Jeremías 6:15 - Qullan Arunaka DC

¹⁵ ¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Aymar Bibliia 1986

¹⁵ ¡Jumanacajj take ucanacatjja p'enkasipjjañamänwa, take cunanactejj nayajj jan muncta ucanac luratanacamatjja! Ucampisa, janiw p'enkasipquiti, ¡janiraquiw cunatejj p'enkasiñäqui ucsa yatipquiti! Ucatpï jichhajja, cunapachatejj nayajj mutuycä ucqhajja, ch'anktasipjjaniwa, mayninacjamaw liwirtapjjaraquini. Naya Tatituw, ucjja sista.”

Qullan Arunaca

¹⁵ ¡Jumanacajj take ucanacatjja p'enkasipjjañamänwa, take cunanactejj nayajj jan muncta ucanac luratanacamatjja! Ucampisa, janiw p'enkasipquiti, ¡janiraquiw cunatejj p'enkasiñäqui ucsa yatipquiti! Ucatpï jichhajja, cunapachatejj nayajj mutuycä ucqhajja, ch'anktasipjjaniwa, mayninacjamaw liwirtapjjaraquini. Naya Tatituw, ucjja sista.”

Jeremías 6:15 Jak'a apnaqawi uñst'ayäwi

Génesis 19:34

Qhipürusti, jilïr phuchhax sullkaparux sarakïnwa: —Wasayp'ux nayax awkisampiw ikintta, jichhärmax machjayarakikiñäni, ukatsti jupampiw jumax ikintarakïta; ukhamat panpachaniw jupatak wawanïñäni —sasa.

Éxodo 32:34

Jichhasti saramaya, kawkharutix sisksma uka chiqar marka irpam. Angelaxaw irpätam. Mutuyañ uru purinkani uka urusti, nayaw juchanakapat mutuyaskä —sasa.

Proverbios 29:1

Chiqachäwi jan katuqañ munir jaqix, jan mayampitakiw tukjat uñjasini.

Isaías 10:4

Jumanakax jisk'achjatäpxätawa, katuntat apatäpxätawa, jiwayatäpxarakïtawa. Tatitun phiñasiñapasti janiw apaqtkaniti, jichhas jupax mayamp ukham lurañ amtaskakiwa.

Isaías 3:9

Juparusti pachpa uñnaqapaw juchanïtap qhanañchaski, juchanakapsti janirakiw imt'asipkiti, Sodoma markankirinakjamaw jan walinak luratapat taqinir yatiyapxi. ¡Ay, kunakïkani, jupanakpachaw mutuyäwip wakichasisipki!

Jeremías 14:15

Naya, Tatitusti saraktwa: Uka profetanakaruxa, khitinakatix nayan sutixar jan nayan khitkat parlapki, aka markan janiw nuwasiñax utjkaniti sapxaraki ukanakarux sistwa: Uka profetanakax manq'atjamaw jiwarapxani, jan ukax nuwasïwin tukusipxani.

Jeremías 18:23

Ukampis Tatay, jumaw taqi amtatanakap yatta, nayar jiwayañatak amtapki ukanaka. ¡Ñanqha luratanakapat jan pampachamti, jucha luratanakapsa janirak armamti! ¡Juma nayraqatar tinkurayam, jach'a phiñasiñampi mutuyarakim!

Jeremías 23:12

Ukatpï jichhax sarnaqäwinakapax ch'amakar tukutänixa: Nayaw jupanakarux nukt'asin tinkuyäxa. Jupanakar luratanakapat wayt'kä ukkhasti, jach'a t'aqhisiñanak jupanakxarux apayanï. Naya, Tatituw uk arsta.

Jeremías 3:3

Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Jeremías 44:10

Jichhakamasti janiw jumanakax sarnaqäwinakamsa askichasipktati, janirakiw axsartañas utjapktamti, nayra awkinakamampiru, jumanakampir churata yatichäwinakarusa, kamachinakarusa janirakiw phuqhapktati.

Jeremías 5:29

¿Janit ukanakat mutuykästi? ¿Janit ukham jaqinakar juchap uñt'aykästi? Naya, Tatituw uk arsta.

Jeremías 5:9

¿Janit uka luratanakapat mutuykästi? ¿Janit ukham sarnaqir jaqinakar juchap uñt'asiykästi?

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Jeremías 8:9

Ukampis uka yatiñan jaqinakax p'inqachjatäpxaniwa, jan mayan tukjatäpxarakiniwa. Jupanakax janipuniw kuna yatiñanïpkisa, nayan arunakaxsa janiw ist'añ munapkiti.

Ezequiel 13:14

Kuna pirqtix jumanakax suma pirqarjam tukuyapkta uksti, pamparuw liwinukü, qalltanakapsa qhanaruw apsurakï. Jïsa, uka pirqax liwisiniwa, jumanakasti uka pirqampi liwxattataw jiwarapxäta. Ukapachaw jumanakax yatipxäta, nayan Tatitütaxa.

Ezequiel 2:4

Wawanakapas jupanakjam k'ullu, qala chuymani jan amuyt'ani jaqinakäpxarakiwa. Jichhasti jumarux jupanakan ukaruw khithäma, jupanakarusti akham sätawa: ‘Tatitux akham siwa.’

Ezequiel 24:7

Markasti wila wartatampi phuqhantatawa; jaqinakarux qarqanakar jisktasaw jiwaraytaxa; wilapsa janirakiw uraqirux puriyktati, ukhamat laq'an jan imxatañapataki.

Oseas 4:5

Jumax urpachaw aynacht'äta, arumarusti, jumamp chikaw profetax aynacht'ani; taykamarus t'unjarakïwa.

Oseas 9:7

¡Mutuyäwi urunakax purinxiwa! ¡Luratanakamat katuqañ urux purinxiwa! ¡Israel markax ukanakan puritap yatirakiniwa! Jumanakasti sapxtawa: “Profetax pisi amuyt'an jaqiwa, suma amuyt'ayat jaqisti luqhirakiwa” sasa. Ñanqha lurañanakampi phuqhantatäpxatamata, uñisiñanakaman jach'ätapat ukham sapxtaxa.

Miqueas 3:6

“Jumanakax janiw kunanakatix luraskani ukanak uñjkxapxätati, janirakiw qhipa urunakan utjkani ukanakatsa parlkxapxätati.” Uka profetanakatakisti intix jalantxaniwa, urus ch'amakaw tukxarakini.

Miqueas 7:4

Jupanakat walïki ukasti mä ch'aphi alir uñtatawa; chiq lurirïki ukasti yaqha ch'aphi alir uñtatarakiwa. Ukampis luräwinakapat wayt'añ urux jutaskiwa, kuntix marka uñch'ukirix yatiykäyätam uka uruxa. Ukapachaw jupanak taypin mayjt'asiñax utjani.

Sofonías 2:1

Jan p'inqan jaqinaka, mayaruk tantacht'asipxam,

Sofonías 3:5

Ukampis Tatituw uka markankaski; luräwinakapax taqinitakis askipuniwa. Sapa qhantatiw jan armt'asis chiqa arunakap arsuraki. Ukampis juchan phuqhantat jaqixa, luratanakapat janiw p'inqasipkarakisa.

Zacarías 13:4

“Khä urunsti, profetanakax k'ari unañchäwinak parlapxatapat p'inqasipxani. Janiw khitis profetanakan lip'ichit lurat isinakampi uchasisax sallqjkaniti,

Mateo 15:14

Jan yäqapxamti, jupanakax juykhükasin yaqha juykhunakar irpirïpxiwa. Mayni juykhutix juykhu masipar irpanixa, panpachaniw kuna p'iyarus jaquranttapxani —sasa.

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.