Jeremías 38:16 - Qullan Arunaca

¹⁶ Ucampisa Sedequías reyejj Jeremías chacharojj jamasatwa aca juramento lurarapïna: —Qhititejj jacaña churquistu uca Tatitun sutipjjaruw juramentompi arsurapsma, janiw jiwayaycämati, janiraquiw qhitinacatejj jiwayañ munapjjtam ucanacan amparaparus catuycämati —sasa.

Aymar Bibliia 1986

¹⁶ Ucampisa Sedequías reyejj Jeremías chacharojj jamasatwa aca juramento lurarapïna: —Qhititejj jacaña churquistu uca Tatitun sutipjjaruw juramentompi arsurapsma, janiw jiwayaycämati, janiraquiw qhitinacatejj jiwayañ munapjjtam ucanacan amparaparus catuycämati —sasa.

Qullan Arunaka DC

¹⁶ Ukampis Sedequías reyix Jeremías profetatakix jamasat aka juramento lurarapïna: —Khititix jakañ churkistu uka Tatitun sutipxaruw juramentompi arsurapsma, janiw jiwaykämati, janirakiw khitinakatix jiwayañ munapktam ukanakan amparaparus katuykämati —sasa.

Jeremías 38:16 Jak'a apnaqawi uñst'ayäwi

Eclesiastés 12:7

Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Isaías 42:5

Dios Tatitu, qhititejj alajjpachsa lurqui, janatatcaraqui, oraksa lurcaraqui, uqhamaraqui ucan achurinacarusa, jacañsa jakenacarus churcaraqui, sirviriparusti saraqui:

Isaías 57:16

Janiraquiw marcajjarojj juchañchcapunïtejja, janiraquiw wiñayataquis colerascäti, uqhama lurasasti cawquïri jakenactejj nayajj uscta jupanacajj ch'ama chhaktayasipjjaspa naya nayrakatanjja.

Jeremías 34:20

Uca laycu, jichhajj nayajj uñisirinacaparuraquiw catuyäjja, uqhamaraqui janchinacapasa jach'a jamach'inacana, montenquir animalanacan mank'atäñapataquiw catuyaraquëjja.

Jeremías 37:17

Sedequías reyisti Jeremiasarojj palacioru irpanipjjañapataquiw arsuraquïna; cunapachatejj Jeremiasajj reyin nayrakataparu uñstayatäcän ucqhasti, reyejj juparojj jamasatacwa jisct'äna: “¿Janiti Tatitun yatiyäwinacapajj utjqui? Jeremiasasti sänwa: “Jïsa, utjiwa; acanacaraquiwa: Juma, jach'a reyejj, Babilonianquir reyin amparaparuw purïta” sasa.

Zacarías 12:1

Acajj Tatitut mä yatiyäwiwa Israel marcjjata. Tatitu, alajjpacha jach'aru tucuyiri, acapach oraksa utt'ayaraqui, jakerus jacaña churcaraqui ucajj arsuwa:

Números 16:22

Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Números 27:16

—Dios Tatitu, jumaw take jakerus jacañ churta, utt'ayamay mä jilïriru, marcaman nayrakatap sarañapataqui, jupasti take chekanjam irparacpan, mä tamajj jan awatirini sarnakqui jan uqham sarnakapjjañapataqui.

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Hechos 17:25

Janiraquiw uca Diosajj jaken cunanaca jupataqui lurañapsa munquiti. Jupajjay take jiwasanacarojj jacañsa, samañsa, take cunanacsa churchistojja.

Hechos 17:28

Jiwasanacajj Diosanwa jacapjjtanjja, sarnakapjjaractanjja, utjapjjaractansa, cunjämtï jumanacan yakhep k'ochu kellkerinacamajj sapjjaraqui: ‘Diosan familiapätanwa’ sasa.

Hebreos 12:9

Cunapachatejj wawanacäcäyätan ucqhajja, janchi awquinacasajj chekachistänwa, jiwasanacasti ist'äyätanwa. ¿Cunatarac jichhasti alajjpach Awquisarusti jan jaysañänisti uqhamat jacañasataquisti?