Jeremías 47:1 - Qullan Arunaca

¹ Tatitusti aca arunacwa Jeremías profetaru parläna, filisteo jakenac toketa janïra faraonajj Gaza sat marcaru nuwantquipana:

Aymar Bibliia 1986

¹ Tatitusti aca arunacwa Jeremías profetaru parläna, filisteo jakenac toketa janïra faraonajj Gaza sat marcaru nuwantquipana:

Qullan Arunaka DC

¹ Egipton faraón reyipax Gaza sat markar janïra nuwantkipan Tatitux filisteo jaqinakatak Jeremías profetarux aka arunak parläna:

Jeremías 47:1 Jak'a apnaqawi uñst'ayäwi

Génesis 10:19

Cananeonacan orakenacapasti, Gerar tokerojj juc'ampwa jiltäna, Sidón marcatpacha, Gaza sisqui uca marcacama, uqhamarac Sodoma, Gomorra, Adma, Zeboim marcanac tokerusa, Lasa sisqui uca marccama.

1 Reyes 4:24

Salomonasti apnakänwa Eufrates ucata inti jalsu toke orakenaca, Tifsa ucata Gaza chekacama, uqhamarac uca orakenquir reyinacarusa, ucatsti sumancañwa utjayaraquïna uca muytpacha orakenacaru.

Isaías 14:29

Jan cusiscamti filisteo marca, cuna varampitejj mutuyapcäyätam uca varan p'aquisitapatjja, cawqhattejj mä asiru mistcän ucqhatjja mä catariw mistunini, ucat juc'ampisa mä thoktir dragonaw mistunini.

Jeremías 25:20

uqhamaraqui take casta jakenaca uca marcan utjapqui ucanacarusa, Uz marcanacan reyinacaparusa, take filisteonacan marcanacaparusa: Ascalón, Gaza, Ecrón, ucat Asdod ucat jilt'irinacarusa.

Ezequiel 25:15

“Naya Tatituw sista: filisteo jakenacajj phoksusipjjewa, chuymanacapansti jisc'achañampiraquiw phoksusipjje; Israelana wiñaya uñisiripätap laycusti, t'unjañaruw catuyasipjje.

Ezequiel 25:16

Ucatpï naya Tatitojj sistjja: Filisteonacar mutuyañataquejj amparajja aytä; cereteo jakenacarusti k'alwa tucjaraquëjja, qhitinacatejj jach'a kota iraman utjasipqui ucanacarusa K'alwa tucjaraquëjja.

Joel 3:4

“Tiro, Sidón, uqhamaraqui Filisteo marcanaca, ¿cuns nayampejj lurañ munapjjta? ¿Phoksusiñti munapjjesta? ¿Cuna mancha cobrasiñ munapjjtajja? ¡Janc'aquiw cunatejj waquisqui uc churapjjäma!