Jeremías 47:2 - Qullan Arunaka DC

² “Tatitux akham siwa: Amsta tuqit walja umanakax mantani, jawirat jilarir umanakjama, aka markarusti, kunanakapatix utjki ukanakamppach q'ala chhaqtayi, uka markanakan jakirinakarusa, q'ala chhaqtayaraki. Uka markan jakirinakax taqiniw arnaqasipxi, jaqinakax walpun ayquñat arnaqasipxi.

Aymar Bibliia 1986

² “Aqham siw Tatitojja: Amsta toketwa walja umanacajj mantani, jawirat jilarir umanacjama, aca marcarusti k'alwa chhaktayi, take cunanacatejj jupan utjqui ucanacamppacha, marcanacsa, uca marcan jaquirinacsa. Take jakenacaw arnakasipjje, jakenacasti walpun aykopjjaraqui.

Qullan Arunaca

² “Aqham siw Tatitojja: Amsta toketwa walja umanacajj mantani, jawirat jilarir umanacjama, aca marcarusti k'alwa chhaktayi, take cunanacatejj jupan utjqui ucanacamppacha, marcanacsa, uca marcan jaquirinacsa. Take jakenacaw arnakasipjje, jakenacasti walpun aykopjjaraqui.

Jeremías 47:2 Jak'a apnaqawi uñst'ayäwi

Salmos 24:1

Taqpach uraqix Tatitunkiwa, ukan utjirinakas jupankiwa, ukan jakirinakas jupankiwa.

Salmos 50:12

Manq'at awtjayaskirista ukas janiw jumat maykirismati, akapachasa, ukan utjirisa, nayankatap layku.

Salmos 96:11

¡Alaxpachax kusispan, uraqix k'uchiraspan! ¡Lamar qutas qhuthutpan, ukan utjirinakas kusisipxpan!

Salmos 98:7

Lamar qutampi ukan utjirinakampix qhuthutipxpan, akapachasa, ukan jakirinakas uxtapxarakpan;

Isaías 14:31

¡Filisteo markanaka, wararipxam, ayquñat wararipxam, mulljasiñatsa khathatipxam! Jichhasti alay tuqit mä ejercitow jutanti jiwq'i qinayar uñtata; soldadonakapasti nuwantañatakix wakicht'atäpxiwa.

Isaías 15:8

Yanap mayisa arnaqasitanakapasti Moab uraqpachan ist'asi, wararitanakapasti Eglaim siski uka chiqkamaw ist'asi, Beer-elim siski uka chiqkamaw ist'asi.

Isaías 22:1

Unañchäwinak uñjañ qhirwataki profecía arunaka: ¿Kunas kamachi, taqinis uta patarkamakis mistupxixa?

Isaías 28:17

Uka utachäwinsti plomada lantix chiqapar uñjañäniwa, nivel lantisti kunatix chiqapäki ukarakïniwa” sasa. Jumanakax Egipto markaruw arxatayasiñatak katuyasipxtaxa, ukampis wali ch'aman Asiria ejercitow uka arxatirirux q'al tukjawayani.

Isaías 59:19

Tatitun ch'amap uñjasaxa, taqi markanakaw axsarañat khathatipxani. Tatitusti walja umani jawirar uñtataw jutani, mä jach'a ch'amani thayan unxtayataraki.

Jeremías 1:14

Ukat Tatitux sarakitu: “Amsta tuqitpach jan walt'añanakax aka markan utjir jaqinakxarux jutani.

Jeremías 46:12

Markanakasti atipjatätam niyaw yatxapxi, ayquñat arnaqasitamax taqi chiqan ist'asi; nuwasirinakasti jupanakkamaw thuqthapipxi, ukatsti uraqirkamaw liwirtapxaraki.”

Jeremías 46:13

Kunapachatix Babiloniankir Nabucodonosor reyix Egiptor nuwantañatak jutkäna, ukapachaw Tatitux Jeremías profetar parläna:

Jeremías 46:20

Egipto markan sumätapax q'ala tukjatäniwa, Babilonia markaw amsta tuqit jutantasin nuwantani.

Jeremías 46:24

Egiptox jisk'achjatäniwa, Babilonian amparapar katuyatäniwa.”

Jeremías 48:39

¡Moab markatjam jakhusipxam! ¡Uka markax q'ala tukjatawa! ¡Mä p'inqaw qhipäx uñtxi! Axtaskaña, jisk'achkañarakiw marka jak'anakapatakis tukxaraki.

Jeremías 6:22

Tatitux siwa: “Amsta jaya uraqinakatpach mä ch'aman markax jutantañatak wakichasiski.

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Daniel (hebreo) 11:22

Khitinakatix jupatak sayt'apkani ukanakarusti q'al t'unjani, arust'äwiru mantatäkän ukan jilïriparus jiwayarakiniwa.

Nahúm 1:8

Ukampis Tatitux jupar saykatirinakarux walja umjamaw q'al tukjas aparaki; uñisirinakaparusti ch'amak manqhakamaw arktaraki.

1 Corintios 10:26

taqi akapachasa, kunanakatix ukan utjki ukas Tatitunkiwa.

1 Corintios 10:28

Ukampis maynitix sapxätam: “Aka aychax yaqha diosanakar wilañcha luqtatawa” sasaxa, ukhamax jan uk manq'apxamti, uk arsuriru jan mayjt'ayañataki, jumanakas jan mayjt'asisipkañamataki.

Santiago 5:1

¡Qamirinaka, aka arunak ist'apxam! ¡Jachapxam wararipxarakim kuna chijinakatix jumanakxar jutkan ukanakata!

Apocalipsis 17:1

Ukatsti paqallqu qirunïpki uka paqallqu angelanakat mayniw nayan ukar jutasin situ: “Jutam, q'añu lurañanakan sarnaqirin mutuyäwip uñjayäma, jupasti walja jawiranak taypin qunt'atawa.

Apocalipsis 17:15

Angelasti sarakituwa: “Uñjktas uka jawiranaka, kunxarutix q'añusir warmix qunt'atäki ukanakasti, akapacha markanaka, jaqinaka, kunayman parlani markanakawa.