Jeremías 42:2 - Qullan Arunaca

² jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.

Aymar Bibliia 1986

² jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.

Qullan Arunaka DC

² Jeremías profetaru jak'achasisin sapxarakïna: —May jumar mayiñ munapxsma, janikiy janiw sapxistati. Tatitu Diosamaruy nanak juk'a jaqinaka qhiparapkta ukanakatak mayirapipxita, nayrax waljanïpxäyätwa, uñjasktawa, jichhasti juk'anikïxapxtwa.

Jeremías 42:2 Jak'a apnaqawi uñst'ayäwi

1 Reyes 13:6

Ucatsti reyejj profetarojj sänwa: —Nayajj achict'assmawa Tatitu Diosamaru naya laycu mayiñama, amparajjana c'umaräjjañapataqui —sasa. Profetasti Tatituruwa mayïna, ucatsti reyin amparapajj c'umaräjjänwa nayrjama.

Salmos 119:170

Mayisitajjajj nayrakatamar purinpan, arsutamarjamay khespiyita.

Éxodo 8:28

Ucatsti faraonajj saraquïnwa: —Nayasti antutapjjämawa wasararu sarapjjañamataqui, ucana jumanacan Diosamaru sacrificio loktanipjjañamataqui, ucampis janiw wali jayaru sarapjjätati, nayataquis mayipjjaraquïtawa —sasa.

Éxodo 9:28

Chhijchhimpi, khejjokhejjonacampisti walipuniw purintjje, jichhasti Diosaruy mayipjjam uca nina chhijchhimpi, khejjokhejjonacampi apakañapataqui, nayasti antutjjapjjämawa sarjjapjjañamataqui, janiw jarq'jjäpjjämati —sasa.

Isaías 1:15

Cunapachatejj jumanacajj amparanacam loktasa mayisinipjjetäta ucapachajj, nayajj janiw jumanacar uñtanipcämati; oracionanaca walja lurasipcäta ucapachajj, janiw nayajj ist'apcämati. Amparanacamajj wilararcamaquiwa.

Isaías 1:9

Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Isaías 37:4

Añchaquit Tatitu Diosamajj asirio oficialan jan wali arunacapjja ist'qui, jupasti jan wali arunacwa Dios toke arsuraqui. Inach Diosajj mutuyaspa cuna arunactejj arsqui uca arunacata. Jichhajj jumajj Diosata mayt'am qhitinacatejj kheparasipqui ucanacataqui” sasa.

Isaías 42:20

Walja yänacwa uñjejja, ucampis janiw cuns amuyquiti; ist'ascaspawa, ucampis janiw cunsa ist'quiti.

Jeremías 15:11

Tata, janitejj nayajj jumaru suma sirvcsma ucapachasti, uca maldicionanacapajj phokhaspan, janitejj nayajj uñisirinacajjataqui achict'ascsmajja, cunapachatejj jupanacajj llaquisiñancapjjäna, jan walt'añancapjjaraquïna ucapachajja.

Jeremías 2:27

Jupanacasti mä kokaruquiw: ‘Jumaw awquejjätajja’ sasa sapjje. Mä kalarusti: ‘Jumaw taycajjätajja’ sasaw sapjjaractajja, nayataquisti maysa uñtapjjtajja, janiw khana uñcatapquistati; ucampisa cunapachatejj jan walt'añan jicjjatasjjapjjta ucapachasti sapjjaraquistawa: ‘¡Jutam khespiyapjjeta!’ sasa.

Jeremías 36:7

inampisa uqhamat Tatituru mayisisipcaspan ucatsti uca ñankha luräwinacapa apanucjjapjjaraquispa, Tatitojj aca marcataqui arsqui uca colerasiñapasti ajjsarcañawa” sasa.

Jeremías 37:20

Jichhasti, jach'a reyi, ist'ita aca mayisitajjaru, cuntejj maycäma uca: Juma reyejj jan munamti wasitat nayaru Jonatán jaken utaparu irpatäñajj-jja, qhititejj reyin secretariopäqui ucaru, inampisa ucanjja nayajj jiwjjerista” sasa.

Jeremías 37:3

Sedequías reyisti, Selemiasan yokapa, Jucal sat jakempiru, uqhamaraqui Maasías jaken Sofonías sacerdote yokapampiruw Jeremiasan ucaru qhitäna, aqham sapjjañapataqui: “Take nanacataqui Diosat mayirapipjjeta” sasa.

Jeremías 38:14

Sedequías reyisti saraquïnwa, Jeremiasarojj jupa nayrakataru irpapjjañapataqui, templona quimsïri puncüquis ucqharu. Ucanwa reyejj Jeremías chacharojj saraquïna: —Maya jumaru jisct'äma ucatsti uca jisct'arojj jaysitätawa —sasa.

Jeremías 40:15

Uqhamasti Johanán jakesti Gedaliasarojj jamasatwa saraqui: “Nay sará Ismael chacharu jiwayaniñataqui. Janiw qhitis yatiñapäcaraquiti qhitin juparu jiwayatapsa. ¿Cunatsa uqhamaqui uñch'uquiñäni jupan jumaru jiwayañapjja? Uqhama luratapajj take judionacaruw wasitat ananucuspa qhitinacatejj juma jac'aru tantacht'asipqui take ucanacaru, cunatejj Judá marcata jilt'qui ucanacataquisti sinti jan walt'añapunïspawa” sasa.

Jeremías 42:20

Jumanacajj mä jach'a pantjasïwi lurapjjtajja. Jumanacpachaw mayipjjesta nayan Tatituru jisct'añajjataqui, sapjjaraquïyästawa: ‘Tatitu Diosasat mayim nanacataqui, ucatsti yatiyapjjaraquita cuntejj jupajj siscani uca, nanacan arsutaparu phokhapjjañanacajjataqui’ sasa.

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Ezequiel 12:16

Ucampisa nayaw mä kawkhanirojj guerrat khespiyaniraquï, uqhamaraqui mach'anacatsa, cunayman casta usunacatsa, uqhamat cawquïri marcanacarutejj sarapcani ucanacanjja yatiyapjjañapataqui cuna k'añu luräwinactejj lurapcän take ucanacata, ucatsti yatipjjañapataquiraqui nayan Tatitütajja” sasa.

Oseas 8:10

Ucampis kawkha churäwinacsay marcanac taypin churasipcpan, nayaw jichhajj ucanacjja ananucöjja, ucatsti mä urojj janiw reyisa ni cuna casta jilïris utjcjjaniti.

Levítico 26:22

Jumanacjjarusti montenquiri khoru animalanac antutanëjja, ucanacasti jumanacarojj jan wawani antutapjjätam, uywanacamsa jisc'a jisc'a tucjapjjaraquini, jumanacarus juc'aruw tucjapjjaraquïtam, janiraquiw qhitis jumanacan thaquinacamanjja sarnakcjjapjjaniti.

Amós 7:2

Cunapachatï t'ijut'ijunacajj tucuya koramppacha mank'antjjäna ucapachajj sistwa: “¡Dios Tatitu perdonapjjeta! ¿Cunjämaraqui Jacob marcamasti take acanacampi mutuspasti? Jupajj wali jisc'aquïchejjaya” sasa.

Mateo 24:22

Diosatejj uca urunacjja jan jisc'aptaycaspa ucajja, janiw qhitis khespiyascaspati, ucampis Tatitojj jisc'aptayaniwa jupan ajllitanacapar munatap laycu.

Hechos 8:24

Simonasti ucjjarojj sänwa: —Jumanacajj Tatituruy mayirapipjjeta, cuntï sapquista ucanacajj jan nayjjar jutañapataqui —sasa.

Deuteronomio 28:62

Jumasti Israel marca; alajjpachan warawaranacas utjqui uqham waljayätawa, ucampis jichhajj mä juc'aru tucuyatätawa, juman jan Tatitu Diosamar ist'atam laycu.

Deuteronomio 28:63

Cunjämatejj Diosajj juman suma asquim munäna, uqhamarac waljaru jiltayayätam; jichhasti cusisiraquiniw ch'usaru tucutamata uqhamaraqui t'unjatätamatsa, jan qhuyapt'ayasiñampiw jiq'inucutäyäta cawquïri oraktejj catuntcäta ucatjja.

Deuteronomio 4:27

Tatitusti take jumanacaruraquiw yakha marcanacar ananucupjjätam, ucatsti mä juc'aniquiraquiw jumanacatjja uca marcanacan jilt'apjjaraquïta.

Santiago 5:16

Ucatpï jumanac purajj maynit mayniru juchanacamjja arsusipjjañamajja, ucatsti maynejj maynitaqui orañaparaquiwa uqhamata c'umaräjjañapataqui. Mä asqui jaken oracionapasti wali ch'amaniraquiwa.

1 Samuel 12:19

ucatwa Samuelorojj takeni sapjjäna: —Jumajj Tatitu Diosamaru aca sirvirinacamataqui achict'am, jan jiwarapjjañajjataqui, take jucha luratanacajj-jjarusti rey mayitampwa yapt'apjjtajja —sasa.

1 Samuel 12:23

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.

1 Samuel 7:8

Samuelorusti sapjjaraquïnwa: “Tatitu Diosasaru mayiscaquim jiwasanacataqui, filisteonacan amparanacapat jiwasaru khespiyañapataqui” sasa.