Jeremías 6:8 - Qullan Arunaca

⁸ Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Aymar Bibliia 1986

⁸ Jichhajj Jerusalén yatekamaya, jan ucasti nayajj jumatjja mayjt'ataw sarjjä, mä wasararuw tucuyäma, jan jakeni antutaraquïma.”

Qullan Arunaka DC

⁸ Jichhax Jerusalén wanimaya, jan ukasti nayax jumat mayjt'ataw sarxä, mä ch'usa wasararuw tukuyäma, jan jaqin jaytarakïma.”

Jeremías 6:8 Jak'a apnaqawi uñst'ayäwi

Salmos 2:10

Jichhasti reyinaca, amuyt'asipjjamaya, acapach apnakerinaca, wanipjjamaya:

Salmos 50:17

nayamp jan chekachayasiñ muncasa, arunacajjar jan yäkcasajja?

Salmos 94:12

Tatay, juman yatichat jakejj cusisiñaniwa, camächit arunacam yatichat jakejj cusisiñaniwa,

Proverbios 19:20

Ist'am suma ewjja arunacaru, chekachäwi arunacsa catokasiraquim; uqhamatwa yatiñan jakëyätajja.

Proverbios 4:13

Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa.

Jeremías 17:23

Ucampisa jupanacajj janiw nayarojj ist'apquitänti, ni jaysapcaraquitänsa, jan ucasti jupanacajj kala chuymanïpjjänwa, janiw nayar ist'añjja munapcänti ni yatekañsa munapcaraquïnti.

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 31:19

Nayajj jumatjja jayarst'awaytwa, ucampisa jichhajj walpun amtta saranucutajj-jja; juchajj uñt'astwa, ucatsti charajjaruraquiw lek'esta; p'enkachata, jisc'achjataraquiw uñjasta, wayna urunacajjan jucha luratajj laycu.’

Jeremías 32:33

Nayataquejj maysaruw uñtapjjänjja, janiw uñcatañsa munapcaraquitänti. Nayasti jupanacarojj yatichascapuniraquïyätwa, ucampis janiw nayan yatichäwinacajj-jja ist'añ munapcänti.

Jeremías 4:14

Jerusalén, ñankhanacatjja chuymam k'omachasim, uqhamatwa jumajj khespita uñjasïta. ¿Cunapachcamas p'ekemanjja amtäta jan wali amtañanacjja?

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Jeremías 7:28

Saraquim: ‘Aca marcajj janiw Tatitu Diosaparojj jaysañ munquiti, janiraquiw chekachayasiñsa munquiti. Cheka chuymampi sarnakañasti jupanacatjja k'ala chhaktatäjjewa’ ” sasa.

Jeremías 7:34

Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Ezequiel 23:18

Uqhamasti khanwa taken uñjcata jucha lurañanacaru catuyasjjaraquïna, k'alala janchipsa uñacht'ayasa, jupat ajjtasiñajjcama, cunjämtejj cullacapat ajjtascäyätjja uqhama.

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Oseas 9:12

Wawanacapajj jilarcani ucasa, nayaw wawanacapjja jan mayani apakjjä. ¡Ay aca jakenacata, cunaquïcani nayatejj jupanacat jithektjjä ucapachajja!

Levítico 26:34

Ucapachasti jumanacan orakenacamajj samararaquiniwa, uqham t'unjata uñjasisajja, uqhamarac jumanacasa uñisirinacaman marcanacapan jacapcäta ucapachajja; uqhamatwa uca orakenacamajj samarapjjani, cunattejj nayra jan samarapcänti ucanacatjja.

Sofonías 3:7

Ucatwa sista: ‘Uqhamatwa Jerusalén marcajj ajjsartani, ewjja arunacajjsa ist'araquitaniwa, uqhamatwa utanacapas jan t'unjatäcaniti nayan mutuyatajj laycojja.’ Ucampis jupanacajj juc'ampi take casta juchanac lurañaruwa puripjje.

Deuteronomio 32:29

Jupanacatejj yatiñanïpjjaspa ucqhajj amuyt'apjjaspawa; ucatsti yatipjjaraquispawa cunanacatï suyqui ucanacsa.