ariwa, cunatejj acat kheparu pascani ucanacat parlatanacapas c'ariraquiwa. Espadasti uca ñankha jake jiwayiri jakenacjjaruw puriraquini. Khepa mutuyäwi catokaña horasapasti niya jac'ancjjewa.

Ezequiel 24:7

Marcasti wila wartatanacampi phokhantatawa, wilajj wartatawa, ucampisa janiw lak'jjaru wartatäquiti, uqhamat uca lak'ajj imjjatañapataqui, jan ucasti mä k'ara karkjjaru wartatawa.

Ezequiel 45:9

“Tatitojj aqham siwa: ¡Israel marcan jilïrinacapa, ucqhacamaqui! ¡Jan juc'ampi marcajjaru t'akhesiycjjapjjamti, janiraqui jumanacajj cuns inaqui lurayasipjjamti! ¡Take cunsa asquiru, chekaparu lurapjjaraquim! ¡Jan juc'ampi marcajjat orakenacapa lunthatcjjapjjamti! Naya, Tatituw, ucjja mayipjjsma.

Ezequiel 7:11

Nuwasiñanacaquiw sartasqui, ucanacasti ñankhanacacwa utjayi. Ucampisa jupanacajj kamir cancañanacapampejj janiw cunsa jicjjatapcaniti, uqhamaraqui arnakasitapampisa. Janiw jupanacanjj cuna asquis utjcjjeti.

Ezequiel 7:23

“Mä cadena waquichasiraquim, aca marcanjja walja jakenacaru jake jiwayirinacat juchañchapjje, aca marcasti nuwasiñanacana phokhantataraquiwa.

Sofonías 3:1

“Ay, Jerusalén marca, Dios contra sayt'asir marca, juchansa k'añuchata, yakha marcanacarus t'akhesiyiriraqui.