Jeremías 6:6 - Qullan Arunaka DC

⁶ Taqi ch'aman Tatitux akham siwa: “¡Quqanak tinkurayapxam, ukatsti uka lawanak arkt'apxam, ukanak patxat Jerusalenar nuwantañataki! Aka markax juchañchatäñatak katuyatawa, jupanakax t'aqhisiyir jaqinakäpxiwa.

Aymar Bibliia 1986

⁶ Take ch'amani Tatituw uca arunacjja churaraqui: “¡Kokanac tincuyapjjam, ucatsti uca lawanac arct'apjjam, ucanac patjjata Jerusalenar nuwantañataqui! Aca marcajj juchañchatäñataqui catuyatawa, mayninacaru t'akhesiyapjjatap laycu.

Qullan Arunaca

⁶ Take ch'amani Tatituw uca arunacjja churaraqui: “¡Kokanac tincuyapjjam, ucatsti uca lawanac arct'apjjam, ucanac patjjata Jerusalenar nuwantañataqui! Aca marcajj juchañchatäñataqui catuyatawa, mayninacaru t'akhesiyapjjatap laycu.

Jeremías 6:6 Jak'a apnaqawi uñst'ayäwi

Isaías 37:33

“Asiria reyi tuqitsti Tatitux siwa: ‘Janiw jupax Jerusalenar mantankaniti, janiw mä sapa mich'ipsa antutt'kaniti, janiw nuwantañatakis jutkaniti, janirakiw marka anqäxanakarus pirqanak sayt'aykaniti.

Jeremías 20:8

Sapa kuti parlataxasti, nuwasiñampita t'unjatäñampit yatiyañatakikiwa; nayarusti sapa kutiw jan wali arunakampi jisk'achapxitu, arunakam yatiyataxatsti nayat larusipxarakiwa.

Jeremías 22:17

“Ukampis jumax jan wali lurañanakampi jikxatatanakamatak llakistaxa; jan juchanirux jiwaytawa, markamankirinakarus ch'ama lurañanakampiw t'aqhisiyaraktaxa.”

Jeremías 32:24

“ ‘Jichhasti Babiloniankir soldadonakax Jerusalén markar nuwantañatakiw wal wakicht'asipxi; nuwasiñampi, mach'ampi, kunayman usunak laykuw markax uñisirinakan amparapar purini. Tatay, kunjämtix jumax yatiykta ukanakaw phuqhasiski.

Jeremías 32:31

Aka markax qalltaski ukat jichhürkamaw, taqi jaqinakapax walpun q'apisiyitu. Ukat jichhax chhaqtayä,

Jeremías 33:4

Naya, Israelan Diosapasti, Jerusalén markankir utanak tuqita, Judá uraqinkir reyinakan utanakap tuqita mä yatiyäwiw utjitu, taqi ukanakax q'ala tinkurayatäniwa. Jumanakar nuwantañatak wakicht'asisipki uka babilonionakar nuwantañtix munapxäta ukaxa, inamayakïniwa, jiwatanakampikiw phuqhantasipxäta. Nayasti jach'a phiñasiñaxanxa, aka markankirinakarux jiwarayäwa; walja juchanak lurapxatapatxa, nayax aka markat maysaruw uñtxta.

Jeremías 39:1

Sedequías reyix tunka mara, llätunka phaxsinaka Judá uraqi apnaqkän ukkhawa, Nabucodonosor reyix Babiloniat jutantäna taqi ejercitopampi Jerusalén markar katuntañataki, ukatsti q'al muyuntarakïna.

Jeremías 5:29

¿Janit ukanakat mutuykästi? ¿Janit ukham jaqinakar juchap uñt'aykästi? Naya, Tatituw uk arsta.

Jeremías 5:9

¿Janit uka luratanakapat mutuykästi? ¿Janit ukham sarnaqir jaqinakar juchap uñt'asiykästi?

Ezequiel 4:2

Ukatsti uka markarux walja ejercitompi, nuwasiñ yänakampi muyuntayam, jach'a pirqampi uyuchrantam, pirqa jak'ar jach'a makhatañ lurarakim markar mantañataki, ukhamat ejercitompi muyuntat markäkaspas ukham uñtasiñapataki.

Ezequiel 5:5

“Naya, Tatituw uk arsta: Jerusalén markax ukäskiwa. Nayaw taqi markanaka, jach'a markanak taypir uskta.

Daniel (hebreo) 11:15

Amsta tuqinkir reyisti, jutasin mä jach'a pirqa lurani; uyuchrantat ch'aman markarux ukanjam makhatasaw katuntani. Aynach tuqinkir reyin wali ch'amani soldadonakapasti, janiw uñisirin soldadonakaparux jark'irjamäpkaniti.

Sofonías 3:1

¡Ay, Jerusalén marka, Tatitur saykatir marka, juchansa q'añuchjata, yaqha markanakarus t'aqhisiyiriraki!

Lucas 19:43

Jumatakix jan wali urunakaw purinini, uñisirinakamasti mä pirqampiw jumar muyuntayätam, taqi tuqit katuntapxätam,