Jeremías 47:2 - Qullan Arunaca

² “Aqham siw Tatitojja: Amsta toketwa walja umanacajj mantani, jawirat jilarir umanacjama, aca marcarusti k'alwa chhaktayi, take cunanacatejj jupan utjqui ucanacamppacha, marcanacsa, uca marcan jaquirinacsa. Take jakenacaw arnakasipjje, jakenacasti walpun aykopjjaraqui.

Aymar Bibliia 1986

² “Aqham siw Tatitojja: Amsta toketwa walja umanacajj mantani, jawirat jilarir umanacjama, aca marcarusti k'alwa chhaktayi, take cunanacatejj jupan utjqui ucanacamppacha, marcanacsa, uca marcan jaquirinacsa. Take jakenacaw arnakasipjje, jakenacasti walpun aykopjjaraqui.

Qullan Arunaka DC

² “Tatitux akham siwa: Amsta tuqit walja umanakax mantani, jawirat jilarir umanakjama, aka markarusti, kunanakapatix utjki ukanakamppach q'ala chhaqtayi, uka markanakan jakirinakarusa, q'ala chhaqtayaraki. Uka markan jakirinakax taqiniw arnaqasipxi, jaqinakax walpun ayquñat arnaqasipxi.

Jeremías 47:2 Jak'a apnaqawi uñst'ayäwi

Salmos 24:1

Takpach orakejj Tatitunquiwa, ucan utjirinacas jupanquiwa, takpach jaquirinacas jupancaraquiwa.

Salmos 50:12

Mank'at awtjatasa, janiw jumat mayquirismati: acapachasa, ucan utjirisa, nayancatap laycu.

Salmos 96:11

Alajjpachajj cusispan, orakejj c'uchiraspan, lamar kotan utjirinacas cusisipjjpan;

Salmos 98:7

Lamar kotamp ucan utjirinacampejj khothutipjjpan, acapachasa, ucan jaquirinacas ojjtapjjaracpan;

Isaías 14:31

¡Filisteo marcanaca, wararipjjam, aykoñat wararipjjam, sustjasiñatsa qhathatipjjaraquim! Jichhasti alay toketjja mä ejercitow jutanti jek'e kenayar uñtata; janiraquiw mayni jakes filanacapatjja mistquiti.

Isaías 15:8

Yanap mayisa arnakasitasti Moab marcan korpanacapwa muyti, wararitanacapasti Eglaim sisqui uca chekcamaw ist'asi, Beer-elim sisqui uca chekcama.

Isaías 22:1

Unañchäwinac uñjañ valletaqui profecía arunaca: ¿Cunas camachi, takenis terrazanacarcamaquis mistupjjejja?

Isaías 28:17

Uca utachäwinsti plomadajj chekapapuniwa, nivel lantisti cunatejj chekapäqui ucaw apnakaraqui.” Jumanacajj c'arisiñanacaman imantasipctas ucsti, chhijchhiw k'al tucj-jjani, uca imantasiñ cheksti umaw k'al apasjjani.

Isaías 59:19

Takeniraquiwa, inti jalsu toketpacha inti jalanta tokecama, Tatitun jach'a cancañap uñjasajj ajjsarapjjani. Jupasti walja umani jawirar uñtataw jutani, mä jach'a ch'amani thayan onjjtayataraqui.

Jeremías 1:14

Ucat Tatitojj saraquituwa: “Amsta toketpachwa jan walt'añanacajj aca marcan utjir jakenacjjarojj wartasini.

Jeremías 46:12

Marcanacasti jisc'achjatätamjja yatjjapjjaraquiwa, take acapachanwa arnakasitamajj ist'asiraqui; guerran nuwasirinacasti jupanaccamaquiw thokthapisjjapjje, ucatsti mayaquiraquiw oraken korumnakjjapjje.”

Jeremías 46:13

Tatitusti Jeremías profetaruw parläna cunapachatejj Babilonianquiri Nabucodonosor reyejj Egiptoru nuwjañataqui jutcän ucapacha:

Jeremías 46:20

Egiptojj mä suma vaca kallur uñtatawa, ucampisa amsta toket mä mich'isiri tábano sat lak'ow juti.

Jeremías 46:24

Egiptojj jisc'achjatäniwa, amstanquiri marcan amparaparuraquiw puriraquini.”

Jeremías 48:39

¡Moab marcatjama jaqhusipjjam! ¡Cunja ajjsarcañas uca marcajja! ¡Mä p'enkaw khepäjja uñtaraqui! Ajjtascaña, jisc'achcañaraquiw marca jac'anacapataquisa tucuraqui.

Jeremías 6:22

Tatitojj siwa: “Amsta toketa jaya orakenacatpachwa, mä ch'amani marcajj jutantañataqui waquichasisqui.

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Daniel (hebreo) 11:22

Qhitinacatejj jupataqui sayt'apcani ucanacarusti k'alwa t'unjaraquini, arust'äwiru mantatäcän ucan jilïriparusa jiwayaraquiniwa.

Nahúm 1:8

Ucampis Tatitojj jupa contra sayt'asipqui ucanacarojj walja umjamaw k'al tucjasa aparaqui; ch'amacasti uñisirinacaparojj muyuntaraquiniwa.

1 Corintios 10:26

aca orakesa, cunanacatï aca oraken utjcaraqui ucanacasa Tatituncatap laycu.

1 Corintios 10:28

Ucampis maynitejj: “Aca aychajj c'ari diosanacar loktatawa” sapjjätam ucjja jan mank'apjjamti, uc siriru jan mayjt'ayañataqui, uqhamaraqui jumanacasa chuymanacamanjj jan mayjt'asipjjañamataqui.

Santiago 5:1

Ist'apjjam aca arunaca, kamirinaca: Jachapjjam, wararipjjaraquim cuna jan walt'añanacatejj jumanacjjaru jutcanis ucanacatjja.

Apocalipsis 17:1

Ucatsti uca pakallko angelanacata, cawquïritï pakallko copanïcäna ucanacata mayniw nayan ucar juti, ucat saraquitu: “Jutam, uñacht'ayämaw cawquïr warmitï k'añu lurañanacan sarnakqui, uqhamarac kotanacjjaru kont'atäqui ucan mutuyäwipa.

Apocalipsis 17:15

Angelasti saraquituwa: “Uñjctas uca kotanaca, cunjjarutï uca k'añu warmejj kont'atäqui ucanacasti acapacha marcanaca, jakenaca, uqhamarac take casta parlani marcanacawa.