Jeremías 6:6 - Qullan Arunaca

⁶ Take ch'amani Tatituw uca arunacjja churaraqui: “¡Kokanac tincuyapjjam, ucatsti uca lawanac arct'apjjam, ucanac patjjata Jerusalenar nuwantañataqui! Aca marcajj juchañchatäñataqui catuyatawa, mayninacaru t'akhesiyapjjatap laycu.

Aymar Bibliia 1986

⁶ Take ch'amani Tatituw uca arunacjja churaraqui: “¡Kokanac tincuyapjjam, ucatsti uca lawanac arct'apjjam, ucanac patjjata Jerusalenar nuwantañataqui! Aca marcajj juchañchatäñataqui catuyatawa, mayninacaru t'akhesiyapjjatap laycu.

Qullan Arunaka DC

⁶ Taqi ch'aman Tatitux akham siwa: “¡Quqanak tinkurayapxam, ukatsti uka lawanak arkt'apxam, ukanak patxat Jerusalenar nuwantañataki! Aka markax juchañchatäñatak katuyatawa, jupanakax t'aqhisiyir jaqinakäpxiwa.

Jeremías 6:6 Jak'a apnaqawi uñst'ayäwi

Isaías 37:33

Asiria reyi toketsti Tatitojj siwa: ‘Janiw jupajj Jerusalenar mantancaniti, janiraquiw mä sapa flechsa antutt'caniti, janiraquiw armanacapampis jutcaniti, janiraquiw marca ankäjjanacarus perkanac sayt'aycaniti.

Jeremías 20:8

Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Jeremías 22:17

“Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Jeremías 32:24

‘Jichhajj caldeo jakenacajj marcaru nuwantañataquiw wali waquichrantasipjje; guerrampi, mach'ampi, cunaymani usunacampiraquiw marcajj uñisirinacan amparaparu purini. Tata, cuntejj jumajj siscäyät uca arunacajj phokhasipuniwa.

Jeremías 32:31

Aca marcasti kalltasquejja ucat jichhürcamasti, sintpunwa colerayjjetu. Ucat jichhajj chhaktayäjja,

Jeremías 33:4

Naya, Israelan Diosapasti, mä yatiyäwinacanïtwa jumataquejja, Jerusalén marcanquiri utanac toketa, uqhamaraqui Judá orakenquiri reyinacan utanacap toketsa, cawquïrinacatejj k'ala tincuyatäcani ucanacata. Jumanacan caldeonac toke espadampi nuwasiñataqui sayt'asiñ chekana aptatäcan aca marcar nuwantañataqui, ucar mistutanacamasti inamayaquïniwa; jiwatanacampiquiw phokhantasipjjätajja. Nayawa jach'a colerasiñajjana, jupanacarojj jiwarayä; nayasti aca marcatjja maysaruw uñtjjta, walja ñankhanaca lurapjjatap laycu.

Jeremías 39:1

Sedequías reyejj llätunca mara Judá orake apnakcän uca maranwa, tunquïri phajjsina, Nabucodonosor reyejj Babiloniat sartaniwayi take ejercitopampi Jerusalén marcaru, ucatsti k'alwa muyuntaraquïna.

Jeremías 5:29

¿Janit ucanacatsti mutuycästi? ¿Janit uqhama jakenacarusti juchap uñt'aycästi? Naya, Tatituw ucjja arsta.

Jeremías 5:9

¿Uca luratanacapatsti janit mutuycästi? ¿Uqham sarnaker jakenacarojj janit juchap uñt'asiycäjja?

Ezequiel 4:2

Ucatsti uca marcarojj walja ejercitompi guerran nuwasiñ yänacampi muyuntayaraquim, uqhamaraqui mä amsta cheka waquicharaquim uca marca uñtañataqui, uqhamat mä ejercitompi muyuntata marcäcaspas uqhama uñtasiñapataqui.

Ezequiel 5:5

“Naya Tatituw ucjja arsta: Ucäsquiwa Jerusalén marcajja. Nayaw take marcanaca, uqhamaraqui jach'a marcanac taypiru uscta.

Daniel (hebreo) 11:15

Amstanquiri reyisti jutasinjja, uca marca muytatjja mä jach'a perkanac waquicharaquini uca marcar catuntañataqui. Janiw aynach tokenquiri ejerciton wali ch'amani soldadonacas uca uñisirin soldadonacapan jutatapjja suyt'ayapcaniti.

Sofonías 3:1

“Ay, Jerusalén marca, Dios contra sayt'asir marca, juchansa k'añuchata, yakha marcanacarus t'akhesiyiriraqui.

Lucas 19:43

Jumataquisti jan wali urunacaw purinini, ucapachasti uñisirinacamajj mä perkampiw jumar muyuntayätam, ucatsti take toket nuwantapjjaraquïtam.