Jeremías 42:2 - Qullan Arunaka DC

² Jeremías profetaru jak'achasisin sapxarakïna: —May jumar mayiñ munapxsma, janikiy janiw sapxistati. Tatitu Diosamaruy nanak juk'a jaqinaka qhiparapkta ukanakatak mayirapipxita, nayrax waljanïpxäyätwa, uñjasktawa, jichhasti juk'anikïxapxtwa.

Aymar Bibliia 1986

² jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.

Qullan Arunaca

² jupanacasti Jeremías profetaru jac'achasisinsti sapjjaraquïnwa: —Maya jumat mayipjjäma, janiquiya janiw sapjjestati. Tatitu Diosamaru mayirapipjjeta nanaca juc'a jakenaca kheparapcta ucanacataqui, nayrajj waljanïpjjäyätwa, jichhasti juc'aniquëjjapjjtwa cunjämtejj jumajj uñjctajja uqhama.

Jeremías 42:2 Jak'a apnaqawi uñst'ayäwi

1 Reyes 13:6

Ukat reyix profetar säna: —Amparaxan k'umaräxañapatak Tatitu Diosamaruy mayirapita —sasa. Profetasti Tatituruw achikt'äna, ukatsti reyin amparapax nayrjam k'umarakïxänwa.

Salmos 119:170

Mayisitaxax nayraqatamar purinpan; ¡arsutamarjamay qhispiyita!

Éxodo 8:28

28 (24) Ukat faraonax sarakïna: —Nayax wasarar sarapxañamatakix antutapxämawa, Tatit Diosamar ukan wilañcha luqtapxañamataki, ukampis janiw wali jayar sarapxätati, nayatakis mayipxarakïtawa —sasa.

Éxodo 9:28

Chhijchhimpi, qhixu qhixunakampix walpun purintxi, ukhamasti janiw juk'amp jark'xapxämati. Nanakatak Tatitut mayirapipxita, nayasti sarxapxañamatak antutxapxämawa —sasa.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Isaías 1:9

Naya, taqi ch'aman Tatitutix jan mä qawqhansa qhispiykiriskäyätxa, Jerusalén markax q'ala tukjatäsapänwa, Sodoma, Gomorra uka markanakjam t'unjatäsapänwa.

Isaías 37:4

Añchakit Tatitu Diosax ist'ki kuna jan wali arunaktix uka asirio oficialax siski Dios tuqitxa, ukham jan wali arunak parlatapat Tatitun jupar mutuyañapax walïspawa. Jichhax khitinakatix qhiparasipki ukanakatakix Tatitu Diosatay jupanakar yanapt'añapatak mayim” sasa.

Isaías 42:20

Taqi kun uñji, ukampis janiw kuns amuykiti; jinchunakapas jist'aratäskiwa, ukampis janiw kuns ist'kiti.

Jeremías 15:11

Tatay, uka ñanqhachäwinakapax phuqhaspan, janitix nayax jumaru sum luqtksma ukaxa, janitix nayax uñisirinakaxatak achikt'asksma kunapachatix jupanakax llakisiñankapxäna, jan walt'añankapxarakïna ukapachaxa.

Jeremías 2:27

Jumanakasti mä quqarukiwa: ‘Awkixätawa’ sapxtaxa. Mä qalarukiw: ‘Taykaxätawa’ sapxaraktaxa, nayatakisti maysa uñtapxtaxa, janiw qhan uñkatapkistati; jan walt'añan jikxatasxapxta ukkhakiw ‘¡jutam qhispiyapxita!’ sapxistaxa.

Jeremías 36:7

Inampis ukhamat Tatitur mayisipxchispa, uka ñanqha luräwinakapsa apanukupxarakchispa, Tatitun aka markatak arski uka phiñasiñapax axsarkañawa” sasa.

Jeremías 37:20

Jichhasti, jach'a rey, kuntix achikt'askäma uka mayisitaxar ist'ita: Juma reyix jan munamti wasitat nayar Jonatán qillqirin utapar irpatäñaxa, inampis ukan nayax jiwxirista —sasa.

Jeremías 37:3

Sedequías reyisti, Selemiasan Jucal sat yuqapampiru, Maasías jaqin Sofonías sacerdote yuqapampiruw Jeremiasan ukar khithäna, akham siri: “Taqi nanakatak Tatitut mayirapipxita” sasa.

Jeremías 38:14

Sedequías reyix Jeremiasarux jupan ukar irptayaniñapatakiw mayïna, Tatitun utap taypin kimsïr punkükis ukkharu. Ukan reyix Jeremías profetarux säna: —May jumar jiskt'äma, uka jiskt'arusti qhanpin jaysitäta —sasa.

Jeremías 40:15

Ukhamasti Johanán jaqix Guedaliasar jamasat saraki: —Nay sarä Ismael chachar jiwayiri, ukatsti janiw khitis yatiñapäkiti khitin jupar jiwayatapsa. ¿Kunatsa jupan jumar jiwayañap ukhamak uñch'ukiñäni? Jiwayiristam ukaxa, kawkïr judionakatix juma jak'ar tantacht'asipki ukanakax ananukutaw uñjasipxaspa, ukatsti Judá markat jilt'irinakatakisti sinti jan walt'añapunïspawa —sasa.

Jeremías 42:20

Jumanakax pantjasipxtawa, jumanakpachaw mayipxista nayan Tatitur jiskt'añaxataki, nayarusti sapxarakistawa: ‘Tatitu Diosasat nanakatak mayim, ukatsti kuntix jupax siskani uk yatiyapxarakita, arsutapar nanakan phuqhañaxataki’ sasa.

Lamentaciones 1:1

¡Walja jaqinakan markax kunja sapakis uñjasxi! ¡Markanakan jilïripa markax mä ijma warmir uñtatakïxiwa! ¡Uñtkañ suma markaxa ch'ama irnaqañanakamp t'aqhisiyataw uñjasxi!

Ezequiel 12:16

Ukampis nayaw mä qawqha jaqinakar jilt'ayä, nuwasïwin jiwañata, manq'atjam jiwañata, jan ukax kunayman usunakampi jiwañatsa; ukhamat kawki markanakarutix sarapkani ukanakan yatiyapxañapataki, jupanakan kunayman q'añu luräwinakapata. Ukapachaw yatipxani, nayan Tatitütaxa” sasa.

Oseas 8:10

Ukampis qawqha churäwinaksay uka markanakar churaskpan, naya kipkaw yaqha markanakar ananukü, ukatsti mä qawqha pachanakax janiw reyinakasa, kuna jilïrinakas utjkaniti.

Levítico 26:22

Jumanakxarusti qullunkir qhuru animalanak antutanï, ukanakasti wawanakamsa, uywanakamsa q'al manq'antapxani, ukat jilt'irinakasti juk'akïxapxaniwa, thakhinakamas ch'usa wasarar tukutäniwa.

Amós 7:2

Kunapachatix t'iju t'ijunakax qhipa ch'uxñanakamppacha manq'antkäna ukkhaw sista: —¡Tatay, pampacht'apxita! ¿Kamisarak taqi akanak mutupxästi? Nanakax mä jisk'a markakïpxstxaya —sasa.

Mateo 24:22

Diosatix uka urunak jan jisk'aptaykaspa ukaxa, janiw khitis qhispiyaskaspati, ukampis ajllitanakapar munatap laykuw Diosax uka urunak jisk'aptayani.

Hechos 8:24

Simonasti ukxarux sänwa: —Jumanakax Tatituruy mayirapipxita, kuntix sapkista ukanakan nayxar jan jutañapataki —sasa.

Deuteronomio 28:62

Jumasti Israel marka, alaxpacha warawaranakar uñtat waljätawa, ukampis mä juk'anirukiw tuküta, Tatit Diosamar jan ist'atam layku.

Deuteronomio 28:63

Kamisatix Tatitux suma askinak churasina, jumar mirantayasin kusiskäna, ukhamarakiw kusisini jumar aynacht'ayata, ch'usar tukut uñjasïta ukapachaxa, katkäta uka uraqitxa jan khuyapt'ayasis jik'inukutaw uñjasïta.

Deuteronomio 4:27

Tatitusti jumanakarux taqi markanakaruw ananukupxätam, ukatsti mä juk'anikirakiw jumanakat uka markanakan jilt'ani.

Santiago 5:16

Ukalayku, jumanakax maynit maynir juchanakam arsusipxam, ukatsti k'umaraptañatakix sapa maynitak Tatitur mayipxarakim. Mä aski jaqin taqi chuymampi Tatitur mayitapax wali ch'amaniwa.

1 Samuel 12:19

Ukat Samuelurux taqiniw sapxäna: —Jumax Tatitu Diosamar achikt'am, aka luqtirinakamax jan jiwarapxañaxataki; nanakan taqi jucha luratanakaxarusti mä reyi mayitaxampiw yapt'apxta —sasa.

1 Samuel 12:23

Nayasti jumanakatak Tatitur mayiñxa janipuniw armaskäti, jan maykirista ukax juchaspäwa. Ukampis jumanakarux suman jakaña, chiqapan sarnaqañ yatichapxäma.

1 Samuel 7:8

ukat Samuelur sapxäna: “Tatitu Diosat jiwasanakatak mayiskakim, filisteonakan amparapat jiwasanakar qhispiyañapataki” sasa.