Jeremías 31:3 - Qullan Arunaca

³ ucapachaw nayajj juparojj jayatpacha uñstta. Wiñay munasiñampiw nayajj munsma, ucataracwa qhuyapayasiñampi jichhacam uñjascsma.

Aymar Bibliia 1986

³ ucapachaw nayajj juparojj jayatpacha uñstta. Wiñay munasiñampiw nayajj munsma, ucataracwa qhuyapayasiñampi jichhacam uñjascsma.

Qullan Arunaka DC

³ Nayax jupar jayatpach uñstasaw sista: Wiñay munasiñampiw nayax munsma, ukat khuyapayasiñampi jichhakam uñjsma.

Jeremías 31:3 Jak'a apnaqawi uñst'ayäwi

1 Reyes 10:9

¡Tatit Diosamajja bendicitäpan, jupasti jumarojj ascwa uñjtam, uqhamarac Israelan reinopsa catuyaractam! Tatitusti Israelarojj munapunïnwa, ucatwa jumarojj reyita uchtam chekaparu, asqui cancañampi apnakañamataqui” sasa.

Salmos 103:17

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Salmos 25:6

Tatay, amtasiquimaya, munasiñamampi, qhuyapayasiñamampejj wiñayapuniwa;

Cantar de los cantares 1:4

¡Janc'aqui jumamp chica irpita! ¡Oh, rey, utamar irpita! Jumampejj wali cusisitäñäniwa; munasiñamatsti vinot sipansa juc'ampwa amtasiñäni. ¡Ucatpï warminacajj munapjjaractamjja!

Isaías 43:4

nayan jumar munatajj laycu, jumajj wali jila alanïtawa, nayasti wal munassma. Jumajj nayancañamataqui jacañam khespiyañataquisa, nayajj jakenacwa, uqhamaraqui marcanacwa catuyta.

Isaías 45:17

Ucampis Israelarojj Tatituw khespiyi, wiñayataquiw khespiyi, janiraquiw jupajj p'enkachatasa, jisc'achatasa uñjascaniti.

Isaías 49:14

Sión marcasti sänwa: “Tatitojj apanucjjetuwa, Diosajjajj nayatjj armasjjetuwa” sasa.

Oseas 11:1

“Israel marcarustijj wawacän ucqhajj nayajj munasiyätwa; jupajj wawajjänwa, ucatsti Egiptot jawsaracta.

Oseas 11:4

Suma koña chuymampi, munasiñampiwa lasumpjama nayarojj apcatasta; ajanojjaruraquiw apcatt'asta, ñuñuyañ wawanacäcaspas uqhama; jupanacar mank'ayañataquis waquichasiractwa,

Malaquías 1:2

“Nayasti jumanacarojj munapjjsmawa” siw Diosajja. Ucatsti jumanacajj sapjjestawa: ‘¿Cunjämatsa yatipjjerista juman nanacaru munatamjja?’ Diosasti ucjjarojj siwa: “Uca quipcaraquiw nayajj jumanacar munapjjsma. Cunjämatejj Esaumpi, Jacobompejj jila puränjja, ucampis nayajj Jacoboruw munayäta Esaurusti uñisiraquïyätwa, uca quipcaraquiw nayajj jumanacarojj munapjjsma. Esaun kollu orakenacapsti wasararuw tucuyaractjja, yapunacapsti monte animalanacataquiw tucuyaractjja” sasa.

Romanos 8:30

Uqham kalltatpach yakhachatanacarojj jawsjjaraquiwa, uca jawsatanacaparusti catokjjaraquiwa, uca catokatanacarusti jach'aruraquiw apti, ucanacarusti jupampïñataquiw uscu.

Deuteronomio 10:15

Ucampis Diosajj jumanacan awquinacamaruw ajllïna, munaraquïna, ucatsti jupanacan wawanacaparuwa ajlliraquïna, ucanacasti jumanacäpjjtawa, take marcanac taypita, cunjämatï jichhürcama uñjasisqui uqhama.

Deuteronomio 33:26

“Janiw cunas chicachasquiti Jesuruman Diosapampejja, qhititejj jach'a cancañampi kenay patjjan sarnakqui, jumaru yanapir jutañataqui.

Deuteronomio 33:3

Tatitusti marcaparojj muniwa, jupar catuyasipqui uca jakenacarojja imaraquiwa, jupanacasti cayunacaparuw quillisipjje, jupan arunacap catokapjjaraqui.

Deuteronomio 4:37

Juparaquiwa nayra awquinacamarojj munäna, ucatsti wawanacaparuw ajlliraquïna, Egipto marcat jach'a ch'amapampi khespiyanisa.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

1 Pedro 1:3

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

1 Juan 4:19

Diosaw nayrakat jiwasanacar munistu, ucatwa jiwasajj juparojj munaractanjja.