Jeremías 6:15 - Qullan Arunaca

¹⁵ ¡Jumanacajj take ucanacatjja p'enkasipjjañamänwa, take cunanactejj nayajj jan muncta ucanac luratanacamatjja! Ucampisa, janiw p'enkasipquiti, ¡janiraquiw cunatejj p'enkasiñäqui ucsa yatipquiti! Ucatpï jichhajja, cunapachatejj nayajj mutuycä ucqhajja, ch'anktasipjjaniwa, mayninacjamaw liwirtapjjaraquini. Naya Tatituw, ucjja sista.”

Aymar Bibliia 1986

¹⁵ ¡Jumanacajj take ucanacatjja p'enkasipjjañamänwa, take cunanactejj nayajj jan muncta ucanac luratanacamatjja! Ucampisa, janiw p'enkasipquiti, ¡janiraquiw cunatejj p'enkasiñäqui ucsa yatipquiti! Ucatpï jichhajja, cunapachatejj nayajj mutuycä ucqhajja, ch'anktasipjjaniwa, mayninacjamaw liwirtapjjaraquini. Naya Tatituw, ucjja sista.”

Qullan Arunaka DC

¹⁵ ¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Jeremías 6:15 Jak'a apnaqawi uñst'ayäwi

Génesis 19:34

Khepa urusti, jilïri phuchajj sullca phucharojj saraquïnwa: —Masayp'ojj nayajj awquisampiw iquintta, uqhamajj jichharmajj umjayaraquiquiñäni ucatsti jupampiw jumajj iquintaraquïta, uqhamat panpachaniw jupatac wawanïñäni —sasa.

Éxodo 32:34

Jichhasti saram, uqhamarac jakenac irpam cawqha chekarutejj siscsma ucqharu, nayan angelajjawa irpascätam. Nayasti jupanacarojj mutuyañ urojj purincani uca uruwa juchanacapat mutuyascäjja.

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Isaías 10:4

Janitejj jisc'achatäpcäta, uqhamaraqui janitejj preso apatäpcäta, ucapachajj jaken jiwayatcamaw jiwarapjjäta. Ucampisa Tatitun colerasiñapajj janiw apaktquiti, jichhas jupajj ajjsarayascaquiwa.

Isaías 3:9

Juparusti pachpa uñnakatapaw juchañchasqui. Juchanacapsti janiraquiw imt'asipquiti, Sodoma marcjamaraquiw takeniru yatiyapjje. ¡Ay jupanacataqui, jupanacpacharaquiw mutuyäwi waquichasisipqui!

Jeremías 14:15

Naya Tatitusti saractwa: Uca profetanacarojja, cawquïrinacatejj nayan sutejjaru jan nayan qhitcata parlapjje, uqhamaraqui aca marcanjja janiw guerrajj utjcanit sapjje, ucanacarojj sistwa: Uca profetanacajj guerranacana mank'atjamasa jiwarapjjani.

Jeremías 18:23

Ucampisa, jumajj Tata, take amtatanacapjja yattawa, cuntejj nayaru jiwayañatac amtapqui ucanacjja. ¡Ñankha luratanacapatjja jan perdonamti, jucha luratanacapsa janiraqui armamti! ¡Juma nayrakataru tincuyam, ucatsti wali colerasiñampi mutuyaraquim!

Jeremías 23:12

Ucatpï jichhajj sarnakäwinacapajja ch'amaca, llust'araquïnejja: Nayaw jupanacarojj nuct'ayäjja. Cunapachatejj jupanacaru luratanacapa wayt'cä ucapachasti, jach'a t'akhesiñanacwa jupanacjjarojj apayanëjja. Naya Tatituw ucjja arsta.

Jeremías 3:3

Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Jeremías 44:10

Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Jeremías 5:29

¿Janit ucanacatsti mutuycästi? ¿Janit uqhama jakenacarusti juchap uñt'aycästi? Naya, Tatituw ucjja arsta.

Jeremías 5:9

¿Uca luratanacapatsti janit mutuycästi? ¿Uqham sarnaker jakenacarojj janit juchap uñt'asiycäjja?

Jeremías 8:12

¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Jeremías 8:9

Ucampisa uca yatiñaninacajj jisc'achjataw uñjasipjjani, sipitaru jalt'ir animalanacjamaraquiw qhathatipjjani, ¿Cawquincaraqui yatiñapasti niyaqui arunacapajj apanucupjjchi ucapachasti?

Ezequiel 13:14

Cuna perktejj jumanacajj jank'or tucuyapcta ucsti liwinucüwa, pamparuw liwinucü, cimientonacapsa khanaruw apsuraquëjja. Jïsa, uca perkajj liwisiniwa, jumanacasti uca perkampi liwjjattataw jiwarapjjäta. Ucapachaw jumanacajj yatipjjäta nayan Tatitütajja.

Ezequiel 2:4

Wawanacapas jupanacjama c'ullu, kala chuymani jan amuyt'ani jakenacäpjjaraquiwa. Jichhasti jumarojj jupanacan ucaruw qhitäma jupanacaru aqham sasa parlañamataqui: ‘Aqham siwa Tatitojja.’

Ezequiel 24:7

Marcasti wila wartatanacampi phokhantatawa, wilajj wartatawa, ucampisa janiw lak'jjaru wartatäquiti, uqhamat uca lak'ajj imjjatañapataqui, jan ucasti mä k'ara karkjjaru wartatawa.

Oseas 4:5

Jumajj urpachaw aynacht'äta, arumarusti, jumamp chicaraquiw profetajj aynacht'ataraquïni; jumarusti k'alwa t'unjaraquïma.

Oseas 9:7

¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Miqueas 3:6

“Jumanacajj janiw jichhajj arumanacajj unañchanaca uñjcjjapjjätati jutir urunacata, ni ch'amacanacansa cunatejj khepa urunacan utjani ucanacatsa parlcjjapjjätati” sasa. Uca profetanacataquisti intejj jalantjjaniwa, urusti jupanacataquejj ch'amact'jjaraquiniwa.

Miqueas 7:4

Jupanacat walïqui ucasti mä ch'aphir uñtatawa; wali cheka lurirïqui ucasti yakha ch'aphir uñtataraquiwa. Ucampis jutasquiwa jacthapitanac mayiñ urojja, cuntejj uñjirejj yatiycäyätam uca urojja. Ucapachawa jupanac taypinjja mayjt'asiñajj utjani.

Sofonías 2:1

“Jumanacasti, mayaruqui tantacht'asipjjam jan p'enkan jakenaca.

Sofonías 3:5

Ucampisa Diosaw uca marcancasqui; jupasti cunatejj chekapäqui uc luri, janiraquiw jan walinacjja lurquiti. Sapa alwaraquiwa jan armt'asisa cheka arunacapjja arsuraqui. Ucampisa juchan phokt'ata jakejj jan p'enkaniraquiwa sarnake.

Zacarías 13:4

Qhä urunwa profetanacajj p'enkasipjjanejja unañchäwinacapat parlapcani ucqhajja. Janiw qhitis uchascaniti profetanacan lip'ichinacat lurat isipjja sallkjañataquejja,

Mateo 15:14

Jaytapjjam; chekpachansa jupanacajj juyqhu irpirinacäpjjewa. Mayni juyqhutejj yakha juyqhuru irpani ucajja, panpachaw cuna p'iyarus jakoranttapjjani —sasa.

Filipenses 3:19

Khepa urunacanjja acanacajj tucjatäniwa, ucanacan diosapasti jupanacan quipca munañanacapaquiwa. Jupanacasti p'enkasiñäqui ucatsti wali jach'a jach'araquiw tucupjje. Acapach yänacatacwa wal lup'isipcaraqui.