Jeremías 38:17 - Qullan Arunaca

¹⁷ Jeremiasasti ucjjarojj saraquïnwa: —Israelan Diosapa take ch'amani Tatitusti siwa: ‘Jumatejj mäpita Babilonianquiri generalanacaru catuyasjjäta, ucapachajja jumasa, familiamasa janiw jiwarayata uñjasipcätati, aca marcas janiraquiw ninampi naqhantayata uñjascaniti.

Aymar Bibliia 1986

¹⁷ Jeremiasasti ucjjarojj saraquïnwa: —Israelan Diosapa take ch'amani Tatitusti siwa: “Jumatejj mäpita Babilonianquiri generalanacaru catuyasjjäta, ucapachajja jumasa, familiamasa janiw jiwarayata uñjasipcätati, aca marcas janiraquiw ninampi naqhantayata uñjascaniti.

Qullan Arunaka DC

¹⁷ Jeremiasasti ukxarux sarakïnwa: —Israelan Diosapa, taqi ch'aman Tatitux siwa: “Jumatix mäpita Babiloniankir jilïrinakar katuyasxäta ukkhaxa, jumasa, wila masimasa janiw jiwarayat uñjasipkätati, aka markas janirakiw ninampi nakhantayatäkaniti.

Jeremías 38:17 Jak'a apnaqawi uñst'ayäwi

Génesis 12:13

Uca laycu nayar juma laycu jan jiwayasipcañapataquejja: ‘Cullacapätwa’ samaya” sasa.

2 Reyes 24:12

Ucatsti Judá ucanquir Joaquín reyejja, taycapampi, oficialanacapampi, jilïrinacapampi, uqhamarac wali uñt'at jakenacapampejj Babilonianquiri reyiruwa catuyasjjapjjäna, ucatjja jupanacarojj preswa catuntapjjäna. Acasti lurasïnwa cunapachatï Nabucodonosor reyejj quimsakallko mara apnakascäna ucqha.

2 Reyes 25:27

Cunapachatï Joaquín chachajj jayan apanucuta jacascäna quimsa tunca pakallkoni mara, tunca payani phajjsita pä tunca pakallkon uru sarakata, ucqhawa Evil-merodac reyejj Babilonia marcana reyïña kalltäna; jupasti suma jakew tucüna Joaquín chachampi, ucatsti carcelatjja apsjjänwa.

1 Crónicas 17:24

Juman arsutamajja takeraqui phokhasiracpan, uqhamarac sutimasa wiñayataqui jach'achatäpan, sataraquïpan ‘take ch'aman Tatituwa Israelan Diosapajja’ sasa, jupapuni chekpachana Israelan Diosapäpan. David sirviriman wawanacapan reyïñanacapasti utjapunpan juman yanapamampejja.

Esdras 9:4

Take qhitinacatejj Israelanquir Diosan mutuyäwiparu ajjsarapcäna, jayar apatata cutt'anipcäna ucanacan juchanacap laycu, ucanacajja nayaruw jakcattapjjetäna; ucampis nayajj kont'ataquiw wali llaquisiscäyäta sacrificio loktañ jayp'u horascama.

Job 23:13

“Cunapachatejj jupajj cuna lurañsa amtasi ucapachasti uca amtatapjja phokhapuniwa; janiw cunasa juparojj yakha amtayquiti.

Salmos 80:14

Take ch'aman Diosay, uñtanjjapjjaquitaya: qhuyapayasir nayramamp alajjpachat uñtanim, uva yapum tumpasir jutam,

Salmos 80:7

Take atipir Diosay, cunjämäpcäyättejj uqhamaruy cutjtayjjapjjeta, ¡qhuyapayasiñampiy uñtanipjjeta, nanacasti khespiyataw uñjasipjjä!

Jeremías 27:12

Naya Jeremiasasti aca pachpa arunacwa Judá oraken Sedequías reyiparojj yatiyta: “Babilonia marcanquir reyiparu jaysapjjam uqhamaraqui jakenacaparusa, ucapachaquiw jacapjjaraquïta.

Jeremías 27:17

¡Jan jupanacarojj ist'apjjamti! Jan ucasti Babilonianquir reyiru jaysapjjam, ucapachaquiw jacapjjaraquïta. ¿Cunapunisa utj-jjaraquispasti aca marcan k'ala mayjaru t'unthapisina montont'atäñapataquisti?

Jeremías 27:8

Yakhepa marcanacatejj jan ucajj reyinacasa jan Nabucodonosor reyimpi apnakatäñ muncani ucanacarojja nayaw guerrampi, mach'anacampi cunayman casta usunacampi, mutuyaraquëjja takenisa jupana apnakatäñapcama. Naya Tatituw ucjja arsta.

Jeremías 38:2

“Tatitojj siwa: ‘Qhititejj aca marcaru kheparcani ucajj guerran jiwani, jan ucajj mank'atjamasa, cunayman casta usumpisa. Ucampisa qhititejj aca marcat mistuwayjjani ucatsti caldeonacaru catuyasjjaraquini ucajj janiw jiwayatäcaraquiniti.’

Jeremías 39:3

Uqhamaraqui Babilonianquiri ejerciton jach'a jilïri oficialanacapas mantanisinjja chica puncüquis uca chekaruw purintapjje ucanacasti acanacänwa: Nergal-sarezer, Samgar-nebo, Sarsequim, uca jilïrinaca.

Jeremías 40:9

Gedaliasasti jupanacarojj juramentompiw arsuraquïna: “Jan ajjsarapjjamti caldeo jakenacaru catuyasjjañjja. Aca marcan jacañataqui kheparapjjam Babilonianquiri reyirusti jaysapjjaraquim, ucapachaquiw jumanacataquejj take cunas waliquïni.

Jeremías 44:7

‘Uqhamapï naya take ch'amani Israelan Diosapajj sistjja: ¿Cunatsa jumanacpacha uca jach'a ñankha apasinipjjta? ¿Cunatsa jumanacajj jiwarañaru apt'apjjtajja take Judá orakenquiri jakenacjja, chacha, warmi, wawanaca, uqhamaraqui asu wawanacsa, jan maynini jiwarañapataquejja?

Ezequiel 8:4

Ucancaraquïnwa Israelan Diosapan c'ajquiri cancañapajja, cunjämtejj nayajj wasara pampa token uñjcäyät uqhama.

Amós 5:27

Jumanacarojj Damasco marcats juc'amp jayaruw jakonucupjjäma.” Uqham siwa Take Chamani Tatitu Diosajja. Ucaw sutipajja.